Tahsa hi Lhagao chenna dia
kisem ahi. Lhagao adam-le tahsa jong
adamjeng theiye.
Na tahsa le na lhgao damna
din Pathen belin athu Bible hi Niseh in Simin chule tao jing jengin.
Gospel John in panin,
niseh-le Bungkhat beh simin. John, Matthew, Mark, Luke chule Acts le adang dang
simsoh helin.
Moh sim maimai hilouvin,
nalunga tao jing pumin simin,
"Pakai, Nathu hetthemna neipen" tin tao jingin simin.
Hitia chu nabolle, nidanga
nasimto banglouding ahi. Pakaiyin Lhagao Theng’a nasimpi ding, masanga
nahetdohlou ho nahetsah ding ahi. Athu nasima kona chu nangma dia alungdei ho
chu nalung sunga aseiding, hetna napeh ding ahi.
Bible nasim joutengle,
phatechan, lunglut tah in taona manjin.
Niseh in chuti bolin. Hichu
Pathen kihoupina ahi. Natao-le nangin Pathen koma thu nasei ahin. Pathen in
nakoma thu aseina ding chu Bible nasimna akon ahi.
Bible nasima kona Pathen in
nakoma thu aseiding ahi. Bible chang nasimlai thu lele chu hilouva thildang
jong nalungsunga ahinseiding nahin hetsah sah jeng ding ahi.
Gospel se nasimchaitengle
tahsa le lhagaova damna le khantouna nanei paiding ahitai. Chule, Acts nasim
chaitengle, miho jong panpi thei tanate. Lekhathot ho nasim chaitengle,
tahsanna a kilamkai dan ho le Houbung mite umdan ding le Kipana Thupha miho
seipeh dan le tahsan det a kilamkai dan anhin het ding, Revelation nasim
chaitengle, Bible (KT) pumpi hin ipi asei le adinpipen ham, chule, Bible in
munkhat a asei le mun danga hiche thu mama aseidan chomjepjep hohi hin hethem
dom dominatin, tahsanna thuhil lhangpi hin hetheitanate. Chujoutengle, nangma
keu hilouva, midang jong lamkai thei din Pakaiyin mangchanate.
Hetchetbe-na din velsim
jingin. Chule, thu seiding in Genesis akonin Revelation chan hi simchaiyin.
Mihil dingin, Bible pumpi hi vel thumbeh simchaiyin. Chutile, abung achang
seithei hih jonglechun, athu hohi kankhomdan le seitoh dan hetanate.
Amatah in Bible
simchailouva, munkhat le ni keu sima thusei hohin mi koiman athuseiya konin
hinna akilahson theipoi.
Pathen in panpi jing tan.
No comments:
Post a Comment