Monday, 6 October 2014

Jesu hi Mijouse Chonset Pomangpa ahi

Jesu Christa vannoiya ahunglona hettohsah a pang Baptist John in thu ahillhanglei. Bible in aseiye:
“ Ajingin John in Jesus hung amu’n, “Veuvin, Pathen kelngoinou, vannoi chonset pomangpa khu! “(John 1:29)

          John hin, Jesu chu, “Chonset Pomang dingpa khu” atipoi, “Chonset Pomangpa khu” ati ahi. Hichu, “Chonset pomangpa ahipet le ahijingna” kiseina ahi. Atahsan jouse chonset chu apetpet a apoh mangpai jeng ahi.Aatahsansaho chonset apomangtai. Ahintahsan ho chonset jong apohmang jing ding ahi. Natahsan jou chomkhat joule apohmang ding ahipoi. Apetpet a apohmang jeng ahijoi. Ahile, nang chonsetna’la apohmang tah em?
 Apohmang tah-le, kipah tah in nitin hinkho mangin. Nitinin Ama-to hinkhomna in Bible sim jingin, chule tao jing jengin. Apohmangpeh loulai ho seipeh in, Jesu amuna diu lampi hilin, taopeh jingin.

Nachonsetna apohmang loulai-le, tutah hin taovin, kouvin. Ngeh in, nachonset apohmanga, Pathen lungdei hinkho naman theina din taovin.


Pathen in panpi jingtan.

No comments:

Post a Comment