” Gollhang hi itileh chontheng thei ding ham?
Nathupeh ho anit leh hitheiyinte!
Kalung pumpin nakin bol kagoi, Nathupeh ho bangin neichonsah-in!
Nang douva kachonset louna din Kalungthimin Nadanthu kaching jinge!
Kavahchoiye Pakai! Nachondan jouse neihil’in!
Neipeh Danthu jouse Othongin velseiyinge!
Gou tampi neisangin Nathupehho jui kathanomjoi!
Nahilchahna ho kasimin, Nathuhil ho kakholtoh-e!
Nadanthuho kakipapin, Nathupeh chengse sumil ponge!” (Psalms 119:9-16)
Mihem hinkhoa thenna hinkho man hahsat phatna
pen chu khangdon lai ahi. Chule, nungah sangin, gollhang dia then hahsa ahi
nalaiye. Hinla, ahahsapen dinmun, gollhang jeng dinga jong Pathen thu nit le
jui hin, hinkhotheng eimansah jengthei ahi.
Chule, thenna hinkho man hi tahsa le lhagao
dia damna, kipana, lolhinna pen ahi. Thenna hinkho manga kisih aumngaipoi.
Kipana le nopna bou ahi.
Hijehchun, Pathen thu Bible a kisei hohi
siminlang nit jing jeng in. Hichu nangma dia damna, kipana, hinsotna ahi.
Pathen in panpi jingtan.
No comments:
Post a Comment