Mary bangin kiphal in. Mary chu Israel mi ahi. Israelte dana chu aji kihelouva naovop le neiya chu songa selih ding ahi.
Mary chu nungah theng ahin, Joseph to kicheng dia kitep ahi. Akichen masang lhona nao avop ding chu, Joujeph in akichenpi louding, chule, songa selih ding bou ahi. Hinla, Mary chun Pakai thusei anit in, “Ven, Pakai nalhachanu kei, nasei bangin kachunga guilhung hen,” ati. Hichun Vantil’in Mary adalhatai. “ atitai(Luke 1:38)
Mary akiphalin, Pathen thusei ngaiya thiding chan hijongle angap in Pathen khut a aakipei.
Pathen hi thiljouse sema le ijakaiya thunei ahi. Mihem hinkho jong ama khut a uma ahi. Ama thupeh nit hi ‘thina ahipoi. Hinna ‘ ahijoi.
Mary akiphalin, athipoi. Songa selih in aumpoi. Ajidingpan jong khatveidia donda ding ati vangin, Pakaiyin akichensah thouthouve. Gai hamset ahivangin, Joseph in akichenpi e. Hichu, Pathen panpi vang ahi.
Simute :
"Elizabeth gai kal lhagup lhin nan Vantil Gabriel chu Pathena
konin Galilee gam Nazareth khoa David chilhah Joseph toh kicheng dia kitepsa
nu-ngah Mary henga akisol’e.
Vantil chu alut’in ajah a, “Nun nomin sah chungnung nu, Pakaiyin naumpi jinge!” ati.
Mary chu alung kichi-ah lah jengin, ipi thudol’a kilemna ahiding giltah-in agel’e.
Hichun Vantil’in ajah a, “Mary kicha hih-in, Pathen lungdei namui.
Nagaiya chapa khat nahin ding, amin Jesu nasah ding ahi. Ama thupi tah hiya Chungnungpen Chapa kitia, Pakai Pathenin apu David laltounaa atou-sah ding ahi.
Jacob chilhah te chunga lengvai pontin, alenggam chun beitih neita lou ding ahi,” ati.
Ahinla Maryn Vantil jah a chun, “Iti cha kanei thei ding ham, keila pasalto kakitimat khapon?” atileh; Vantil’in ajah a, “Lhagao Theng nachunga hung chun tin, Chungnungpen tha neinan nahinle-khu ding, hijeh a hi apeng ding naosen theng chu Pathen Chapa kiti ding ahi. Nanulamnu Elizabeth-in jong teh nungin chapa khat avop’in, achinga kiseinu agaiyin lhagup alhingtai;ajeh chu Pathen dingin imacha ahimopoi,” ati.
Chuphat’in Maryn, “Ven, Pakai nalhachanu kei, nasei bangin kachunga guilhung hen,” ati. Hichun Vantil’in Mary adalhatai. (Luke 1:26-38)
Vantil chu alut’in ajah a, “Nun nomin sah chungnung nu, Pakaiyin naumpi jinge!” ati.
Mary chu alung kichi-ah lah jengin, ipi thudol’a kilemna ahiding giltah-in agel’e.
Hichun Vantil’in ajah a, “Mary kicha hih-in, Pathen lungdei namui.
Nagaiya chapa khat nahin ding, amin Jesu nasah ding ahi. Ama thupi tah hiya Chungnungpen Chapa kitia, Pakai Pathenin apu David laltounaa atou-sah ding ahi.
Jacob chilhah te chunga lengvai pontin, alenggam chun beitih neita lou ding ahi,” ati.
Ahinla Maryn Vantil jah a chun, “Iti cha kanei thei ding ham, keila pasalto kakitimat khapon?” atileh; Vantil’in ajah a, “Lhagao Theng nachunga hung chun tin, Chungnungpen tha neinan nahinle-khu ding, hijeh a hi apeng ding naosen theng chu Pathen Chapa kiti ding ahi. Nanulamnu Elizabeth-in jong teh nungin chapa khat avop’in, achinga kiseinu agaiyin lhagup alhingtai;ajeh chu Pathen dingin imacha ahimopoi,” ati.
Chuphat’in Maryn, “Ven, Pakai nalhachanu kei, nasei bangin kachunga guilhung hen,” ati. Hichun Vantil’in Mary adalhatai. (Luke 1:26-38)
Mary’n ahinkho Pakai khut in ape in, numei jouse lah a numei
ja-um le tonsot geiya dia numei lah a minngeipen “Pakai Jesu-nu”, “Vannoi
Huhhingpu-nu” ahitai. Aloupi e.
Nang jong, Jesu penna-nu/pa hijengin. Tuhin, nalungsunga
hungpeng din, Jesu chu kouvin. Nalungsunga hungpenga, na hinkhoa vai homding in
kouvin. Chutile, Ama nasunga hung chengintin, na hinkho akheldoh ding ahi. Pathen
minin kiphal in. Taovin, Jesu chung na Huhhingpu le Pakai hidin temin.
Aman,napanpi ding ahi.
Pathen in umpi jingtan.
No comments:
Post a Comment