MARY PATHEN VAHCHOINA

“Hichelai hin Mary akipat pai-yin Judea thinglhang gam khopi khat’ah thanom tah-in achei.

Zechariah in’a alut’in Elizabeth salam agabol’e. Mary salam chu Elizabeth-in ajah pet tah-in a-oisunga naocha akichomin, Elizabeth chu Lhagao Theng adimtai. Chuin Elizabeth chun othongin asamin, “Numei jouse lah a nun nom nu, nanaobu sunga um jong anun nome! I-atileh ka-Pakai hingnu lom lom kahenga hung jeng hitam! Ajeh chu salam thu nasei kajah jah chun ka-oisunga naocha kipah-in akichom jenge. Ahenga Pakai thusei guilhung ding tahsan nu anun nome,” ati. Hichun Maryn aseiyin: “Kahinkhon Pakai kachoi, an’in, Eihuhhing Pakai Pathen chunga Kalhagao akipah-e.

Thanom tah in Christmas Mangute

‘’ Thu chu tahsaphe ahungdsoh-in, i-lah-uva ahung chengin, keihon aloupina, Paa kon Chapa chang khatseh loupina chu lungset le thutah lhingset’in kamutauve.’’ (John 1 :14).

Christmas hi Jesu Christa penni dihtah ahi le ahilou gellouvin, Jesu Christa, Pathen Chapa chu vannoi Huhhing din, leiset a ahungpeng monge ti miten ahetdohna diu, Kipana Thupha hi vannoi mite hetna dia lamkai masa ho lungthima Pathen in ana seipeh’a vannoi pumpia kimanga ahi ti tahsan in Pathen thupha phonjalna khat ahi tia gelin mangcheh’ute.

Mitheng Ho Sunga Huhhingpu Apengji

Huhhingpu Jesu hung penna Pakaiyin Mary alhenge. Ajehchu, Mary chu Nungah Theng ahijeh ahi.

Tunia Huhhingpu penna dia Pakaiyin adei chu 'Mi lungtheng ho' ahi.

 “Milung theng ho anun nom’ui, Amahon Pathen amu diu ahi.” (Matthew 5:8)

Mitheng Ho Sunga Huhhingpu Apengji

Huhhingpu Jesu hung penna Pakaiyin Mary alhenge. Ajehchu, Mary chu Nungah Theng ahijeh ahi.

Tunia Huhhingpu penna dia Pakaiyin adei chu 'Mi lungtheng ho' ahi.

 “Milung theng ho anun nom’ui, Amahon Pathen amu diu ahi.” (Matthew 5:8)

NUNGAH THENG MIJOUSE LE PATHEN IN ADEIYE

Gollhang jousen nungah adeicheh e. Adeh in nungah hoi akidei cheh e.

Minu-mipaten jong anou diuvin, nungah pha le hoi adeiyin, adeh in Nungah theng adeicheh un ahi.

Nungah hoi akideicheh e. Hinla, jiding mong akiti tengle Atheng, nungah theng akilheng teiye.

Pathen in jong nungah theng adeiye.

Mary Koma Vantil Kisol bangin Nakoma Pakai Vantil Ahunge:

( Bible chang kilheng  Luke 1:26- 38 :  JESU PENDING KISEI MASAHNA:

Elizabeth gai kal lhagup lhin nan Vantil Gabriel chu Pathena konin Galilee gam Nazareth khoa David chilhah Joseph toh kicheng dia kitepsa nu-ngah Mary henga akisol’e.
Vantil chu alut’in ajah a, “Nun nomin sah chungnung nu, Pakaiyin naumpi jinge!” ati.
Mary chu alung kichi-ah lah jengin, ipi thudol’a kilemna ahiding giltah-in agel’e.Hichun Vantil’in ajah a, “Mary kicha hih-in, Pathen lungdei namui.Nagaiya chapa khat nahin ding, amin Jesu nasah ding ahi.Ama thupi tah hiya Chungnungpen Chapa kitia, Pakai Pathenin apu David laltounaa atou-sah ding ahi.Jacob chilhah te chunga lengvai pontin, alenggam chun beitih neita lou ding ahi,” ati.

Pathen in Anatoh Loupi Amusah Hohin Van Kipana Aneiji :

Kahinkhoa Pathen in anatoh loupi eimusah bang hin nang jong namusah tei ding kanom lheh jenge. Ajehchu, kipana tahbeh, Van kipana eineisahji.

Pakai Lhacha ho jui hi Ama kijui jing ahibouve.

Christmas 2012 le Christmas 2013 chu Christa tahsanlou ho lah, Sibergool le Bodrogool khoa Pastor H.Haolai-to kaman ahi. Christa tahsan khatcha umlou ahin; kacheu chun, amuna um Missionary Pastor L.Chorei-to kavah leuvin, in kachonun, chule, a Pathen hounau in lhan tobanga inneocha kisong jong kagaveuve. Hiche in sunga chu koima lut phallou ahi. Pathen jalin kei din lampi khat aume. Thuso bolmi kahi aheuvin, Lim kalah lele jalchun kaluttheiye. Koima kaseipeh poi. Camera choiyin asunga kalut in Lim kalan, chule, chomcha taona kaneiye.

Jesu Pending Kisei Masa Ahi

Jesu leiset  mihem a ahungpen ding chu semtila mihem chonset a alhuh akona kisei masa ahitai. Chule, Abraham koma jong pathen in anaseiye. Jesu min akiseilou vangin, Pathen in Abraham jah a ‘Mijouse phatthei channa nahiding’ ati chu Abraham guiya kona Huhhingpu Jesu hungpen ding le mihon Jesu Christa jala Pathen phattheibohna achan diu thu kiseina ahi. Chubanin, akhang akhangin Pathen in Themgao ho kama konin anasei jinge.

Achaina penin, Pakai Vantil Gabriel in nu-ngah Mary aga seipeh in, chujouvin, Mary jidingpa Joseph koma agasei kit e.  akisol’e (Luke 26-38 sung hi simin)

Jesu Christa Penthu

Jesu Christa pen um chan chu hiti ahi. Anu Mary chu Joseph to kicheng dinga kitepsa ahin, ahinla akigop masang lhonin Lhagao Thenga kona agai chu Mary hin akihet doh tai.Ahin ajipa Joseph hi midih tah ahijeh-in Mary hi lhangphonga mipi seithanga umsah ding a nompon, guh thim cha akitepna lhon suh keh a kikhenpi din agoi.

Tonsot-Hinna Naneina din Jesu Kouvin

Pathen in vannoi angailut behseh jeh in Achapa changkhat chu ahinpetai. Koihile Ama tahsan chan chu mangthah louva Tonsot-Hinna anei johding ahi.” (John 3:16)  Hichea ‘Vannoi’ hi ‘vannoiya mijouse’ tina ahin, ‘Achapa’ hi ‘Jesu Christa’ tina ahi. ‘Hinna’ hi ‘Pathen hinna’, mihemin aneile Pathen-to tua le tonsot a hingkhomding ahi.
Bible in ‘Hinna’ ati hi nanei mong mong tah em?
Ole, lhagao dihlou ho, nunchan phalou ho, du le ngai dihlou ho suhboi theibep nahi jeng nahlai em?

Christmas Card in Christa Kipana Thupha Homjalnan,

Thusei le thilpeh ajoujaiyin ibolthei pouve. Ibonchauva iboltheiyu aume. Christmas ahin, Pathen Chapa Jesu Christa hi eiho chonset akona eilhatdoh diuvin mihem in ahungpenge ti hetna in, na loi ho, adeh in Christa helou le sanglou ho Christmas Greeting Card pen.

TAHSANNA KICHEH NEIYA THUPEH NIT HI PHATTHEI CHANNA AHI

Nasimsa hijongle, hiche Bible chang hi velsimin, tao jing pumin.

Gollhang nahin, Pathen tahsan le gingtah nahi. Jidia nadei nungah jong chu, atheng le ahoi nadeiye. Natup bangin, nungah kitup le seiphat chang namutai. Kichenpi din nagongin, thiljouse suhtup ahitai.

Nakichen diu mong phat in, najidingnu chu phatecha navetchet phat in, naovop jing ahi namutai. Nangmanla natohkhah louhel ahi. Koito anao ham nahepoi. Iti na um dem?

Nungah nahi. Pathen tahsan le gingtah nahi. Dongma naneiyin, nadongmapa chu Pathen ging le chonphatah ahi. Kicheng din nakitep lhontan, nanu le napaten jong nakichenna diu phat atep un, thil agongtup taove.

Hichekah lahtah chun, lhagaotheng ha, lhagaoboh ham nahetchetlou khat in nao navopsah din ahung kitep tai. Iti na um dem?

Pathen Hi Ngailutna a Dim ahi

Pathen Hi Ngailutna a Dim ahi. Chule, kichat umtah jong ahi het ding ahi.

“Pathenin vantil chonse ho jeng jong khen louhel’in Damun’a aleh lut jengin, hikoma chun Thupi tan ngah din muthim lah a thih khaovin ahen’e.(.2 Peter 2:4)

Vantilte bon, asuhkhel jeh’uva damuna akoi theile mihem in alung atoloule hinghoiyinte natim?

Alung tohlou jouse damuna akoiding ahi.

Pathen lungto ding, alungdei bolna dinpen chu Achapa Jesu Christa hi Huhhingpu le Pakaiya nei ding hi ahipene.

NGAILUT BOU AHI NGAICHAT PIPEN

NGAILUT hi mijouse ngaichat khohpen ahi. NGAILUT aumloule thil jouse hi apanna tahtah aumtheipoi. Aphapena kihe jouse jong hi NGAILUT apanloule, kichat umpen le deimo umpen asohtheiye. Sum hi ngaichat khohpen khat ahi. Hinla, NGAILUT apanloule sum jong hi kinahna, kithana gei asohtheye.

Nei le gou loupitahtah jong min aneinom cheh e. Hinla, NGAILUT apan loule nei le gou jouse jong hi manthahna sodohsah ahijing theiye.

JESU PENNA MIHO PATHEN IN APANPIJI

Themgao Isaiah in, Jesu Christa penna miho Pathen in apanpi dan hi Pathen kom’a aseiye,

 “Nangin anamkoljonu navoh boh peh-in, Ajepnau tenggol jong naheh bongtai.

 Midian sepaite nasuhgam bangin, Namite bolgima kichepna nei nam mite najoutai.” (Isaiah 9:4)

‘Jesu penna mi’ tihi ‘Jesu Christa Huhhingpu le Pakaiya kisan ho’ ahiuve.

‘Midian sepaite’ chun Israelte ana bolgenteiyu ahi’n. Hinla, Jesu Christa ahintahsan jouse vang Pathen in Abolgenthei ho jouse khut’a kona ahuhdohji ahi.

Nangla, ipin nabolgenthei em? Ipi ham nalunggimpi? Ipi ham na dammosah a? Na tahsa, na lunggel le na lhagao bolgentheiya, hinkho kipah’a namansah theilouva chu ipi, ipipi ham?

Hicheho jousea kona na huhdoh din, Jesu Christa hi kouvin. Taovin. Ngeh in.

Mary Bangin Kiphalin

Mary bangin kiphal in. Mary chu Israel mi ahi. Israelte dana chu aji kihelouva naovop le neiya chu songa selih ding ahi.

Mary chu nungah theng ahin, Joseph to kicheng dia kitep ahi. Akichen masang lhona nao avop ding chu, Joujeph in akichenpi louding, chule, songa selih ding bou ahi. Hinla, Mary chun Pakai thusei anit in, “Ven, Pakai nalhachanu kei, nasei bangin kachunga guilhung hen,” ati. Hichun Vantil’in Mary adalhatai. “ atitai(Luke 1:38)

Mary akiphalin, Pathen thusei ngaiya thiding chan hijongle angap in Pathen khut a  aakipei.

Pathen hi thiljouse sema le ijakaiya thunei ahi. Mihem hinkho jong ama khut a uma ahi. Ama thupeh nit hi ‘thina ahipoi. Hinna ‘ ahijoi.

Mary akiphalin, athipoi. Songa selih in aumpoi. Ajidingpan jong khatveidia donda ding ati vangin, Pakaiyin akichensah thouthouve. Gai hamset ahivangin, Joseph in akichenpi e. Hichu, Pathen panpi vang ahi.

Thiljouse Hi Jatni Ahi

1.    Ase,chule  Apha;

2.    Pasal (Achal), chule, Numei (Anu);

3.    Positive (Atah), chule, Negative(Akaleh);

4.    Hinna, chule, Thina;

5.    Lhagao, chule, Tahsa aume;

6.    Thiljouse sempa Pathen aumin; chule, thilsem jouse susepa  Satan aume

7.    Pathen chenna mun (Van-gam) aumin, chule, Satan chenna mun (Damun) aume;

Pathen Thu Hi Hethemin Apanpina Kisanin

Masang chun Bible hi kana sim nompoi. Nikhat chu kakoma Pathen in, “Michonse, thidia lom nahi chu kahai nahisah ham? Bible sunga kasei namu chula em. Hinla, ka ngailut jeh a, michavai nahi kahet sasa nahinna dia kakom nahin belna ding kagonpeh nahi kihet in” tia asei kahetnia pat in Bible hi kasimnom nom jengtai.
Adeh in, keima chonset, mihemte chonset nunchan aseina, hatmo, themmo ihina hou thu hi ngei kasan, kasimnom nom jengtai.

Thupeh Nit Hi Ki Ngailutna Ahi

“Athupeh chengse init’u le ama ihetsau ahidol kichen ding ahi.” ( 1John 2:3)

Pathen hi i-ngailut’ule athupeh init diu ahi. Pathen thupeh chu - Achapa Jesu Christa tahsana kisan ding hi ahipen e. Christa neiya Ama het hi chu Pathen het hina ahi.

Jesu Christa Pakaiya Neijouse Pathen Chate ahiuve

Isaiah chun, Christa Huhhingna chang ho kipaje ding amu’n aseiye, “ Pakai, miho nakipasah-in, Nom satah-in nalhai! Lho lhun teng lhoga kipapi bang le Gal’a kichomdoh thil kihop’a Kipa bang khun mihon Nathilbol akipapiuve!” (Isaiah 9:3)

JESU PENIN MIHEM HINKHO KIPANA APEI

Themgao Isaiah in, Jesu ahungpen jeh a tahsante nundan kikhel amumasah dolin aseiyin, “ Muthim lah a vah le ten Khovah loupi tah amutauve!

Muthim gama chengte chunga Kho ahung vah tai !” (Isaiah  9:2)

Jesu Christa tahsan masang hinkho chu Pathen hetlouna phatlai ahin, hitobang hinkho chu ‘muthim’ tin Bible hin aseiye. Muthim a vaihompa chu Satan ahi. Satan vaihopna mun hi ‘vannoi’ tin jong Bible in aseiji.

MARY TOBANG NU HIDIN KIGON

Jesu-nu Mary lungchin them le hetna jala Luke sut kipana thupha hi, Kipana Thupha dang sanga gillut jep a Jesu thusim kimuthei ahi, Mary hi Minu phatah ahina Luke in akilang chom lheh jengin ahi.

Jesu Pending Kiseimasahna

Elizabeth gai kal lhagup lhin nan Vantil Gabriel chu Pathena konin Galilee gam Nazareth khoa David chilhah Joseph toh kicheng dia kitepsa nu-ngah Mary henga akisol’e.
Vantil chu alut’in ajah a, “Nun nomin sah chungnung nu, Pakaiyin naumpi jinge!” ati.

Nahinkhoa Christa Pensah in

Jesu Christa chu Huhhingpu le Pakai dia nakisan tengle, nasunga kona hung penga, noiya kisei hohi nahinkhoa hung kilang ding ahi:
"Muthim lah avahle ten khovah loupitah amutauve!
Muthim gama chengte chunga kho ahungvah tai!.....:
eiho din Naosen khat apengin,chapa khat eipeuve!
Ama hi eiho vaihoma pangding ahi. Ama hi “Thumopthem kidang,
Thaneipen Pathen, tonsot mi-Pa, Chamna leng Chapa,”kiti.
Aleng thaneina khangtou jingding, Alenggama cham leng jing ding ahi.
David khel’a lengvai apoh a  tua pat akhonni geiya vaihom ding ahi.
Thaneipen Pakaiyin hiche hi aboldoh ding ahi. :(Isaiah 9: 2; 6-7)

Van Canaan Jon Ihiuve

Tujingkah kikhopna a Sunday School 2014 adia khumkhana Pilhing mihil in eipansah un, kaseidoh khat kidang kasah e
(kigolou le kagelphah khahlou Pakaiyin eiseisah a kagel ahi):
"Pastorpu hilchet semna 'Thumakai' hin 'Number' (Minbu) thu lhangpi ahopsoh helin, hiche hi anasim cheh uvin. Hichena chung chun, akhaikhomna le tua eiho Christian hinkhoa eihilnau chu hiti hi ahi :

A Lhagao Chenpiho chu Pathen in Apanpiji:

Mihem hi hatlou akihin, hiche hohi, eima hatna boldohthei ahipoi. Hichu, i-Pakaiyu Jesu Christa’n ahet jeh in „Kithopi ding Lhagao Theng eihin solpeh diuvin akitep’e. 

“Achaina’n, sopite, ipihile atah chacha, jaum chacha, adih chacha, atheng chacha, ngailut thei chacha, datmo thei kidang chacha—ipi hile lhentheipen le pachat dia lom  —ho chu gelkhoh’uvin. Keiya kona najah jouseu le na kihilna jouseu  hihen keima a namu jouseu chu—atah sonadin bol’uvin. Chutile, Pathen a um chamna chu nanghoa umding ahi” tin Solchah Paulin eitem’uve.(Phippian 4:1,4-9.

Hiche, Lhagao Theng chu, Pathen in Jesu Christa tahsanna, Leng le Huhhingpu-a kisan jouse apeh ahi. Hichu, nathumji nah em? Nitinin thum’ute. Ama Lhagao Theng chu eihoa achenteng, thildang, i-ngaichat jouseu jong eipeh diu ahi.

Kei-to ikimu-le Keiya Nahi Jeng, Mito Nakimu-le Mi-a Nahi Jeng

“Kei-to ikimu-le Keiya Nahi Jeng, Mito Nakimu-le Mi-a Nahi Jeng”

Hiche ‘La’ in kanao neochan jingkah chun ahin sa’n ahile kanui aja’n, hinla, nilhum keiyin kalungin aumlo’e.

Kalungin, ‘hitobang lachavai, numei chavai nunchan La a kibol” katijin suhmil kagot-le, kahetlou kah in, kaalungin, golkhat lele chu kasasa jeng in; kalung ahan vangin, alonaje kahepoi.

Pakaiyin Ama Ngailute Aching Jing e

Leng David chu Leng loupe ahivangin, abolding jouse Pathen adongji. Galten amite ahin delkhum ahet a agalkon ding jongle, Athempu von chu aki-ah in, taona neiyin Pakai adongji. Pathen phatsah le phatsah lou adongtohji.

Hijehchun, Pakaiyin apanpi jingin; amelmatea konin jong ahuhdoh jinge. Hichu, ahetthem jalin, David in La abol e :

“Pakai chu kelngoi chin’a eichingpa ahi’n, keima lhasam pong’e;

Pathen Hi Ahol Jousen Amuve

Pakaiyin aseiye, “Nei holunatin neimu diu ahi, nalungthim pumpiuva neihol tengule” ( Jeremiah 19:13.)

 Pakai Jesu hin Huhhingpu le Pakaiya kisana, athupeh ho nit jouse le Ama koujing ho aumpi jingin ahi (Matthew 28:18-20).

Aman aumpi jouse chu achingin, ahongbit jingin ahi.

Pakaiyin, “Kicha hih in, Keiman ka umpi jinge; lunglha hih in, Keima na Pathen kahi; Ka hatsah ding, Ka panpi ding, Ka jetlam khut a Ka dopsang ding nahi” tin aseiye. (Isaiah 41:10).

Hijehchun, Pakaiyin asei hi hejingin, taonan Ama hi kou jing jengute.

Lungthim pumin holleuhen Ama i-komuva hung ding, eipanpi teidiu; chule, ei umpi jing diu ahi.

Pathen Ngailutnan atinval

Tunijan, hiche La chomcha hi kalunga acheng jingin; kadonda-le, kahetlouvin jong kasasa jengin ahi.
Hichun, ka tadoh a kavet phat mong phat in, La kidangtah, kikhop kikhenna ding maiya sah ding hilouvin, Pathen ngailutna kidang phondohna ahi kamudoh tai. Loupina Pakai chang jing tahen.

Hungo, sataute, athu phatecha gelin, taopumin saute :

Christa Lhagao Neiho Nunnopna

1. Jesu Chista hi Pakaiya neitahtah hochun, 'hinnopna', 'kipana giltah' anei jiuve. Ajehchu, Aman 'lhagaova' mi achenpi tengle achenpi ho lhagao chun lungmonna aneiyin, imacha olmona ding aneijipouve.
Chutengle, hiche La dihtah in asatheiji taove:
"Jesu nei hi hinna nom, kipana thuguh ahi, Kalhagao monna eipei ;Jesu neibou kipana."
Chutengle, thudihtah he in, avel velin asajiuve "Jesu nei chihna bulpi, Jesu nei haona bukim;Jesu nei chu vannoi toh kikhenna" ti in.
Chule, Jesu nei jouse chu 'vannoi' chonsetna hohito akikhen tei jiuve. Ajehchu, hiche vannoi chonna hohito, asunguva Chista lhagao chu akivopjipoi. Mihem in lhepna hohi ajoji ahipoi. Asunga lhagao umpa chun ajopehji ahitai.

Chonset-Gal Jouva Jesu Bel Jingin

Nitina lhagao galsat jing ihiuve. I-gal’u, Satan chu lamchomchom in ahung jin ei kidoupi jiuve.Hijeh achu, iti ki dintetpi ding ham het ngai ahi. Bible in “ Nakidoupi jingpa chu ki-cha louhelin pangdet in lungthoina nei hih in (lunggimlouvin, mongtah in umjingin), (hitia na hakatna le monna, olmo louna) hichu nakidoupiho dia manthahna hija, nangma dia Pathen’a hungkon hoidohna le sochatna hiding ahi” ati.( Philippians 1:28)

Tahsa le Lhagao Damna

Tahsa hi Lhagao chenna dia kisem ahi. Lhagao adam-le tahsa jong  adamjeng theiye.

Na tahsa le na lhgao damna din Pathen belin athu Bible hi Niseh in Simin chule tao jing jengin.

Gospel John in panin, niseh-le Bungkhat beh simin. John, Matthew, Mark, Luke chule Acts le adang dang simsoh helin.

Moh sim maimai hilouvin, nalunga tao jing pumin simin,  "Pakai, Nathu hetthemna neipen" tin tao jingin simin.

Cross Thu Hethem Dingin Pathen in Napanpi jing tahen

“ Cross thu hi’ mangthah jing ho din golthu ahi, hinla, eiho huhhing chang ho din vang Pathen thahatna ahi.” (1 Corinth 1:18-25 chan simuo)
Nang le keivang amangthah ding hitalouva, Huhhinga umsa ihitah jeh in, Hatchungnung Pathen chu thangvah in umhen.
Ahelou hon "Pathen Chapa ahile iti michonse thia thiham?" tin aseiyuve.
Hetna lhinglou pum hijongle Pathenin hetna eipeh bangin adonbutna peuhite:
1. Cross achun Jesu chu ana thi hihhenlang, Thuhilkeo hi anabol hihen, mihem ho thi bangin anathi hitale, Gospel tha-hatna kidang hi tua banga kiphong louding ahi.
2. "Michonse thia anathilou hitale ipi chu michonseho khela athina hiding ham?"
3. Cross hi nang le kei chonsetjeh a ithidiu khela athina hin.
4. Cross hin Pakai thohna le chonset galjona ahi.
5. Satan in michonse thia athiding ana nompon, Cross peldohsahna din
6. Cross chu Jesu’n ana pelmo ahipoi: Satan in jong Pathen thilgon anahet jeh in peldoh sah ding anago e:-
(a) Gamthip laiya ana lhem in, Cross peldohsah teiding anati’

Mihem Kisemlona Pen Le Atohding Kin Pipen

1.Mihem kisem-lonapen le atoh ding kin pipen chu:

a) Pathen loupina dia kisem ahi, ( Ps. 86:9; Isa. 60:21; Rom. 11:36; I Cor. 6:20; 10:31; Rev. 4:11),chule,
b) Pathen to chengkhom dia kisem ahi.( Ps. 16:5-11; 144:15; Isa. 12:2; Luke 2:10; Phil. 4:4; Rev. 21:3-4)

2.Ahile, nangin, na kisem-lona chu na bulhit nah em?
a) Na sempa Pathen loupina nahi nah em?
b) Pathen-to na chenkhom, na hinkhom nah em?

Taojingin

“Hethem’uvin Pakaiyin midih akilhendoh tai,

HOU-IN KISAH DOLA THIL KIDANG

Pathen in aphallou-le Hou-in sahthei ahipoi.

Leng David in, “Kei Cedar thing ina kachenna ka Pakai pon-ina iti cheng ding ham? Hou-in kasha ding ahi” ati. (2 Samuel 7:2 chule aban sim peh in)

Hinla, Pakaiyin aphalpeh poi. “Nakhut a thisan akiso tamtai, Ka chenna ding in sathei ponate, nachapan vang ahinsah thei ding ahinai” atipeh e.

Leng David in, “Ken kasahtheilou jongle, thing le go, manchah ding hobeh kakholding ahi” atin, Hou-in sahna ding manchah – thil le lo tampi akholtai.

Cross Thu Hethemdin Pathen in Napanpi Jing Tahen

 “ Cross thu hi’ mangthah jing ho din golthu ahi, hinla, eiho huhhing chang ho din vang Pathen thahatna ahi.” (1 Corinth 1:18-25 chan simuo)

Nang le keivang amangthah ding hitalouva, Huhhinga umsa ihitah jeh in, Hatchungnung Pathen chu thangvah in umhen.

Ahelou hon "Pathen Chapa ahile iti michonse thia thiham?" tin aseiyuve.

Hetna lhinglou pum hijongle Pathenin hetna eipeh bangin adonbutna  peuhite:

1.       Cross achun Jesu chu ana thi hihhenlang, Thuhilkeo hi anabol hihen, mihem ho thi bangin anathi  hitale, Gospel tha-hatna kidang hi tua banga kiphong louding ahi.

2.       "Michonse thia anathilou hitale ipi chu michonseho khela athina hiding ham?"

3. Cross hi nang le kei chonsetjeh a ithidiu khela athina hin.

4. Cross hin Pakai thohna le chonset galjona ahi.

5. Satan in michonse thia athiding ana nompon, Cross peldohsahna din

Ngaidam Kithuma Chan Ding

Leng David in, “Chonsesa kijil’a themmosa hungpeng kahi!” (Psalms 51:5) tia Pathen koma “Neisop lechun theng tange” atia atao khu iheuve. Chule, hitia atikhu Pathen in adeilhen jouva “Ama khu kalungdei mihem ahi” tia Themgao Samuel koma aseisa. Lenga apansahsa ahitai. Hinla, achonset athenlou jeh achu, chonset abolkit ahi. Ama a chonset tha-hatna aumjing ahet kichet mongmong phat achu, Pakaiyin asoptheng loule itih ajong chonset aboljingthei ahi akihet chet mong mong ahitai. Hijeh achu, achonset, ama a chonset um chu, “Pakai, kachonset neingaidamin, keiya um chonset tha-hatna hi neisoptheng peh in” tia taova ahi.

Hou-in Kisah Thua Thil Kidang

Pathen in aphallou-le Hou-in sahthei ahipoi.

Leng David in, “Kei Cedar thing ina kachenna ka Pakai pon-ina iti cheng ding ham? Hou-in kasha ding ahi” ati. (2 Samuel 7:2 chule aban sim peh in)

Hinla, Pakaiyin aphalpeh poi. “Nakhut a thisan akiso tamtai, Ka chenna ding in sathei ponate, nachapan vang ahinsah thei ding ahinai” atipeh e.

Leng David in, “Ken kasahtheilou jongle, thing le go, manchah ding hobeh kakholding ahi” atin, Hou-in sahna ding manchah – thil le lo tampi akholtai.

David athinungin, alungdei chu Pakaiyin phatsah in David chapa Leng Solomon in loupe tah in asatai.

5 Benefits of Memorizing Scripture | GodLife

5 Benefits of Memorizing Scripture | GodLife

Satan in Jesu Alhep Bangin Mihemte Alhem jing e

 “Chujouvin diabol chun molsang tah khat chunga Jesu apui touvin, vannoi leiset lenggam jouse le aloupina chengse avetsah soh keiyin, ajah a, “Kahenga naboh khup’a chibai neiboh-le hichengpi hi peng kate.” ati. (Matthew 4:8-9)

Hichea hetdoh thei chu - vannoi leiset le aloupina ho ahin Satan (Diabol) in tha aneiye. Jesu chu Pathen chapa ahijalin, alhemlha poi.

Nitinin, eiho jong eilhem jinguve. Leiset loupina le lalna, thuneina le haona, nopsahna ho le nopchonna hohin eilhem jinguve. Jesu Christa neilouvin, lhepna hohi ajoujipoi.

Jesu Christa bou ahi, Satan gal jousohpa. Ama naneiloule najo louding ahi.

Jesu chu Pathen Chapa ahi Diabol’in ahetna chunga alhep jengtheile, vannoi leiset le aloupina hoa hi ama thaneina uma, chule, mi apehthei ahijong akihei. Hiche hoa Pathen Chapa bon alhep jengle, nang le kei hi iti eilhepda diu ham?

Hiche hohi deichatsah a mihem hohi Pathen loupina mutheilouva mahthah jing jenga ahiuve. Chule, hitia loupina le lalna neo hohi, Pathen peh hilouva Satan hin apeh jong umtei ding ahi. Chihthei angaiye.  

Pathen hi Ngailut a Ginding in

Pathen in Vantil ho jengjong (adem chompoi, A Vantilten),  chonset abol’uchun, khen beihelin, Damun’a alehlut jengin, hikoma chun Thupi-tan (nia achungthu’u kitan ding) ngah din muthim lah a thih-kaovin ahentai.  ( 2 Peter  2:4)

A-Vantil hobon achuti bol jengle, nang le keiyin in Pathen deilou bola, chonset chu donlouvin koiyinate tia nagel em? Chutiponte, achonse, athu-nitlou chu abolchah teiding ahi.

Mihemte ivang phauve. Pathen hi Ngailut ahi (1 John 4:8) Eingailut jalun, Achapa Jesu chu eiho kithopi din ahinsole. Jesu ahungin, eiho chonset jeh a Pathen lunghanna ichunguva lhungding –tonsot geiya, (Vantil chonse hoto) thohgenthei ithoh diu khelin Aman Cross chunga  ahung thoh in, eiho thiding khelin ahung thitai. Hiche, Jesu kinbol hi tahsana kisan jouse chu chonseho lah a kisimtha talouva, themchnga kisim ding ‘Pathen chate’ kiti diu (John 1:12) ahitai. Chule, ‘tonsot- hinna’ chu aneidiu ahitai. (John 3;16-17) Atahsanlou jouse vang chu, tutua jong themmo chang ahitauvin, tonsot a damuna thohgim genthei thoh ding ahitaove (John 3:18 ven).

Hijeh achu, Jesu’n,“Keima hi Lampi le Atah chule Hinna chu Kahi. Keiya kona chelou chu koima Pa kom alhung theipoi ” ati ahi.(John 14:6)  

Hijehchun, akilet masangin, tuhin Jesu Christa chu kisanin.

Pathen in napanpi jing tahen.

Christian Dihtah Chu

Christian nu-le-pa akona napenman, Christian insungmi himan, Houbung mi himan le thilpha bol manna Christian hithei ahipoi.
Christian dihtah chu Jesu Christa ‘huhhingna chang’, ‘Jesu Christa-a hinna nei’ ho ahi.
Bible in aseiye “Nangman nakama ‘Jesu chu Pakai ahi’ na phondoh a, chule, nalungthima Ama chu Pathen in mithilah akonin akaithouve, ti natahsanle na sochat ding ahi.” -Romans 10:9.

Pathen Lenggam Mumasan

Pathen thun asei,“Amasan Alenggam le achonphatna hol masan, chuteng adang jouse nakipehbe dingu ahinai” (Matthews 6:33,)

Hiche hin asei chu :
“Amasan Pathen Lenggam le Ama (Pathen) kidih-lhinsetna chu hol masauvin, chutengle, adang jouse jong hi kipe ding nahiuve” tina ahi.

Abraham Tahsan Kidanje

Abraham ngol lom lom! Achapa kithat go jeng ! –Pathen ana um hih’le, achapa aneisun Isaac chu akitha ahitai! Pathen chun agahdai jong hintin, ahiloule, achapa a-it le itlou avetna jong hintin.Pathen in “nachapa chu maichamin toh in” atile aboltahbah jeng chu! Genesis 22:1-19 ven.

Christa Tahsana Themchangta

Jesu Christa tahsan jouse chu themchanga ahitaovin, atahsanlou jouse vang themmo changa ahitaove.
“Ama tahsana chu themmo changlouva, atahsanlou vang chu Pathen Chapa changkhat mina atahsan lou jeh a themmo kichansah ahitai.”(John 3:18; 36

JESU HI TAHSA LE LHHAGAO DAMSAHPA AHI

“na damsah-uva Pakai chu kahi,” ati. ; Jacob 5:15 - “tahsana taona ” ti hohi ahi.( Exodus 15 : 26)

JTLD-1 : THUGUH themcha phondohna.(SCC houin’a May 8, 2011Sunday nilhah’a kathusei ahi)

Amasa penin Phatpha eipeuva Pa Pathen chu thangvah in um hen - Amen.

                Phat hi manlutah ahijeh in, tu nilhah jong ‘manlutah thu’ tailou kaseinom poi. Thu seiding jong kakilop poi. Hinla, tahsa le lhagaova damna ngaihon damna tahbeh amu diu kinepna jala, Pakaiyin keima tahsa le lhagao adamsah banga nangho jong nadamsah diu kanop jala  hinsei kanom thouvin ahi. Hijeh chun tu nilhah a i-thupi diuva kadeilhen chu -

                “Pakai  Jesu Christa hi itahsau  le  i-Lhagaovu - agoma damsahpa Pathen ahi” ti thu i-sei diu ahi. Phatecha ngaiya le tahsan hon damna aneicheh ding katahsan ahi.

Mitamtah in Christa akisannau Bible Chang

Hiche Bible chang lele hi sima Christa kisan mitamtah aumtai ti akijajinge. Patechan simin, achengcheng hin ve-inlang, he-in, nit in, mangcha’n :

Pathen Bel in

Pathen umna a hahsatna le gentheina umlou ahi.

Pathen chu NGAILUT ahi ( 1 John 4:8)

Ngailutna a dim ahi jeh in Pathen in akoma ijottheina diu eigonpeh’uve.

Jesu-to Hinkho Man Hi Kipana Tahbeh ahi

Anungjui jouse chu Jesu Christa’n hinkho amankhompiji. Hinla, mijoujaiyin, Jesu-to hinkho aman hi akihetji-lou jeh in kipana le lungmonna tahbeh aneijipoi. Eiman kihetchet ngaiya ahi.

Lung Heiyin Hinna Kisanin

Christa thupha hi mijouse ding ahi. Baptist John le Pakai Jesu thusei patna pen chu “Lungheina neiya Pathen Lenggam kisan ding” anhi. Tuni geiya jong hichu hijing ahi. Amani thusei pat chu :  

 “Lung heiyun, Pathen Lenggam anaitai” (Matthew 3:2)tin akipan lhonin ahi.

CHONSET IN PATHEN LE MIHEM AKHEN AHI

            ‘Chonset’ kiti hi ‘Satan’ tha-hatna, natohdoh, Lim le mel, alimso, amije, ahi’na, anatoh kilah/phondohna  ahi.  ‘Chonset’ (Satan thahatna) in Pathen le mihem kah hi asunohphah ding le boina tamtah akoitai. Mihemte thusimlui ahin, hiche kikhenna hi semphat gotnan, mitamtah in pan alauve – Hou, naphatohna, chihgutna, chonphatna, le adang tampi), hinla, khatcha alolhing aumpoi. Geldan dihlouvin, itobangin, Pathen heng jotna lampi tampi aume tin mihemten gelin bol jongleur, adihtah khatseh bou aumin, hichu, Pathen Chapa Jesu Christa bou hi Pathen-to kijopmat kitna thei, (lampi khatseh chu Jesu bou ahi) ahi. Jesu’n aseiye,

“Keima Lampi, chule, Atah chule Hinna chu Kahi. Keiyakon tailouvin, koima Pa koma ahung theipoi” (John 14:6).

Bailama Pathen Panpina Chandan John Asei

Mitamtah in hahsatah a Pathen kimuding, Ngaidamna chanding ham tin akigimbol’un, Solchah John in, Pathen hi bailet’a kimu dan eihiluve.

John hi  Pakai Jesu Seijuite lah a kidangtah khat ahin,Jesu’n angailut chombeh ahi kihetthempa ahijalin, Gospel asutna ahin Ama hi ‘A Ngailut John’ akiti hel e.

Lungsetna Changa Huhhingna Chang Nahi Kihet in

Mipha nahiman le thilpha nabol jala huhhinga umding nahipoi.

Na chonset mana huhhingna chu nachan loudingin jong kigel hih in.

Jesu Christa natahsan-le Huhhingna nachan ding ahijenge.

Jesu’n eingailut jaluva, eiho chonset jeh a i-thi diu khel’ a, Ama Cross a hungthia eilhatdoh’u ahitai Hichu natahsan-le Huhhunga um nahi ahitai.

Jesu hi Mijouse Chonset Pomangpa ahi

Jesu Christa vannoiya ahunglona hettohsah a pang Baptist John in thu ahillhanglei. Bible in aseiye:

^“ Ajingin John in Jesus hung amu’n, “Veuvin, Pathen kelngoinou, vannoi chonset pomangpa khu! “(John 1:29)

Ngailut Pathen in Ama Ngailute Lheplhah a Umding Aphalpoi

Nadeitah nagol khat jong chu Milhempu hin ahin manchah jingthei ahi. Chingtheiyin. Na dongma to nakhenthei. Naji to nakhenthei. Nanu-napa to nakhenthei. Na simmun phalaiya kona napui chatvaithei. Natohna phalai nasuhsetpeh thei jing ahi.

Namel-hoina, mideichom nahina, nanunchan phalai nasuhsetpeh jing thei ahi.

Hou-in Kai Akho Jedan

Mi ko’nkhat in akikhopnau donda’a achon nau banga bol louvin, Nikho chu ahung naidol namu ahitan, hatah in kitilkhou to cheh jo’u hite. (Hebrew 10:25)

Eiho lah ajong, ‘Solo Christian’ (achang change um), Hou-in ngaisahlou aume. Hinla, Bible in eihil banguva, Houin kai ding le tahsante kiloikhomna a lhattei angaiye. Hichu, Pakaiyin eideipeh’u ahi. Chule, kipahkhom ding le hahsatna jong kithoh khompi ding hi Pathen in eidei peh’u ahi. Nachangin jong Pathen nahoutheinai. Hinla, nakipana miho lah a nalatdoh le Pathen nathangvah miho mua nabol jala chu nasopi khat in jong ahinmua Pathen athangvah thei ahi.

Pathen a Kingaiyin

Leng David in, “Molsang dunga kona eipanpi hung dia ka galdot ding ham?” ati banga, mihem hoa nakingai jingle, nakinepna thon jingding ahi. Ajeh chu, David in jong mihema kingai aphatchomlou dan ahetdoh a,

“Van le leiset Sempa Pakaiya kona eipanpi hung ding ahibouve!” atibang in Pathen a kingaiyin. Chutile, Aman napanpi ding, nachin jingding ahi. Pathen tahsana belte ho koma Leng David in aseikit e:

Newton Law of Motion le Christiante

Newton Law of Motion le Christiante
Scientist minthang, tulai Science hin tungdoh ho lah a khat, Sir Isaac Newton ‘Three Laws of Motion’ tia asei veute.

Khat le Khat Kitaopeh Ding

“Nalah-uva adammo um am? Ama chun Houbung upate kouhen, amahon ama chu Pakai minin thao nu’hen, taopeh-u hen.
15 Chutile tahsan jal’a taona chun adammopa chu ahuhdoh a, Pakaiyin ama akaithou ding, chonsetna abol khah jongle hichu ngaidam chang ding ahi.
16 Hijeh chun nadam theina dingun khat’in khat koma nachonset phongun lang, khat le khat kitaopeh to’uvin. Midih mitao-peh na chu nasatah a natong thei ahi.” -James (Jacob) 5:14

Leng Minthang David Bangin Pakai Koma Kipelut In, phatthei naboh ding ahi!

“Kalel’in leivui lah a kakijam’e, Natepsa bangin neisuhal kit’in!

Kachonna jouse kaphongin neihouve, Nachondan ho neihil’in!
Nadanthuho neihetsah-in, Nathuhil kidang ho gel jing inge!

NGAILUT NEITEI ANGAIYE

'NGAILUT' beiyin chihna le thepna, thuneina le lalna, loupina le minthanna  jouse hi apannabei tobang ahi. Aphapena kihe jouse jong hi NGAILUT apanloule, kichat umpen le deimo umpen asohtheiye. Sum hi ngaichat khohpen khat ahi. Hinla, NGAILUT apanloule sum jong hi kinahna, kithana gei asohtheye.
Nei le gou loupitahtah jong min aneinom cheh e. Hinla, NGAILUT apan loule nei le gou jouse jong hi manthahna sodohsah ahijing theiye.

Jesu Christa a Kipana Thupha Pehson

“Pathen chapa Jesu Christaa Kipana Thupha chu hitia kipan ahi. Isaiah Themgao lekhabua kisun “Ven keiman kasolle chu namasang’ah kasol’e, Aman nalampi semtohsa akoi ding ahi.” (Mark 1:1-2)

Leng David Bangin Taojiute

 “ O Pakai, lung phamo jongle chun nei-engboldan, Lung hang jongle chun talen neimatsah hih-in! Abeipai ding kahitai, neikhoton Pakai! Kagu kachangin eichip’e, neidamsah-in!

Pathen Lenggam Kisanin

     

Jesu Christa leiya ahung chun Pathen Lenggam thu ahung lhangsam in ahi (Mk.1:14-15). Athuhil hi tukhanga mite hin hetthem hahsa jongle, hiche khang mite dinga vang chu het-hahsalou tah ahi. Ajehchu, masanga gamsung kivaipohna chu ‘Leng’ khat vaihopna noiya um ahicheh e. Hiche ‘Leng’ thaneina le vaihopna gam khat chu ‘Lenggam’ ahi. Gamsunga mijouse le thiljouse chu ‘Lengpa’ thuthu ahi.

Gollhang Mantam

Gollhang John Mark thua hin kihilna phatah, achomjep kamudoh aume. Ama hi tulaiya ‘Journalist, photographer’ ho dan dan hidin kagelji. Theology hon ‘Kipana Thupha’ (Gospel) Li ho lah a, akisun masapen hi ‘Mark sut Kipana Thupha’ hi ahi tin aseiyuve. Aseidanu :- ‘Mark’ sunpa hi John Mark ahi. Ama hi Magdalene akon Mary sopipa ahi. Jesu le aseijuite chu amau ina hin apansa jiuve. Hijeh chun, gollhang ‘John Mark hin Jesu hi ana juiji ahi. Ja-an nukhah amannau jong amau in hi ahijeh in, Gethsemane ajot un jong ajuiyin, Mat a aum jong chun ajuiye tivang, John Mark tah in aseiye. Simute :

Kipathu Phon Angaiye

Pathen thangvah'te. Sopi khat in Pakaiya kipanathah aneithu ahungseiyin,

 “kadammo jeh in Pathen kana chouvin, kakiphinin; tunvang,  Kadammo Pathen koma kakipana kalhuttai." ati.

Leiset Boina Peldoh in

Bible seibangin, leiset hi aboiye. Tijat umtahtah asoh jinge. Mitamtah lungnatah le lunggimin aumin, kinepna neilouva thidehdeh, chule athi jong atame. Natna jatchomchom adimset in, jendammo atame. Adeh a, natna tijat-umpen ‘Setna, Chonset’ kiti hin mijouse adammo sah cheh in ahi(Ecclesiastes 7:20; Romans 3:10-18,23). Hiche ‘Setna’ natna hin mijouse aphah jeh in, eiho jouse i-kilhemtovin, khat in khat atha atame. Chule, hiche Natna ‘Setna’ jeh hin, khat natna le thohna ding tampi boldohna aumin, eima tah thohna, gimna, natna ding kiboldoh akidimin ahi(Romans 1:29-32). 

NA LENG GAM HUNG LHUNG HEN

‘Pakai Taona’ seingamlou atam e. Amahon ‘Pakai Taona’ hi gimnei asaovin ‘NA LENG GAM HUNG LHUNG HEN’ (Matthew 6:10) tihi, Jesu Christa hungkit ding (Second Coming) kouna in agel’uve. Hiche jong chu ahinai.

Na Kipana Din Kipethengin

Pathen in kipana lhingset neidia Jesu Christa lhatdamsa jouse hi Lhagao Theng apeh  ahi. Hinla, hiche kipana hi aneijoulou Christian tamtah aume. Koima sei ngailouvin, nangman nahi’na nakihet’e. Hiche kipana lhing neitheina hi – kipehdoh thengna ngai ahi. 

CHAMNA LE MONNA GAM HUNGLHUN DING KISEI

Pathen in achenkhompi din mihem anaseme. Hinla, mihemin Pathen thupeh nitlouvin chonset thaneina noiya soh in aumlon, natna, gentheina le thina gai atoloi. Pathen in angailut jeh in, huhhingna lama mihemte lamkai din Abraham insung alheng doh in, namthah atung doh in, amite( Pathen mite) tinan ‘Israel’ aminvo e. Hinla, Israel in Pathen adonda kittai. Hijehchun, Pathen in Israel chu gotna lentah apetai. Hinla, Athutep thonngailou, Pakai chun, David phunggui mama chun ‘Huhhingpu’ (Jesu Christa) ahinsol ding thu aphongdoh tai. Jesu jala chu  athah a ‘Pathen mite’ ( Israel thah- Christian) ahung umding aseiye. Jesu le Israel thah ( Christian dihtah) chule Jesu vaihopna um danding Pathen in aseiye :

Thum Ding Pen Thumin

Jesu Christa thi chu eiho chonset ngaidamna ding ahin, chule,Pathen panpina (kithopi) Lhagao Theng ichanna diu jong ahi. 

Gospel Tha-Hatna le athilbol theina

Kipana Thupha (Gospel) Tha-Hatna le athilbol theina hi, aseiphong ho chan dia Pakai Jesu'n asei ahi. 

Pakai Danthu Nit Hi Kipana ahi

” Gollhang hi itileh chontheng thei ding ham? 

Nathupeh ho anit leh hitheiyinte!

Pakai Houina Lutthei Ding Ho

Dohna : Pakai, koiham nahouin a lut thei?

Ngaidam in Geldoh Kit Da Tan :

                                 
Pathen hi Va le leiset chule asunga um jouse, Sempa ahi. Nang le kei jong eisemu ahi. Pathen hi Hat-chamkim, Ijakai hesoh le musoh, chule munjousea um ahi. Pathen in nagel, nabol le nahindan jouse ahesoh in, amusoh e. Nabolkhel, gelkhel le adeilouva na umdan jouse jong ahesoh e. Mihem in agel, abol le ahindan hoahin Asempa Pathen deilam ajuinom hih beh in, alunghanna joh adimset joi. Hijeh achu Bible in, Mijouse chonsea, Pathen loupina changlel ahitaove” (Romans 3:23) ati ahi.
Hinla, Pathen in ei ngailu teiteiyuve. Ajehchu, Pathen hi NGAILUT ahi.(1 John 4: 8).

Chonset Gal Jouva Christa Belin

Jesu Christa chun mihemte jouse chonsetna hi Cross chunga athohna a chu asahlhah ahitai. Lhana vuiyin aumin, nithumnin athoudoh kittai, hichu 'chonset' le 'thina' jomolsona kin abolchai ahi hetna ahitai. 

Chihna Thusei Ngaiyin Chihna Kisanin

Ngaiyun chihnan mi akouvin, Hetna achamtah-in akiphongtai.Chihna chu lamlen kom molvum, Lamsom dunga adinge! Khopi jot lutna, Kulpi kelkot dunga ahinkouvin;

Ga Pha Neiyin

“Kasunga cheng jingun, keijong nasunguva cheng jing inge. Lengpibah achanga aga thei lou banga, keisunga nachen louvu leh nang ho jong napun thei lou diu ahi.” (John 15:4)

Satan Delmang dan

Nitin le phat tampi ahin, agiloupa, Satan hin einaiyun, eisumo nom jinguve. Na kipana le na thanopna ho lahmang peh ding nagoji’n. Na ngaitah na golte le insungmi, tohkhompi hoto kitomosah ding, kiset khensah ding atupji. Apha nabolnompet aphalou bolsah ding, aphamo henasa bolsah ding natupji. Nang le na insungmi, naloi le nagol jong ahinbolji. Hiche phat teng chule, iti nadelmang ding ham?

“Pathen koma kipelut in, Diabol/Satan chu kidintetpi’n, chutile, ama nakoma konin jam tante” (James/Jacob 4:7)

Hinna Bulhingset Neidin Jesu Belin

Hinna-bulhingset mang din Pakaiyin phatthei naboh ta hen. Jesu’n “ . . .hinna bulhingset  aneitheina diuva hung kahi” ati.(John 10:10).

THUM IN HOLIN KIUVIN NACHANTEI DING AHI

Pathen in eingailut dan’u hi ‘Akidanga ahi’. Mihemte;n angailutna i-hethempouvin. Eihilthem diuva Themgao tamtah ahinsol vangin, mihemte’n ahethem deh poi. 

Na Huhhing Din Pathen Belin

Mihema kingai hih in. Mihem kisonpi hih in. Pathen in Bible’a asei hi ngaiyin,

 “Thi thei mihem kisonpi dauvin, mihem hi ija pang thei ham?” (Isaiah 2:22).

Thuhil Dih Neiya Juiding

“Na-hinkho le na-kihilna chu phaten vechil in, chingtup in. Ajehchu, nachutibolle, nangma tah le nathuhil ngaiho na-huhhing ding ahi” (1 Timothy 4:16 NIV)

Pathen in Na Khohsah Kihet In

Pathen a Kingaijingte Chu Pakaiyin akhoto jingin, Kipathu aseijing theiyuve.

Hitobang miho chun, Pathen thangvah in hitihin Labolpu bangin, ataotheijive, 

“Pakai, neingailutna le nei khotona jouse jalin kaikipah e. 

Pathen hi Ijakai Musoh le Hesoh ahi

Pathen hi Ama tahsana Ama a kingaite dia lungmon umtah ahi. Ama tahsanlou le Adeilou bolte dia kichat umtah ahi. Ajehchu, Pathen in namusoh in, nahesoh keiye. Akoma kona selthei imacha naneipoi. Na lungthimpumpi, naboljouse ahesoh keiyin, amusoh keiye. (Psalms 139:1-24)

Christa Hungkit Ding

Christa hung masahna eihilnauva hin, ahungkit ding thu jong kichehtah in Kitepna Thah hin eihiluve. Jesu’s jong ahungkit ding thu veltam aseiyin ahi.

CHAPANGNEO BANGIN NAPA JESUA KINGAIYIN

Golte, ka Thu-guh, khat naseipeh kit’unge.
Masang chun, chihna kana ngaisang in, chingthei tah a hinkho kaman got jile kakipal jinge. Min eihil’hahou, chondan pha eihilna hou chingthei tah a jui kagotjile, kakisumo jinge. Ka khop in, asohsoh tia kalen chatvaile, kum phabep chu anomnanla, kum phabep jouvin katahsa le ka lhuoh in alel kit e.
Jesu kakouva, Ama a kaki ngap phat in vang, chihna jouse kapai lhan, chapang neo chihna neiloulai bangin, ngol lelluh in, lungmongtah in ka um tai.

Belcha-Bukemlou Kisanin

BELCHA BUKEMLOU KISANIN

Pathen koma thumding tampi naneiye. Khat khat a nathum thum jeng sangin, 'belcha-bukemlou' kithumin. Simin,

Min Angailut Ho Kipa Ding Nabolji

Gollhang in nungah khat angailuttengle, nungahnu lungdei chu aholin, iti kakipasah dem tin, aneilou kisamvai jong aholpeh ji. Ipihile, nungahnu sei chu bol jengding anomji.Mipa, minu jong chun, angailut achate ding chun, atheisun abolin, nilhum lhumin akisalelji.

Pathen in Lungtheng a Ama Bel din Eikouvui

Nangman thilpha dia nagela tampi nabol chu Pathen lungdeilam lhinglou ahi. Chusangin, Ama dei hiding tup jon. Chutile, Aman tha-hatna napeh a nachama nabolsanga thilpha tampi nabolsah ding, kipaman napeh ding ahi.

Nasunga Nampi Ni Akidel e

Mihem, adeh a Christa tahsante jouse ahin ‘ase le apha’ akitet jing e. 

Pathen Tahsana Bel Hon Kipanakim Aneiyuve

Ama tahsanna bela, Ama’a kingaite Pathen in chamna le lungmonna, kipana kim ateppeh e,  “Pakaiyin aseiyin, “Ven, tonsot’a kahaosah ding nahi; namtin vaipi nei le gou jouse, kangmo luidung banga nahenga hung long lut ding ahi. Nang vang anun adon jing naosen, a-op’a ako jing, deitah a ajen jing tobang nahi ding ahi.” (Isaiah 66:12). 

Acha Loi le Golpha Chu Apa Dia Paithei Hilou ahi

Mijouse din Prime Minister, ahiloule Minister ho hi houngam behseh hilou, jakaitah ahi. Acha neocha vang chun, mijose japa chu anop-le akipomsah in, anopnop alo theiye. Ajehchu, ‘Apa’ ahin, ama ‘acha’ ahi. Chule, apan angailut akihet in ahi.

Pathen Koma Christa Gim-Namtui Ihiuve

Christa Tahsan, Adeh a A-Lhacha Ho hi Pathen Koma Christa Gim-Namtui Ihiuve :

 “Pathen koma keiho hi Christa dinga huhhinga umsate heng le amangthah ding ho heng geiya jong gim namtui kahiu-vin, athi dingin thipo kanam’un, ahing din jong gim namtui kanam’uve. Hicheng dinga chu akhomto soh thei koiham?” (2 Corinth 2:15-16)

Ngaidamna Chang ho Jona Achang jiuve

Pathen in achonset angaidampeh hohi, chonset-jona thahat jong apehji ahi. Hiche, chonset jona tha-hat chu ‘Lhagao Theng’ ahi. Chonset jona apah ho chu, Huhhingna thupha seiphongtheina tha-hat jong apehtha ahi. Hichu, Lhagao Theng ahi. (Acts 1:8)

PATHEN KIDIHNA HI TAHSANLOU DIA THINA TAHSANTE DIA HINNA AHITAI

Pathen hi kidihchamkim hita-hih-le Achapa Jesu thiding agonloudi ahi. Pathen hi ‘Ngailut Pathen hitahih-le, Jesu chu eiho khela thiding nomponte. Pathen hi NGAILUT ahi (1John 1:8). Angailutna jala eiho chonset a ithidiu khela Jesu hung thia ahi. Thina aumteina hi Pathen kidihchamkimna jeh ahi. Pathen hi kidih-chamkim ahi jala thina umtei ahin, Ngailut ahina jala eiho thi khela Achapa jesu chu eiho thiding khela hungthia ahitai.
Ipi ham, nang le kei suhkhelna, chonsetna chu?

CHRISTA PHUDOH JOUSE CHU PANGKHOM DIA APHUDOH AHI

 Christa’n aphudoh Houbung chu mimal tina aphudoh ahi. Hinla, mimal hochu pangkhom le hingkhom dia atundoh ahi. Mimala Christian hinkho man ding ahipoi. Mimal khat cheh chu kiloikhomna ‘Houbung’ a pan cheh teiding ahi. Hiche Houbung hi Pathen in aloupi kiphonna dia atundoh chu ahi. Ajeh chu, mihem khat keuvin Pathen Lenggam kehletna din ipipen atongdoh joupoi. Hijeh achu, Solchah Paul in hiche kiloikhomna houbung chu aseikhohten ahi. Paul in tahsa pumpia tibah chomcheh aum banga hi mimal hochu Houbung a chu tibah khatcheh tobang hija asei ahi. Tibah jouse chu apankhom tengle tipum chu alhingset ahi banga mimal chomcheh chu apankhom tengle kiloikhomna Houbung, i-Pakaiyu Jesu Christa’n adei chu hung umdoh a ahi.

‘Mimal thua kasei lona hi kiloikhomna Houbung ahin, kivaipohna,pankhom le tohkhomna hi iha kisahlelpi kah’uhin mimal tampi hi donbehseh louva umthei ahi.Achuti khah-le kiloikhomna Houbung jong hatthei dehponte. ‘Houbung Hing’ umna dia atibah cheh chu Christa’n aphudoh (‘Christa Houbung’) dihtah hicheh ngai ahi. Hitia, kiphutdoh hochu, ‘tibah dam, tibah hing, Lhagao Theng chenna, ahing le adamsel, natong  theitah tibah hunghija ahi.

Hitobang miho chu ahi ‘Christa Houbung theng khatseh’ a pangtheidia Christa a kiphutdoh, Solchah hole Themgaoho bulphuna a kiphutdoh, Christa Amatah inningkhompia apanna miho chu.(Ephesians 2:19-20)Hitobang mimal hochu ahi : Christan akou “ (Rome 1:6.);

CHRISTA HOUBUNG BOU HUHHINGA UMDING AHI

‘Houbung’ atam’e. Hinla, ‘Christa phudoh Houbung’ nahikhah loule ‘Huhhing’ nahilou ding ahi. Ajehchu, I-Pakaiyu Jesu Christa’n kicheh tah in aseiye.

“Hiche Song chunga hi KA HOUBUNG kasha doh ding, hichu mithi kul kotpin jong anan joulou ding ahi.”(Matthew 16:18)

LAIGUI TANA CHU SATAN AHI

Numei gai-hamset chu nao-nei dia anat tengle nupi kikhomuva naodom dia kigojiuva ahi. Nao dom ding ho kigotna chu tijat umtah ahi. Ahungsoso-le chemhema at-pai jeng dia kigo ahiuve. Achem’u chu ‘bahche’ ham ‘blade’ ham ahin, ahema hem jeng ahi. Naocha ahungdohdoh-le atuh tim’uva a-at jeng jiu ahi. 

Naosen ahungpen lhah lhah in dou-le-gal atohpai jeng in, agalte chun maha aputsah pai jengjiuve. Agalte chu anu umpijing le ajena pang Naodom ho chu ahiuve. Amaho chun, anu-to akijopmatna ‘Laigui’, a ‘hinna-gui’ chu ahungpen pen in at-tanpeh jeng’ule, naosen chu akicha behseh jin kap in pengjengji. Hitia chu, leiset hi gal-le-tol, kinah-le-kidouna, gim le gentheina gam, nat le thina mun ahi chu naosen chun apetpet in ahin hepaijeng ta’n, kichatnan adim jengji.

NAOCHA AHUNGPEN TENG IPIDIA KAP TEIYA HAM?

Naocha chu anu oisunga aumpet-le, anu umbangbanga uma ahi. Aman neh le don akineh le akidon ngailouva, alaiguiya hi anua kona neh le don chu asunga lutjing ahi. Hui le go athoh angaipoi. Vah jong muchomlou, anua kona amucheng chu chang maiya ahi.

Anu sunga kona ahungpen tengle, vah ahinmutan kichat in akichan akap teiji e. Hui-yin ahinmut in, alupna achomtan, khut tahtah in ahintham kit e. Iti kichatda ding ham?

Christa Chenna Chu Van Gam Ahi

Egypt hi Christianten La hoa iseitengule,munphalou,gim-hesohna, gentheina le hahsatna, soh a umna in igeljiuve. Hinla, lhagaovin eiseipeh nomu hi agiljep uma ahi. 
Egypt chu ‘Leiset nopchenna mun’ ahi ti hejingute. Tahsa le leiset thudol in veleu hen, Chihna le thepna kipatna mun khat le Vannoiya Lenggamlen, Vannoi pumpi pojeng dana kisei ‘Empire’ nasatah umpatna mun khat ahi. ‘Egyptian Civilization’ kiti hi ‘Civilization luipen khat ahi’. Athusim chomcha seiyute.

Huhhingna Kimudan

Doctrine hohi kihilna  le kivetchilna ding ahi. Mi nelkal le chihna-themna a nelkal ho nellhahna dia pha ahi. Chule, Huhhingna chan le chanlou hetchilna le vetchilna dia pha ahi. Sochatna kimuna ding ahipoi.

Doctrine ijat simin hethemin, Doctrine of Salvation kitia Justification, Regeneration, Sanctification tihohi apumin hesoh in lungchina neiyin, vetlouvin seisoh jeng jonglechun, huhhing nachan nathei ahipoi. Hitihohi helouhela moh  tahsan jeng hojoh chang’uva ahi.

Doctrine hi ‘sochatna’ ahipoi. Sochatna hi Pakaiyin anop nop apeh ahi. Natheisunin, tahsan in, nachonset phongin, ngaidam thumin, natahsan dan le Jesu nadinga athi nakipa thu jong phongin.

LEISET HAHSATNA KHELIN CHRISTA A KIPANA HINKHO MANGIN

Leiset hi mitamtah dia natna, genthei le hahsatna, lhepna le boina umjing, lung olna umlou a hi. Hitobang tohte tamtah hon, kitha jengding gel le goloi tampi aumji. Pathen hehon vang, Pathen akouvun, Pathena olna, kipa le nopna akimu jitai. Hichu, adihtah bol ahiji.

Hitia, Ama belte chu Pathen in alhamonin, kipana le monnakim ateppeh in aseiye,

“Lhepna thoh ham hampa chu anun nom ahi; ajehchu, lhepna athoh chaiteng-le, Pathen in ama ngailute pehdia atepsa ‘hinna’ lallukhuh chu akisanding ahi.” (James/Jacob 1:12)

Bible Hi Eima Lim Vetna a Manding ahi

“Pathen lekhabua kisun : “Midih (dihchamkim) khat’a khatcha jong aumpon,”( Rom 3:10)

Ole, nang midih nahi jeng em?

Pathen tahsan nahile, Athusei Bible a um hohi tahsan ding, dih sahcheh ding ahi.Bible in “Midih(dihchamkim) khatcha aumpoi” atia jong dih(dihchamkim)  kisateitei ho chu, adihlou mong mong, amangthah ding bou ahi.

BIBLE THU TAHSANLELNA NANEIPATLE NAMANTHAH DING AHI

Bible hi Pathen thu ahi. Pathen hi van le leiset chule asunga umjouse Sempa ahi natahsan e. Achutile, Bible’a kijih jouse hi Pathen thusei ahi jong natahsan ngaiya ahi.

Satan le Athahatna Chonset le Thina joupa Jesu belin

Sunday nihi Christianten, Jesu Christa thina akona athokit jala Pathen houna a iman jiu ahi. A thokitna hi tahsante dia tonsot-hinna lampi ahitai. Thoukit a Pa-to eikijopmatsah’ u ahitai.

Jesu chu thina akona thouva, vana kaltouva, Pa jetlama touva, lei le van chunga vai homa panga ahitai.

Jesu Christa hi Thoukit Pakai, Hingjing Pathen ahitai.

Lhagao Theng Chenpi

Johnin ahettohsah-in, “van a kona lhagao vakhu banga hung kumlha’a , achunga aumden chu kamui.” (John 1:32NIV)

LHAGAO THENG TAITOM kiti hi ipi kiseina ham?

(eidong hon anave tauvin. Dohna donbutna,)

Mihem tamjo hi Pathen tahsana ahi. Hinla, Pathen hetdan le tahsan dan akibangpoi. Pathen chomchom uma tahsan le hou atam e. Hinla, tampi houhon jong Pathen tah khat vang umteidin tahsanna aneithovui. Jesu jong Pathen akon, Themgao khat hiteidia tahsan atame. Hinla, koima dang houva hin Pathen ‘Lhagao Theng’ kisei le tahsan aumpoi.

Jesu Christa nungjui (achomlama ‘Christian’ kiti) honbou ‘Lhagao Theng’ kiseiya ‘Pathen khatseh kihetdan thum channa ahi.