Mi ko’nkhat in akikhopnau donda’a achon nau banga bol louvin, Nikho chu ahung naidol namu ahitan, hatah in kitilkhou to cheh jo’u hite. (Hebrew 10:25)
Eiho lah ajong, ‘Solo Christian’ (achang change um), Hou-in ngaisahlou aume. Hinla, Bible in eihil banguva, Houin kai ding le tahsante kiloikhomna a lhattei angaiye. Hichu, Pakaiyin eideipeh’u ahi. Chule, kipahkhom ding le hahsatna jong kithoh khompi ding hi Pathen in eidei peh’u ahi. Nachangin jong Pathen nahoutheinai. Hinla, nakipana miho lah a nalatdoh le Pathen nathangvah miho mua nabol jala chu nasopi khat in jong ahinmua Pathen athangvah thei ahi.
Nangma imachan kigel hih jong lechun, nangma Houin kai jal a midang khat jong hungkaithei ahi. Nangman Pathen kihouna nangaisah jala nagol khat in jong ahin muthei ahi.
Kimoh neosah le imacha a kigellou hi kingainemna chavai ahi. Pathen in Ama limloa nasem ahi kihet in. Anop-le namanchah jingthei ahi kihet in. Genthei le mimo tah jeng jong chu Pathen in amanchah thei ahi. Samaria khopama Phah li kikoi ho Pathen in amanchah a Israelte gal ajam doh jengu chu geldoh in.
Pathen in anop-le, nabuhsevei, nakhutgit jong chu amanchah a, mikhat kichatna asoa, Pathen ahola abel jengthei ahi kihet in.
Hijehchun, mithengte lhatkhomna dia Pakai Jesun atundoh Houbung mite lah a lha jingin, Houin kai jingjengin. Hinla, na houin kai le natohphat chu nangma kisonnan manglouvin, Pathen lam, lhagao lama hatna nahol jingnan neiyin, gelin, chule, Pathen loupina din bolin.
Pathen in panpi jing tan.
No comments:
Post a Comment