JESU HI TAHSA LE LHHAGAO DAMSAHPA AHI

“na damsah-uva Pakai chu kahi,” ati. ; Jacob 5:15 - “tahsana taona ” ti hohi ahi.( Exodus 15 : 26)

JTLD-1 : THUGUH themcha phondohna.(SCC houin’a May 8, 2011Sunday nilhah’a kathusei ahi)

Amasa penin Phatpha eipeuva Pa Pathen chu thangvah in um hen - Amen.

                Phat hi manlutah ahijeh in, tu nilhah jong ‘manlutah thu’ tailou kaseinom poi. Thu seiding jong kakilop poi. Hinla, tahsa le lhagaova damna ngaihon damna tahbeh amu diu kinepna jala, Pakaiyin keima tahsa le lhagao adamsah banga nangho jong nadamsah diu kanop jala  hinsei kanom thouvin ahi. Hijeh chun tu nilhah a i-thupi diuva kadeilhen chu -

                “Pakai  Jesu Christa hi itahsau  le  i-Lhagaovu - agoma damsahpa Pathen ahi” ti thu i-sei diu ahi. Phatecha ngaiya le tahsan hon damna aneicheh ding katahsan ahi.

                Keima hi kakisei ngai kasapoi. Kiseilih jongleng phat pamaisah bep hiding. Kiseipha jong leng natiu peh bep ding ahi. Nei hechech-uve. Itobang kanahi le itobang tua kahi jong naheuve. Hijeh chun, Pathen thusei le natoh kamu le kahet chanbep kahin sei ding ahi.

                Pathenin kachunga na nasatah in atongin, bolchahna jong eineiyin. Kachatvai, kachonsetna ho jeh in eibolgimin, thoh jong eina thoh sah in. Hichu, kei eingailut jeh ahin, kahinkho akhel doh in. Tun keima thu hilouvin, Aman eipui jalin chatvaina tampi eipeldoh sah tan, Pakai kathangvah in ahi.

                Pathenin eimudohsah le eihetsah phabep kahinseinom ho chu :

LHAGAO ADAMSAH NOM BANGIN TAHSA ADAM DING ADEIYE

 JTLD-2 : Pathenin eimudohsah le eihetsah phabep kahinseinom ho chu :

Mihem hohi Pathenin eingailu behseh jengun, tahsa a i-dam diu, lhagaova jong i-damdiu adeiyin- tahsa jong dama i-umuva Ama kina i-pan diu hi anom lheh jengin ahi. Hinla, iti hiche damna chu i-mu diu ham, het angaiyin ahi. Thil kibol jouse hin, boldan khat le ni beh anei teiyin ahi. Matric Certificate na deiya, matric passed ho natoh khu natoh nomle, Class -I akona som chan nasim ngaiya. Som nahiteng Board Exam nabola, na passed-le bou Matric certificate namu thei ahi.

                Pathenna damna jong namu nomle, amudan lampi aumin, hiche dan chu najui ngaiya ahi. Najui loule namu theilouding ahi.

                Keima, neiheuvin,