Themgao Isaiah in, Jesu
ahungpen jeh a tahsante nundan kikhel amumasah dolin aseiyin, “ Muthim lah a
vah le ten Khovah loupi tah amutauve!
Muthim gama chengte chunga
Kho ahung vah tai !” (Isaiah 9:2)
Jesu Christa tahsan masang
hinkho chu Pathen hetlouna phatlai ahin, hitobang hinkho chu ‘muthim’ tin Bible
hin aseiye. Muthim a vaihompa chu Satan ahi. Satan vaihopna mun hi ‘vannoi’ tin
jong Bible in aseiji.
Jesu Christa hi min
Huhhingpu le Pakaiya akisantengle, Pathen in Acha (Pathen cha) dia akisema (
John 1:12), chule, achenpiji ahitai. Pathen chu ‘VAH’ ahin, Ama chenna chu
‘VAH, KHOVAH’ ahi. Tahsante jouse hi Pathen-to chengkhom ihitaovin, Vah, khovah
a chu chenga ihitaove. Hichu, ‘VANNOI VAH’, Jesu Christa kisan jal ahi.
Nang jong, muthim a cheng
talouva Khovah a hi nachena, kipah tah a hinkho Jesu-to namankhom ding ahi
kakinem’e. Ijemtia, nahi loulai-le, tutah hin, taovin, Jesu chu Huhhingpu le
Pakaiyin kisan in. Chutile, Aman na umpia, Pathen in Lhagao Theng tha-hatna
napeh ding; setna le boina hohin na sunohphah taponate. Hinkho kipah le
lunglhaiya namanpi ding. Ama nakoma um jinga, chonset-gal najopeh jing ding,
tonsot geiya Ama-to nachen khom ding ahi.
Christa-to chenkhomna hi
lhagao hinkhoa khantou jingna ahin, leiset hinkho manna a jong kipa le nopna
ahi. Hichu, nahijingna din niseh in Bible simin, tao jing jengin.
Pathen in phattheina
tincheng napeta hen.
No comments:
Post a Comment