Thum Ding Pen Thumin

Jesu Christa thi chu eiho chonset ngaidamna ding ahin, chule,Pathen panpina (kithopi) Lhagao Theng ichanna diu jong ahi. 

Aman aseiye, “Koi hileh atah kaseipeh nahiuve; nang ho phatchomna dia Keima che mang ding kahi; kache louva ahileh KITHOPI (Lhagao Theng) chu nahenguva hung lou ding, kachea AMA chu kahinsolpeh ding nahiuve.” (John 16:7)

Lhagao Theng hu Pathen akon tha-hatna ahi. Jesu’n aseiye, “hintin Lhagao Theng nachunguva ahung lhun teng thahat naneiyuva, Jerusalem le Judea gamsungsea jong Samaria le leiset kol kimvel geiya Keima het-tohsah a napan dingu ahi,” ati.( Acts 1:8)

Thum Dingpen Thumlou Jeh in Pathen Panpina Mulouvin aki Umji :

Nitinin i-tao jing nauve. Hinla, mitamtah in thum dingpen thum louvin, angaichat jouse aban banin athumjin, hinla, amudeh poi. Ajehchu, thum dingpen, Lhagao Theng, thumlou jeh ahiji.  Pakai Jesu thusei ngaiyin :

“Kaseipeh nahiuve, thumun namu diu ahi, kiuvun kihonpeh ding nahiuve;ijeh-inem itile athum chan achangin, ahol’an amun, akiuva akihonpehji.Nalah-uva mipa koipen nahiuvem achapan nga athum leh akhel’a gul pea; ahtui athum teng aipi peding’ah?
Migiloutah nang hon bon thilpha pehje nahet’u leh ichan geiya pha-joa vana Pa Pathenin ahenga thumte Lhagao Theng apeh ding hitam!” ati. (Luke 11:9-11)

Pathen panpina muna din, phat tinin, apanpina Lhagao Theng thum jingin.