Na Huhhing Din Pathen Belin

Mihema kingai hih in. Mihem kisonpi hih in. Pathen in Bible’a asei hi ngaiyin,

 “Thi thei mihem kisonpi dauvin, mihem hi ija pang thei ham?” (Isaiah 2:22).

Mihem a nakison sungse le kingaina naneilaisea, na lhinlel ding ahi. Ajehchu, mihem hi Asema Pathen ahin, asempa Pathen in, aphalpeh kal imacha chihna,thepna, hatna le hetna anei theipoi. Hijehchun, na sempa Pathen joh belin, songin, kingainan neiyin. Athu Bible in asei hi simin,

“Lengle lalte kisonpi dan, Mihemin huhhing joupon nate!” (Psalm 146:3).

Pathen songlouva, mihem songa mi atam jeh in, Bible in,  “Pakaiyin aseiyin, “Eijamsan pa chu mo kachan ding, Thi thei mihem kisonpi a tahsan chu themmo kapeh ding ahi.” (Jeremiah 17:5) ati ahi.

Nampi le gam lentaha jong, mihem chihna, thepna le hatna songa, Pathen thusei ngaisahlouva um jeh in alhudeljitai, tin jong Bible in aseiye.

Bible thusei ven,

“ Pakai loupina kiphongdoh a, Chitin namtinin amu diu ahi! Pakai Amatah-in hiche hi atepsa ahitai,” ati……..Thaneipen Pakai chu, Thu neitah a vaihom din ahunge! Aman ahuhdohsa japi ahin puiye! ” (Isaiah 40:15, 17).

Pathen hi mihem sema, hinna, chihna, hetna, hatna le angaichat ho pepa ahi. Ama tahsana, songjinga, kingaina neiya, chule, athupeh nit ho bou Pathen in phattheina pha apehji ahi.

Pathen hi i-hinnau, damna le ijakai ahi. Aman eingailut banguva Ama i-ngailut diu hi adei ahi. Chule, athupeh nit’a, angailut a i-umjing diu le hichu nopna tahbeh neiya, ama khut a ikipehdoh diu hi adei ahi. Chutia bol jouse chu aman apanpia, ama lungdei hinkho mangthei dia Lhagao Theng a hatna le hitheina apehji ahi.

Pathen lungdei tonapen, akipana pen chu ‘Aman eingailut banguva eihon jong Ama ingailut diu ahi. ‘Ama i-ngailut’ule, Athupeh init diu ahi’ (John 15:10).

Athupeh init’ule, Angailutpen Achapa Jesu Christa hi tahsana, Huhhingpu le Pakai dia ikisan diu ahi. Hiche hi keisei ahipoi. Bible in asei ahi,

 “Ajeh chu Pathenin hi banga hi vannoi angailut ahin, Koi hijongle atahsan chan chu mangthah louva tonsot hinna anei theina din a-Chapa chang khat chu apetai.” (John 3:16)

Akidange! Pathen in eingailut nau hi kidangtah ahi. Achapa Jesu Christa tahsan jouse hi Pathen chate asoa(John 1:12), Ama tonsot a hingjing ahibanga, achate jouse chu ‘tonsot-hinna’ apeh ahitai’. (John 3:16)

Loupina Pakai changing tahen.

 Hijehchun, nakisan loulai-le, tuhin, Jesu Christa hi kisan in.

Pathen in panpi jingtan.