Lungsetna Changa Huhhingna Chang Nahi Kihet in

Mipha nahiman le thilpha nabol jala huhhinga umding nahipoi.

Na chonset mana huhhingna chu nachan loudingin jong kigel hih in.

Jesu Christa natahsan-le Huhhingna nachan ding ahijenge.

Jesu’n eingailut jaluva, eiho chonset jeh a i-thi diu khel’ a, Ama Cross a hungthia eilhatdoh’u ahitai Hichu natahsan-le Huhhunga um nahi ahitai.

Solchah Paul in  aseiye –

“Lungset jala, tahsanvanga huhhinga um nahitauve,hichu nangho jal hilouva Pathen thilmohpeh ahi,tohphat (chonphat)vang ahiloujeh in kisonna thei ahipoi”(Ephesians 2:8-9) ati ahi.

Chule, Pathen in Achapa thina ding Cross alhenkhel jong hi ajeh aum’e. Hichelaiya, michonsepen kithana chu Cross ahi. Jesu Cross a ahungthi hin, Ama tahsana Leng le Huhhingpua kisan jouse chu milah’a chonsepen gei hijongle ahoptha ahi.

Hijeh chun, michonsepen hijongle chun, Jesu Cross chunga athi hi nangma khela thi ahija nakisana, Jesu chu Leng le Huhhingpu dia nakisanle, nangma jong huhhinga na umding ahi.

Hinla, Jesu thi hin mijouse huhhingna apepoi – atahsanlou ho chang loudiu ahi ti Bible in asei ahi. John 3:18 ahin “atahsanlou chu themmo kichansah ahitai”tia asei ahi.

“atahsana chu themchanga ahitai”( John 3:17). Themchanga chu ‘huhhinga um’ ahitai. Huhhinga um ho chu ‘Pathen chate’ ahitaove (John 1:12).

Huhhingna chang, Pathen cha nahitah-le taovin Pathen thangvah jing in.

Pathen in panpi jingtahen.