BELCHA BUKEMLOU KISANIN
Pathen koma thumding tampi naneiye. Khat khat a nathum thum jeng sangin, 'belcha-bukemlou' kithumin. Simin,
"....mihem jouse huhhingna dinga Pathen milungset chu (Jesus Christa thina le thokitna- Huhhingna kin abolna ahi) hung kilangdoh ahitai.
( Hiche Pathen milungsetna) Hichun hou-ngaisah louna le vannoi leiset ngaichat jouse pai manga, lung limgeh le adih chule Hou-ngaisah tah a tulai khanga hi ihin theina diuva eihilchah-u ahi.
Chule tha-nop umtah kinepna, Pathen nasa tah le eihuhhinguva Jesu Christa loupi tah a hung kilah ding (Second Coming) kat jinga ium diu ahi. Christa chun (chonset) gitlouna chengsea kona eisuh thenguva,
tom ngaitah a thilpha bol ami lhentum tea eisemdohna diuva eiho khel’a ama kipedoh jenga eilhatdoh-u ahitai." (Titus 2:11-14)
Hiche lhatdohna (huhhingna chu nachan loulaile, tutah hin, dilsunlang Pathen koma taovin. Hitihchan Ama nabellou le na kilhanlou nasuhkhelna chu ngaidam thumin, mihem chonse nahijong phong, nachonset jouse ngaidam thumin. Chonset najopeh ding le 'huhhingna' napehna din thumin.
Jesu Christa chu kouvin. Nachonset ngaidamna dia athi chu kipathu phongin. Chule, nangma dia athohna-ga 'chonset ngaidamna' chu thumin. Na lungsunga hungcheng a, na Leng, na Pakai le na Huhhingpu hidin kouvin. Na hinkho Ama khut a pedoh inlang, "Na deilamin kahinkho puiyin" tin ngeh in.
Chutile, Jesu Christa chu nasunga Lhagao Thenga hung cheng ding ahitai. Chutengle, chonset tha-hatnan nathununna, na nunlui phalou jouse chu najopeh ding; nunthah (hinkhothah) napeh ding. Lunggelthah napeh ding. Najohsah phalou tampi hochu nadalhahsah a, johsah ding apha dang napeh ding. Nagolngai lui jouse nakheldohpeh a, golthah napeh ding. Thanopna lui phalou nanei hochu thase tanatin, thanopna thah napeh ding ahi.
Lungdong hih in. "Ka summuna iti kadalhah-le iti kahithei ding ham?" ti-nagel-le nalhuhpai jeng ding ahi. kagol tampin, agelun, kamu phahlou atamtai. Chomkhat thohhat in Bible simsim jengin, taotao jengin. Chomkhat jouva, natahsa, nalungthim, na nunchan, nalim le mel, na lhagao asuhthengjou tengle, 'aumlouva kona lei le van chule aasunga umjouse Sempa, nasempa, na Pakai na Pathen chun, nangaichat jouse napeh ding ahi. Belcha-bukemlou napeh ding ahi. Hichu, 'phattheina longlou', LhagaoTheng chenkhompina ahi. Lhagao Theng in na umpitengle, ipi nangdia ngai am, Pa koma nathumpeh ding, Pa'n Chapa Jesu Christa mina napeh ding ahi.
Pathen in panpi jingtan.
Pathen koma thumding tampi naneiye. Khat khat a nathum thum jeng sangin, 'belcha-bukemlou' kithumin. Simin,
"....mihem jouse huhhingna dinga Pathen milungset chu (Jesus Christa thina le thokitna- Huhhingna kin abolna ahi) hung kilangdoh ahitai.
( Hiche Pathen milungsetna) Hichun hou-ngaisah louna le vannoi leiset ngaichat jouse pai manga, lung limgeh le adih chule Hou-ngaisah tah a tulai khanga hi ihin theina diuva eihilchah-u ahi.
Chule tha-nop umtah kinepna, Pathen nasa tah le eihuhhinguva Jesu Christa loupi tah a hung kilah ding (Second Coming) kat jinga ium diu ahi. Christa chun (chonset) gitlouna chengsea kona eisuh thenguva,
tom ngaitah a thilpha bol ami lhentum tea eisemdohna diuva eiho khel’a ama kipedoh jenga eilhatdoh-u ahitai." (Titus 2:11-14)
Hiche lhatdohna (huhhingna chu nachan loulaile, tutah hin, dilsunlang Pathen koma taovin. Hitihchan Ama nabellou le na kilhanlou nasuhkhelna chu ngaidam thumin, mihem chonse nahijong phong, nachonset jouse ngaidam thumin. Chonset najopeh ding le 'huhhingna' napehna din thumin.
Jesu Christa chu kouvin. Nachonset ngaidamna dia athi chu kipathu phongin. Chule, nangma dia athohna-ga 'chonset ngaidamna' chu thumin. Na lungsunga hungcheng a, na Leng, na Pakai le na Huhhingpu hidin kouvin. Na hinkho Ama khut a pedoh inlang, "Na deilamin kahinkho puiyin" tin ngeh in.
Chutile, Jesu Christa chu nasunga Lhagao Thenga hung cheng ding ahitai. Chutengle, chonset tha-hatnan nathununna, na nunlui phalou jouse chu najopeh ding; nunthah (hinkhothah) napeh ding. Lunggelthah napeh ding. Najohsah phalou tampi hochu nadalhahsah a, johsah ding apha dang napeh ding. Nagolngai lui jouse nakheldohpeh a, golthah napeh ding. Thanopna lui phalou nanei hochu thase tanatin, thanopna thah napeh ding ahi.
Lungdong hih in. "Ka summuna iti kadalhah-le iti kahithei ding ham?" ti-nagel-le nalhuhpai jeng ding ahi. kagol tampin, agelun, kamu phahlou atamtai. Chomkhat thohhat in Bible simsim jengin, taotao jengin. Chomkhat jouva, natahsa, nalungthim, na nunchan, nalim le mel, na lhagao asuhthengjou tengle, 'aumlouva kona lei le van chule aasunga umjouse Sempa, nasempa, na Pakai na Pathen chun, nangaichat jouse napeh ding ahi. Belcha-bukemlou napeh ding ahi. Hichu, 'phattheina longlou', LhagaoTheng chenkhompina ahi. Lhagao Theng in na umpitengle, ipi nangdia ngai am, Pa koma nathumpeh ding, Pa'n Chapa Jesu Christa mina napeh ding ahi.
Pathen in panpi jingtan.
No comments:
Post a Comment