Hiche
Bible chang lele hi sima Christa kisan mitamtah aumtai ti akijajinge. Patechan
simin, achengcheng hin ve-inlang, he-in, nit in, mangcha’n :
“Pathenin
vannoi angailut behseh jeh in Achapa neisun(Jesu Christa) chu apetai, hichu,
Ama tahsan chan mangthah louva tonsot hinna aneitheina ding ahi.” — John 3:16
Hichea
“vannoi” kiti hin nang le kei chule leiset chunga mijouse ahoptha ahi. Pathen
in eingailut behseh jeh’uva Achapa neisun chu nang le kei,chule, vannoi pupia
mihem ho lhatdohna dia ahinpeh ahitai.(Romans 5:8). Ei huhhingna diuva, hiche
Pathen Chapa, Jesu Christa chu Cross a
hung thia, hichun nang le kei chule atahsan jouse chonset man chu asah ahitai.
Hichu, nachonset jeh a nathiding khela Ama kipea, thia ahi;. Hichun, chonset
jeh a thoh hahsa nathoh ding akona chu na lha ong ahitai, nangma thi ngaitalou,
nang khela Jesu chu thia ahitai. Chule, Athi chu khatveiya thichai ahitai(
velthi ngaitalou ahi). Hijeh achu, Athi kona chu, “akichaitai” tia aphondoh
ahi.(John 19:30), hichu, nang le kei ‘chonset thaneinan eihennauva kona’ eilhatdohnau
(Huhhingna) kin chu achaisoh (kichaisoh) ahitai tina ahi.
Hinla,
Pathen in mihemte hi chamlhatna apeh jeh in ‘deilhen’ angaiye. Pathen in agon
banga Jesu Christa lhatdamna natoh hi nakisan-le ‘Huhhingna’ chu nachan ding
ahi. Nanop-le, taovin, hitihchan nakisan loulai nathepmona le michonse nahina
chu ‘Ngaidam kithumin’. Chule, Jesu Christ chu na Huhhingpu le Pakai hidin kouvin.
Na sunga chenga, na hinkho Ama deilama napui din temin.
Pathen
in panpi jingtan.
No comments:
Post a Comment