Jesu leiset mihem a ahungpen ding chu semtila mihem chonset a alhuh akona kisei masa ahitai. Chule, Abraham koma jong pathen in anaseiye. Jesu min akiseilou vangin, Pathen in Abraham jah a ‘Mijouse phatthei channa nahiding’ ati chu Abraham guiya kona Huhhingpu Jesu hungpen ding le mihon Jesu Christa jala Pathen phattheibohna achan diu thu kiseina ahi. Chubanin, akhang akhangin Pathen in Themgao ho kama konin anasei jinge.
Achaina penin, Pakai Vantil Gabriel in nu-ngah Mary aga seipeh in, chujouvin, Mary jidingpa Joseph koma agasei kit e. akisol’e (Luke 26-38 sung hi simin)
Akisei bangin, Huhhingpu Jesu chu Mary sunga ahung peng tai. Jesu tahsana, Huhhingpu le Pakaiya kisan jouse chu ‘Huhhing a um’ ahitai. Huhhingna chang ho chu Jesu’n aumpijingin, hinkhothah amansahji. Ahinkhouva Jesun vai ahomin, atahsau le alhagao diuvin lampipha le kipana abolpehji. Hitia chu, tahsante hinkhoa chu Jesu athah-tah a hungpenga ahitai.
Nanga-la Jesu peng tam?
Jesu mihema ahung pen ding kisei masah banga chu mijouse koma hi Pathen lhacha tahsate hon Jesu Christa thusim le kisan dan aseipeh jingu ahi. Nang koma jong kisei jing ahitai.
Ahile, nakisan tah em? Nasunga Huhhingpu Jesu Christa chu peng tam?
Nasunga (na hinkhoa) Jesu apenna dia thu kiseipeh nahitai. Mary banga, hinkho phal thenga Pathen thusei hi nangaiya, nasan-le na hinkhoa Jesu chu hungpeng ding, vaihoma hung pang ding ahi.
Nungah Mary vang chu, Judate dana ‘jibeiya naovop jouse songa selih ding ahi’ tia kisei jongle Pathen thusei ahijalin, thingap in apangin, “Pakai, nasei bangin kachunga umhen” ati.
Mary bangin sangin, hahsatna natoding hijongle Pathen thu kisei hohi sanginlang, Jesu Christa hi na Huhhingpu le Pakai din kisan in. Chutile, Mary hi mijouse ja-le hetjing a aum banga, nang jong tahsa le lhagaova vangphapen nahi ding ahi.
Pathen in napanpi jing tan.
( Bible chang kilheng Luke 1:26- 38 : JESU PENDING KISEI MASAHNA:
Elizabeth gai kal lhagup lhin nan Vantil Gabriel chu Pathena konin Galilee gam Nazareth khoa David chilhah Joseph toh kicheng dia kitepsa nu-ngah Mary henga akisol’e. Vantil chu alut’in ajah a, “Nun nomin sah chungnung nu, Pakaiyin naumpi jinge!” ati. Mary chu alung kichi-ah lah jengin, ipi thudol’a kilemna ahiding giltah-in agel’e.Hichun Vantil’in ajah a, “Mary kicha hih-in, Pathen lungdei namui.Nagaiya chapa khat nahin ding, amin Jesu nasah ding ahi.Ama thupi tah hiya Chungnungpen Chapa kitia, Pakai Pathenin apu David laltounaa atou-sah ding ahi.Jacob chilhah te chunga lengvai pontin, alenggam chun beitih neita lou ding ahi,” ati. Ahinla Maryn Vantil jah a chun, “Iti cha kanei thei ding ham, keila pasalto kakitimat khapon?” atileh; Vantil’in ajah a, “Lhagao Theng nachunga hung chun tin, Chungnungpen tha neinan nahinle-khu ding, hijeh a hi apeng ding naosen theng chu Pathen Chapa kiti ding ahi.Nanulamnu Elizabeth-in jong teh nungin chapa khat avop’in, achinga kiseinu agaiyin lhagup alhingtai; ajeh chu Pathen dingin imacha ahimopoi,” ati. Chuphat’in Maryn, “Ven, Pakai nalhachanu kei, nasei bangin kachunga guilhung hen,” ati. Hichun Vantil’in Mary adalhatai. (Luke 1: 26-38)
Elizabeth gai kal lhagup lhin nan Vantil Gabriel chu Pathena konin Galilee gam Nazareth khoa David chilhah Joseph toh kicheng dia kitepsa nu-ngah Mary henga akisol’e. Vantil chu alut’in ajah a, “Nun nomin sah chungnung nu, Pakaiyin naumpi jinge!” ati. Mary chu alung kichi-ah lah jengin, ipi thudol’a kilemna ahiding giltah-in agel’e.Hichun Vantil’in ajah a, “Mary kicha hih-in, Pathen lungdei namui.Nagaiya chapa khat nahin ding, amin Jesu nasah ding ahi.Ama thupi tah hiya Chungnungpen Chapa kitia, Pakai Pathenin apu David laltounaa atou-sah ding ahi.Jacob chilhah te chunga lengvai pontin, alenggam chun beitih neita lou ding ahi,” ati. Ahinla Maryn Vantil jah a chun, “Iti cha kanei thei ding ham, keila pasalto kakitimat khapon?” atileh; Vantil’in ajah a, “Lhagao Theng nachunga hung chun tin, Chungnungpen tha neinan nahinle-khu ding, hijeh a hi apeng ding naosen theng chu Pathen Chapa kiti ding ahi.Nanulamnu Elizabeth-in jong teh nungin chapa khat avop’in, achinga kiseinu agaiyin lhagup alhingtai; ajeh chu Pathen dingin imacha ahimopoi,” ati. Chuphat’in Maryn, “Ven, Pakai nalhachanu kei, nasei bangin kachunga guilhung hen,” ati. Hichun Vantil’in Mary adalhatai. (Luke 1: 26-38)
No comments:
Post a Comment