Mary Koma Vantil Kisol bangin Nakoma Pakai Vantil Ahunge:

( Bible chang kilheng  Luke 1:26- 38 :  JESU PENDING KISEI MASAHNA:

Elizabeth gai kal lhagup lhin nan Vantil Gabriel chu Pathena konin Galilee gam Nazareth khoa David chilhah Joseph toh kicheng dia kitepsa nu-ngah Mary henga akisol’e.
Vantil chu alut’in ajah a, “Nun nomin sah chungnung nu, Pakaiyin naumpi jinge!” ati.
Mary chu alung kichi-ah lah jengin, ipi thudol’a kilemna ahiding giltah-in agel’e.Hichun Vantil’in ajah a, “Mary kicha hih-in, Pathen lungdei namui.Nagaiya chapa khat nahin ding, amin Jesu nasah ding ahi.Ama thupi tah hiya Chungnungpen Chapa kitia, Pakai Pathenin apu David laltounaa atou-sah ding ahi.Jacob chilhah te chunga lengvai pontin, alenggam chun beitih neita lou ding ahi,” ati.

 Ahinla Maryn Vantil jah a chun, “Iti cha kanei thei ding ham, keila pasalto kakitimat khapon?” atileh; Vantil’in ajah a, “Lhagao Theng nachunga hung chun tin, Chungnungpen tha neinan nahinle-khu ding, hijeh a hi apeng ding naosen theng chu Pathen Chapa kiti ding ahi.Nanulamnu Elizabeth-in jong teh nungin chapa khat avop’in, achinga kiseinu agaiyin lhagup alhingtai; ajeh chu Pathen dingin imacha ahimopoi,” ati. Chuphat’in Maryn, “Ven, Pakai nalhachanu kei, nasei bangin kachunga guilhung hen,” ati. Hichun Vantil’in Mary adalhatai. (Luke 1: 26-38)

‘Vantil’ kiti hi Pathen lhacha sole ho ahiuve. Vantil Gabriel chu Mary koma akisolin, Mary sunga kona Huhhingpu Jesu hung pen ding thu akiseisah in ahi. Mary’n vantil thusei asangin, Pathen in achunga hunglgung ding asei chu anomin, angap in ““Ven, Pakai nalhachanu kei, nasei bangin kachunga guilhung hen,” ati.

Hijehchun, Mary sunga konin Jesu ahung pengin, Mary chu ‘nunnopna achangtai.

Nakoma jong Pathen in alhacha ahinsol jingji. Bible beh namusah jin, Kipana Thupha naja jinge. Bible thu, Pathen thu kisei hohi nasana, Huhhingpu Jesu Christa chu nakisanle, Huhhingna nachan ding, minunnom nahi ding ahi.

Pathen in na panpi jing tahen.