Satan Delmang dan

Nitin le phat tampi ahin, agiloupa, Satan hin einaiyun, eisumo nom jinguve. Na kipana le na thanopna ho lahmang peh ding nagoji’n. Na ngaitah na golte le insungmi, tohkhompi hoto kitomosah ding, kiset khensah ding atupji. Apha nabolnompet aphalou bolsah ding, aphamo henasa bolsah ding natupji. Nang le na insungmi, naloi le nagol jong ahinbolji. Hiche phat teng chule, iti nadelmang ding ham?

“Pathen koma kipelut in, Diabol/Satan chu kidintetpi’n, chutile, ama nakoma konin jam tante” (James/Jacob 4:7)

Hitobang phatteng chule,Jesu kouvin, taoloiyin :

 “Pakai Jesu, kachonset jouse sopthengna dia nahungthi jalin kakipah e. Ka Leng le ka Huhhingpu nahi. Thina le lhankhuh in henjoulouva, loupitah a nathokitna thahat chu kei jong neipen. Keiya umjing Satan tha-hatna ho – meidoina, hatlouna, kiginlelna, dihlouna, lhahsamna ho jouse hi, keiya konin delmangin. Na Galjona chu neipen. Kalungsung hi hinlodimin, kachonset, kadihlouna jouse suthenginlang, Athenga nangma chu athenga Na Lhagao Theng in hung chengin, Pathen lungdei hinkho chu tunia pat in neimansah in” ti’n taovin.

Chujoutengle, Satan thahatna - lhepna, dihmona, chonsetna, hatmona nanei hochu no mang nadin seiyin :  “Satan, keiya konin kichon mangin; Chonset jousoh Pakai Jesu kasunga hungchenga ahitai. Nang din mun a ongtapoi. Chetan, eidalhatan, ka Pakai Jesu mina kasei ahi” tin. Chutile, jamming gamhel tante. Lekhabu kasimna keo hilou, miho seina keuva kasei hilou, atah a kabola katosa hoa kona kasei ahi. Bolin, Pathen thusei athonngaipoi.

Hitia chu tahsanna lhingset neiya naboltah-le, Pathen Cha hina, Lhagao Theng in achenpi nahina hinkho chu tua pat hin mang pan jeng in. Pathen cha nahi chu kihet in, Pathen thangvah in, kipah tah in hinkho mangin.

Tahsanna lama nakhantou jinga, nitin-phattina, Christa’n naumpi nahet jinga din, Bible sim jingin, tao jing jengin.

Pathen in umpi jingtan.