Huhhingna Kimudan

Doctrine hohi kihilna  le kivetchilna ding ahi. Mi nelkal le chihna-themna a nelkal ho nellhahna dia pha ahi. Chule, Huhhingna chan le chanlou hetchilna le vetchilna dia pha ahi. Sochatna kimuna ding ahipoi.

Doctrine ijat simin hethemin, Doctrine of Salvation kitia Justification, Regeneration, Sanctification tihohi apumin hesoh in lungchina neiyin, vetlouvin seisoh jeng jonglechun, huhhing nachan nathei ahipoi. Hitihohi helouhela moh  tahsan jeng hojoh chang’uva ahi.

Doctrine hi ‘sochatna’ ahipoi. Sochatna hi Pakaiyin anop nop apeh ahi. Natheisunin, tahsan in, nachonset phongin, ngaidam thumin, natahsan dan le Jesu nadinga athi nakipa thu jong phongin.

“Pakai, katahsan e.Hinla, nangin itobang tahsanna nadei ham kahepoi. katahsan lhinlelna a neipanpin. Nacha dei-um hiding kanome. Nathupeh ka nitnome. Na thupha phonjal kanome. Na lenggam keh machalna a pan kanome. Hinla, imacha ka hi-theilou, kalhinlel, michonse thidingbep kahi nahenai.

Kachonset, ka lhinlelna hojouse neingaidamin, ka Pakai Jesu. Kadinga nathohna le nathina chu, kadingin moh hisah hih in. Ka Huhhingpu nahi. Ka Pakai nahi. Kasunga hin chengin, kahinkho hi nadeilamin puiyin. Nathu’n nei nunsah in. Pathen cha din neisemin. Nei-umpin, nai lhakang hih in, neipanpi jing jengin, tia ka Pakai Jesu,naminin kataove, Amen” tin taovin.

 Na hitheina pumpin tahsanin, Jesu Christa ahin kingam jengin. Hichu, tahsanna molchom, lhinglou tahsanna ahi. Nalhinlelna laitah achun, Pakaiyin pan hinlantin, ‘Justification, Regeneration, Sanctification’ le angaichabe um am? Hijong chu napeh ding. Aloma peh ngai am? Ole, khat khat a peh nangai em? Aman ahenai, angai dungjuiya napeh ding ahi.

Pakai Jesu hi ‘achonse le ahatlou’ kihet a Pakai bel-ho huhhing dia hunga ahi. Pha kisa, lhing kisa, he le them kisa ho adonjipoi; “Boi, nachanga nahithei nah-le, kiboltan” atithei ahi. Achutile, mihem koiham achanga hithei ding?

Huhhinga, themchanna, lhagaova khantouna, semthah jingna, hatsah jingna, atheng dia katdoh/ koidoh/sedoh le sekhenna chandan chu :

Pakai Jesu leiset a ahunga Kipana thupha aseipat koncha chun, John Baptist in “Nachonset lung khel’un, ajehchu, VANA LENGGAM chun hikom ahinphatai” ati (Matthew 3:2b).

Pakai Jesu leiset a ahunga, Kipana thupha aseipat chun, “VANA LENGGAM chun hikom ahinphatai, nachonset lung khel’un” ati. (Matthew 4:17; Mark 1:15)

Lhepna nalhah louna din kigingin tao jingun, lhagaovin ago nan tahsa alhasam behseh jenge!” ati. (Matthew 26:41)

Hejingin, I-Pakaiyu Jesu’n aseiye,  “Vannoiya hin hahsatna natoh’ui, hinla, lungmong’un, Keiman vannoi kajoutai” tia asei ahi(John 16:33).

Pakaiyin, achonset angaidam peh hochu them achana, asemkhela nunthah apeha, tahsanna lam a khantouna apeh a, chonset le athilbolPathen in panpi jingtan.       

Pathen in panpi jingtan