Thiljouse Hi Jatni Ahi

1.    Ase,chule  Apha;

2.    Pasal (Achal), chule, Numei (Anu);

3.    Positive (Atah), chule, Negative(Akaleh);

4.    Hinna, chule, Thina;

5.    Lhagao, chule, Tahsa aume;

6.    Thiljouse sempa Pathen aumin; chule, thilsem jouse susepa  Satan aume

7.    Pathen chenna mun (Van-gam) aumin, chule, Satan chenna mun (Damun) aume;

Thilsem jouse hi Pathen sem ahi. Mihem hi ‘Pathen in Ama lim banga anasem (Genesis 1:27), ‘hinna nei’ a asema, thiljouse chunga thunei-vaihom dia Pathen in anakoi ahi (genesis 1:28; Psalms 8).

Satan hi itihchana jong ‘thuneinom, vaihomnom’ ahi. Hijeh chun, Satanin mihem hohi manchah ding le Soh a neiding anomtai. Hinla, mihem chu Pathen in amelpua asema, akivoppi, aviljing ahijeh chun, Satanin akoitheipoi.

 Satan chun, mihem chu asempa Pathen chuto akhenloule amanchah theilou ahi ahen, khen agotai. Pathen-to akhenna ding chun mihem chun Pathen alung-hansah angaitai. Hichu, Satanin amuchet hitante. Mihem chu aga lhem gotai. Hinla, mihem chu Pathen melpu ahijehchun Pathen chihna jong anei ding Satan in atahsan tai. Mihem chu ju le va, gan-hing jouse chunga vaihom ahin, hicheho jouse limso chu heteiyinte. Satan chu gachele, limchombeh pua ahijeh chun mihem in ana houlou le ana donlou maithei ahi.

Satan chu jonchihtah ahijeh chun, mihem in ahet, anoiya um le avetching jing gan-hing khat Gul  lim chu pu in aga lhem in ahile alhem lhatai. Eve in, Pathen jahda ‘thingga’ chu anen, Adam jong anehsahtai.

Satan thangkam’a Eve chu a oh tai!  Adam jong a ohtha tai. Satan in atohgon chu tongdoh in, alolhing tai. Pathen alung hang in, Adam le Eve chu Ama angsung ( Pathen vah umna) akonin anodoh tai. (Bible a Genesis bung 1,2,3 le 4 gei simin)

Mihem chu Pathen koma konin gam-la tah in aumtai. Pathen umlouna muna chun, Satan in mihem hochu athu thu’n anunsah tai. Anop ni-le Nisa sat athohsah in, abang-le go athoh sah in. Hitichun, tahsa chunga natna, gentheina, hahsatna jouse adimin;  thina gei aumdoh tai.

GELDING : Nangla, ipi dinmuna hinkho naman nah em?

( From : ‘Mijousen Huhhingna Angaichai :1.Thiljouse Hi Jatni Ahi” by L.K.Hengna December 10,2013)