“Kasunga cheng jingun, keijong nasunguva cheng jing inge.
Lengpibah achanga aga thei lou banga, keisunga nachen louvu leh nang ho jong napun
thei lou diu ahi.” (John 15:4)
Jesu Christa sunga chen hi Athupeh nit hi ahi. Athupeh nit
chu ipi ham itile, Pathen khatseh tahsana, ahinsol Achapa Jesu Christa hi Pakai
le Huhhingpu dia kisan ding ahi. Chutengle, Pathen in Acha dia akisemji ahi.
Achate chu Pathen in Lhagao Theng apeh’, Lhagao Theng chun,
tahsa ho chu achenpia, ahila, alamkaiya, hatna, chondihna, thenna hinkho,
thilpha boltheina, kipana, lolhinna, tahsa le lhagaova damna le khantouna
apehji ahi. Chutengle, Ama (Jesu Christa’n Lhagao Theng’a achenpi) panpi ho chu
Christa tobang hung hijiu ahi. Miho Pathen thu hiltheiyin asemin, aseisah in,
mitamtah in Pathen ahin sanguvin, Christa nungjui apungji.
Christa chenna hochun, thilpha, napha tampi atongdoh jiuvin;
miho dia kingaina thei, miho panpi thei le ga-tampi sodoh in Pathen in
apanpiji.
Nang jong Jesu Christa’a tonsot-hinna chang le ga-pha tampi
neidin Pathen in napanpi jing tahen.
No comments:
Post a Comment