HOU-IN KISAH DOLA THIL KIDANG

Pathen in aphallou-le Hou-in sahthei ahipoi.

Leng David in, “Kei Cedar thing ina kachenna ka Pakai pon-ina iti cheng ding ham? Hou-in kasha ding ahi” ati. (2 Samuel 7:2 chule aban sim peh in)

Hinla, Pakaiyin aphalpeh poi. “Nakhut a thisan akiso tamtai, Ka chenna ding in sathei ponate, nachapan vang ahinsah thei ding ahinai” atipeh e.

Leng David in, “Ken kasahtheilou jongle, thing le go, manchah ding hobeh kakholding ahi” atin, Hou-in sahna ding manchah – thil le lo tampi akholtai.

David athinungin, alungdei chu Pakaiyin phatsah in David chapa Leng Solomon in loupe tah in asatai.

(Hinla, Solomon sah h ahitai tia min aseiji vangun, 2 Samuel 7:13 hi ivet-le David chapa Solomon in Hou-in asah ding hi asei ahipoi. David chilhah Jesu Christa’n Pathen Hou-in HOUBUNG ahin tundohding kiseina joh ahin kamui. Hoi hijongle, David in mihem tampi atha a akhut a thisan gim anamtam jaeh a leiset a Hou-in jengjong asah ding Pakaiyin aphalpeh lou ahi; achapa Solomon vang gal bolbehseh lou chamna a vaihom ahijala Pakaiyin Hou-in asahding aphalpeh ahi. Pathen vaihop hi akidangin, aloupi e. Aman vahchoiyin umjing tahen.)

Hou-in sah a pan hi aloupi e. Na hithei pet a Hou-in kisa namule pang teiyin. Nangma umna Hou-in hikhel hih jongle sum le pai toh in pangin.

Hou-in sah hi Pathen loupe kiphonna ahi. Asatheilou migenthei tampin jong Pathen ahouna diu mun ahi. Asa-a pang ho Pathen in ahejingji. Phatthei aboh ding ahi.

Pathen in aphallou-le hitia panna ding mun le phat jong neilouva nahinkho kichaithei ahi.

Sum le pon it-hih in Pakai din. Ama napepa ahin, alung alhai-le tua nanei sanga tamjo napeh itthei ahi.

Pathen in A Hou-in sa-a pang thei din napanpi tahen.