Christa Hungkit Ding

Christa hung masahna eihilnauva hin, ahungkit ding thu jong kichehtah in Kitepna Thah hin eihiluve. Jesu’s jong ahungkit ding thu veltam aseiyin ahi.

Jesu’n aseina ho :

“… vanlaijol’a Mihem Chapa melchihna hung kilang ding ahin vannoi leiset phungtin a min dip le lai akidop’uva, van meilhang lah a Mihem Chapa thanei tah le loupi tah a hung amu dingu ahi. Mihem Chapan sumkon gin nasatah ho thoa Avantilte’asol ding, lhenchomte chengse van mong lang khat’a pat among lang khat geiya, kolkimvel ning lia akhop khom diu ahi.(Matthew 24: 30-31)

 “…… tua pat Mihem Chapa hi Thaneipen jet’a touva, vanlaijol, meilom lah a hung namu diu ahi,” ati. .(Matthew 26:64)

“Nang ho ding mun kagon jouteng hung kit-ing ting keima umna naum thei diuva kahenga dinga kahung pui ding nahiuve.”( John 14:3)

Jesu lahtouva aum chun Vantilten aseiyuve : “Galilee gam miho, ibol’a dinga van lam navet vet’u ham? Hiche Jesu nakom’uva kona van’a kilatou hi, van lama akaltou namu bang banguva hung kit ding ahi,” ati lhone. (Acts 1:11);

Chule, Solchah ho lekhathot hohin avelvel aseiyuve : “Eiho vang igammi hinau chu van chunga hung kipan ahin, hichea kona chu Huhhingpa Pakai Jesu Christa hung ding kinemtah a i-ngau ahi”(Philippi. 3:20);

“Hiche hi Pakai thusah a kona kaseipeh nahiuve, ipijeh-inem itile Pakai hungkit ni geiya eiho ahinga kidalha chengse hi itinama jong le a-ihmumilte sanga masajo lou ding ihiuve. Ijeh-inem itile Pakai ama-tah ogin to, Vantil pipu ogin to chule Pathen sumkon gin to kithoa van’a kona hung kumlha ding, chu-tengle Christa jal’a thisa chengse thoudoh masa diu ahi.” (1 Thessalonica. 4:15-16);

“hiche hi van’a kona Pakai Jesu A-Vantil thanei tah te to ahung kiphondoh teng Pathenin nang ho hi nathoh gimna jeuseuva kona keiho puma eilhadoh diu, Hiche hi amithengtea kona loupina le atahsan jousea kona jabolna kisan dinga Pakai ahung nikho le chuti ding ahin, keiho hettohsah tahsan nahijeh-un atahsan lah a nang ho jong napangui.”(2 Thess. 1:7, 10;)

“…tha-nop umtah kinepna, Pathen nasa tah le eihuhhinguva Jesu Christa loupi tah a hung kilah ding kat jinga ium diu ahi.” (Titus 2:13);

“…Christa jong mi tamtah chonset suhmangna dinga khatvei kitohdoh ahitan, chonset thua hilouva kinemtah a ama galdot jing ho huhhingna pe dia aniveina hung ding ahi.” (Heb. 9:28.)

Nang jong “kinemtah a ama galdot jing ho huhhingna pe dia aniveina hung ding ahi” hea changtei din kigo sademin umin. Jesu Christa kisana, nitin athupha Bible sim jing le taojing jeng hidin Pathen in panpi jingtan.