Jesu-nu Mary lungchin them le hetna jala Luke sut kipana
thupha hi, Kipana Thupha dang sanga gillut jep a Jesu thusim kimuthei ahi, Mary
hi Minu phatah ahina Luke in akilang chom lheh jengin ahi.
KIpana Thupha
kisun masapen Mark ahi akiti. Luke hi Mark kisut jouva kisun ahi akiti.
Theologian masahon, Luke hin Mark sut ahi kingama asut in aseiyuve. Dihnante.
Hichena chung chun, tukhanga New Testament lama thepna sang America a umhon
aseinauvin, Luke hin Jesu-nu Mary koma Jesu thusim hi kicheh tah a adoh a ahet
jala aneolai thugei jong asut thei ahi; chule, athuhil hohi Mary le
ainsungmite, chule, seijuiho kom a alahtoh ahi atiuve. Hijehchun, “Mary’n thil
umdan jouse chu alungin aching jinge” kitia, alunga chin ho aseidohna le jihdoh
a hung umna chu Luke sut Kipana Thupha
ahitai.
Kipana Thupha danga hin Jesu pen le neolai akimu
behsehpoi. Aseijuiten jong ahetlou diu mong ahi, aletjouva bou kivop ahiuve.
Luke hi seijui hilou, judami hilou;Gentile-mi, Solchah
Paul kilhonpi, Doctor ahi akiti. A lekhasut jong hi Gentilete simdia kisun
ahijeh in; Solchah hoakona ahetban in Jesu-nu Mary koma konin Jesu neolai thu akhola
ahet in akiseiye.
Gentile-mi khat in gentile-te simdia asut ahijeh in,
mijouse din hetbailam le kicheh ahi. Hiche Luke hi simin, hichea kon hin Jesu
thu simute.
Chule, numei jouse Mary tobang hindin kahin temuva.
Pathen in panpi jingtan.
No comments:
Post a Comment