THUM IN HOLIN KIUVIN NACHANTEI DING AHI

Pathen in eingailut dan’u hi ‘Akidanga ahi’. Mihemte;n angailutna i-hethempouvin. Eihilthem diuva Themgao tamtah ahinsol vangin, mihemte’n ahethem deh poi. 

Chonset abol’un, leiset hinlai damsungin jong akina-akisau lovin, amaho le amaho akidel’un, akithat un; nat le teh’ a thi jong hilouvin, Pathen ‘Ngailutna’ hethemlou le Angailupauvin ahinding dan’u agonpeh’u jong hetna aneilou jeh’uva chute ahiuve. Achaina Chula ‘Tonsot damun meidil’ a chenna atohkit nalaiyuve.

Hijehchun, Pathen in mihem kiti asongjou tapo’n, Achapa neisun Jesu Christa chu ahinsoltai. Pathen thilgon chu – Jesu Christa chun Apa ngailutna thu mihemte ahung seipeh ahi.

Jesu Christa chun mihemte eingailu behseh un, chonset thaneina’n mihemte chunga vai ahom’a apeingolgam ahi amu’n alungset cheh cheh jengtai. Pathen ngailutna chu seipeh mai hilouvin, them achantheina diuvin, 

 Ama hinna chu atoh in, athisan le atahsa chule ahinna chu mihemte lhatdohnan atohdoh tai.

Hiche, Jesu Christa chu eiho-ngaichat jouse eipe nomjingpau, eipe dingpau, chun

“THUM’UN, kipeding nahiuve;HOL’UN, namu dingu ahi; KI’VUN, kihonpeh ding nahiuve.

Nang ho miphalouvinbon nachateu thilpha pehje nahet’ule,

Vanna um na-Pa’vin, athumte chu iti APHA chu apeh louding ham?” (Matthew 7:7-11)