NUNGAH THENG MIJOUSE LE PATHEN IN ADEIYE

Gollhang jousen nungah adeicheh e. Adeh in nungah hoi akidei cheh e.

Minu-mipaten jong anou diuvin, nungah pha le hoi adeiyin, adeh in Nungah theng adeicheh un ahi.

Nungah hoi akideicheh e. Hinla, jiding mong akiti tengle Atheng, nungah theng akilheng teiye.

Pathen in jong nungah theng adeiye.

Judea gama nungah atamlheh vangin, Pathen in nungah theng aholin ahile Mary chu amutai. Mary chu nungahtheng ahi chu Pathen in ahen, adei mama jengin, Acha hingdingin alhengdoh tai.

Asol le apalai, a Vantil Gabrael chu Nungah thengsel Mary koma asolin, alungdei chu agaseisah tai.

“Ven, nu-ngah chu gaiyin tin chapa khat ahin ding, amin ‘Emmanuel’ kiti ding ahi, Amin hi, ‘Pathenin eiumpiuve,’ tina ahi” ati.(simin “(Luke 1:26-38 & Matthew 1:18-25)

Mary jong anomin, Pathen in chapa ahinsah in, amin Jesu asah taove. Jesu chu ‘huhhingpu’ tina ahi.

Jesu apengin, Pathen thu ahillhang len adamlou atokhah jouse adamsah in, lhagaoboh ho anodoh in, athi jong akai thouvin, thil kidang tamtah abole. Mijousen Pathen ngailutna achanuva, tonsot geiya Pathen to ahinkhom theina diuvin, Cross chunga ahungthi in, nithum jouvin kaithouvin aumin; vana kaltouvin, lei le vana thuneina jouse achang tai.(Matthew 28:18-20 simin)

Ama athkit banga, ama tahsanna Huhhingpu le Pakaiya kisan jouse chu ‘Pathen Cha hitheina apen” (John 1:12); tahsante jouse chu themmo changlouva pathen anga them change tonsot a pathen-to chengkhom dia ‘tonsot-hinna chu change ahitaove’. Hichu, ‘Huhhingpu’ ahina ahitai.

Nungah theng ahijala, deilhenna change ‘Huhhingpu penna Nu’ Mary chu hija tua le tonsot geiya dia numei jouse lah a numei vangphapen-nu hija ahitai.

Tunin, Pathen in achapa hungpenna ding mi ahole. Pathen din numei le pasal achomna aumpoi. Huhhingpu penna nahile Mary banga tonsot geiya mivangpha nahi ding ahi.

Mihem simjoulou umjongle, Achapa penna ding michu ‘Atheng’ ahol ahi.

Nathennah em?

“Milung theng ho anun nom’ui, Amahon Pathen amu diu ahi.” (Matthew 5:8)

Mihem koima hi Pathen mitmua atheng umlou ahi. Hinla, Achapa Jesu tahsanna kisan jouse chu Pathen in asuhthenga, athenga agela, asana hi.

Itobangin, chonsen lang, themmona, thenlouna le lhahsamna dimset hijonglechun, Pathen in nasuhthengthei ahi.

Tuhin, Jesu’n nakouve. Kisanin.

Pathen in panpi jingtan.