Pakaiyin Ama Ngailute Aching Jing e

Leng David chu Leng loupe ahivangin, abolding jouse Pathen adongji. Galten amite ahin delkhum ahet a agalkon ding jongle, Athempu von chu aki-ah in, taona neiyin Pakai adongji. Pathen phatsah le phatsah lou adongtohji.

Hijehchun, Pakaiyin apanpi jingin; amelmatea konin jong ahuhdoh jinge. Hichu, ahetthem jalin, David in La abol e :

“Pakai chu kelngoi chin’a eichingpa ahi’n, keima lhasam pong’e;

Ama’n hamhing dum lah lah’a kelngoi kol’in eikolsah jin, kiling louva twi veina pang dunga eipui lei.

 Pakaiyin katha akidosah kit’in, Akitepsa bangin lamdih jenga eipuiye.

Thina phaicham jinglah jotpa jong leng, neilhonpi jeh-in i’ma kaging tapoi, Pakai! Natenggol’in neihong in, namoljol’in neilha mon nai.

Ka melmate masang jenga jong, ka neh ding dokhanga neiluipeh-in; kalua thao neinu peh-in, ka donding kho’n alet lhai.

Phatna le hepina’n ka hinkho lhum keiyin eipuiyin tin, kahin kumkhoa Pakai in’a kachen den ding ahi. (Psalms -Labu 23)

David chunga Pakai akipah in, ama chilhah akona vannoi Huhhingpu hung penga atahsan jouse a huhhing ding thu ana teppeh in, kum tampi nungin ahung peng tai. Amin Jesu asah un, vannoi mite din ahinna apen, achonset’uva kona latdohna din athi in; loupe tah in athoudoh kittai. Hichu, nang le kei ei huhhingnau ahitai. Ama jalin, tunin Pathen to tonsot  a chengkhom din ikinem thei jing taove.

Hiche, Huhhingpu chu nangin jong tahsanna nakisan tah ding katahsan e. Ijemtia, na kisan loulai jngle, tuhin kisan jengin. Taonan kouvin, kisan in. Chutile, Leng David achin banga nang jong nachin jing ding ahi.

Pathen in naching jing tahen.