Pathen a Kingaijingte Chu Pakaiyin akhoto jingin, Kipathu aseijing theiyuve.
Hitobang miho chun, Pathen thangvah in hitihin Labolpu bangin, ataotheijive,
“Pakai, neingailutna le nei khotona jouse jalin kaikipah e.
Lungdon hesohna katoa, gim gentheiya ka umpet jongle; nei umpi jing le neilungkhoh jing dan hi ka geldoh jiteng, lungna a ka‘sangin, kakipahjojitai. Nangma umna‘a ipi-ham kaginding, Nangin neilungkhoh ahi kihejing a.
Hiche, leiset hinlai khankhoa lungkhamna hohiin, Kalunggel le kalhagao puimang ji henlang, lungdong in eikoi ji jongle,ka Pakai, nangin neilungkhohjingji.
Tunvang, kahechen tai. Nei-umpi jing, neilungkhoh jing ahi kahetai. Hijehchun, tuvang, ‘Gim hesoh genthei umhenlang, Lungdon lengvai um jengjongle; Kipah jing tange, Pakai, neipanpi jingin.”
Jesu Christa tahsana, Huhhingpu le Pakaiya kisan jouse Pathen in Lhagao Theng apeh cheh ahi. Hinla, Ama a kingaiya, Bible sim jinga le tao jingjeng hobou, Apanpina akilahdohsah jingji ahi.
Nang jong, Jesu Christa neisa nahitahle, Pakaiyin nalungkhoh henlang, kipah le lungmongin umjingin. Nitinin Bible simteiyinlang, phat jousea tao jing ding ha-kibolin. Chutile, napanpi jing ding ahi.
Pakai Jesu, Amatah in asei ahi. “Kasunga cheng jingun, keijong nasunguva cheng jing inge.”(John 15:4)
“Keisunga nachen’uva, kasei chengse hi nasunguva achenleh nagot chan thumun kibolpeh ding nahiuve.” (John 15:7)
Pakaiyin nalungkhoh kihet a kipah jingdin,Pathen in napanpi jing tahen.
La hi athu phatechan simin, chule, nalungin sa’n :
1. Lungdon hesohna katoteng, Gim gentheiya umpet jongle;
Ka gelle kakipahjoji, Pakai neilung khohji.
Changnon : Nangin nei lung khohji(vel 2),
Nakoma iham kaginding, Nangin neilungkhohji.
2. Hinlai khankho lungkhamna in, Ka lhagao puimang jijongle;
Lungdonga ka umphattengle, Pakai neilungkhohji.
3. Gim hesoh genthei umhenlang, Lungdon lengvai um jengjongle;
Kipah jingding hi thu hihen’,Pakai neilung khohji.“
(HBL 448)
Pakaiyin nalungkhoh kihet a kipah jingdin,Pathen in napanpi jing tahen.
No comments:
Post a Comment