Christian Dihtah Chu

Christian nu-le-pa akona napenman, Christian insungmi himan, Houbung mi himan le thilpha bol manna Christian hithei ahipoi.
Christian dihtah chu Jesu Christa ‘huhhingna chang’, ‘Jesu Christa-a hinna nei’ ho ahi.
Bible in aseiye “Nangman nakama ‘Jesu chu Pakai ahi’ na phondoh a, chule, nalungthima Ama chu Pathen in mithilah akonin akaithouve, ti natahsanle na sochat ding ahi.” -Romans 10:9.

Christian dihtah chu nahi theina dia noiya hohi nabol ding adoltah ahi –
1. Pathen tah khatseh natahsan ding, chule Ahinsol Jesu Christa chu natahsana, Huhhingpu le Pakai dia nakisan ding,
 2. Na chonset naphondoh a ngaidam nathum ding,
3. Jesu Christa chu nakouva na Leng le Huhhingpu hidia na ngeh ding,
 4. ‘ Jesu Christa chu Pakai ahi’ ti nakama na phondoh ding, chule, Pathenin Ama chu amithilah a konin akai thouve’ ti lunggila natahsan ding ahi.
Na chutibolle, ‘ mi penthah’ ‘ Christian dihtah’ nahi ahitai. 
Taovin“Pakai, chonsea kijil, chonsea peng, chonsea hinkho mang ka hi. Tu’n, nakom kahin jone. Nei ngaidamin, chonse kahi. Nangma ka Leng le Huhhingpu nahi. Ka hinkho apumin nang kapei. Nanga hinnopna chu neipen. Ka Leng le ka Huhhingpu Pakai Jesu Christa minin, Amen.” 
Patehn in panpi jingtan.