Gospel Tha-Hatna le athilbol theina

Kipana Thupha (Gospel) Tha-Hatna le athilbol theina hi, aseiphong ho chan dia Pakai Jesu'n asei ahi. 

“ Aman ajah-uva, “Vannoi gamtin’a cheu-vin, Kipana Thupha gaseiphongun. Atahsana baptize chang jouse huhhinga um ding, atahsan lou vang chu themmo changa kikoi ding ahi. Atahsante chu mel-chihna hicheng hin ajuiya : Keima min a thilha anodoh diu, paochom chom athouva, khut’a gulte adop sang diu; thina thei gutwi don jong leu imatilou diu ahi; ana dammo chunga khut angap’u leh dam ding ahi,” ati. (Mark 16:15-18)
Tulai hin, mitamtah in, hiche tha-hatna le thilkidang boltheina hi tukhanga umtalou din agele. Hinla, Pathen chu tonsot a abang ahijinge tia tahsan kihingala, Pathen in Bible a asei ho tuchana abang hijing ho, tua umtalou dia tahsan chu nuijat umtah ahi.
Tukhangin, hitia, muntina Kipana Thupha seiphong ding mihem aumtapoi itile thuchom ahi. Ajehchu, hitoang tha-hatna hi muntina Kipana Thupha seiphong jouse Pathen in hiche tha-hatna le thilboltheina hi apeh ding ahi. Pathen thusei hohi thonlou ahi. Hiche changthei hochu mi nunnom ahiuve. Achangthei ding hin Pathen in napanpi tahen.