Bible Hi Eima Lim Vetna a Manding ahi

“Pathen lekhabua kisun : “Midih (dihchamkim) khat’a khatcha jong aumpon,”( Rom 3:10)

Ole, nang midih nahi jeng em?

Pathen tahsan nahile, Athusei Bible a um hohi tahsan ding, dih sahcheh ding ahi.Bible in “Midih(dihchamkim) khatcha aumpoi” atia jong dih(dihchamkim)  kisateitei ho chu, adihlou mong mong, amangthah ding bou ahi.

Pathen in aseichu dihnasah a, Ama nabela, ngaidam nathum jing-le ngaidam nachana kidihna napeh joh ding ahi.Pathen in, Lhagao Theng akona Ama dihchamkimna nahinpeh tan nia kon-le nunchanpha le tohga pha nahin nei jingding ahitai.

Hichena ding chun, Athu Bible hi nitinin simteiyin, chule, tao jing jengin, Pathen in napanpi ding ahi. Chule, Bible nasima nangma hatmona le lhinlelna nakimdoh theiloule, Jesu Christa hi Lhagao Theng a nasunga chengloulai hinte.

Bible nasima na mitmona nakimua, ngaidam nathum jingle, Aman napanpi ding ahi. Hitia, lhinlelna kimudoh a ngaidam thumjinga,  Ama tahsana sanga, Apanpina thum jouse chu ngaidam change panpina chang joding ahiuve. Ajehchu, mihem hi hatlou le lhasam ahi Pathen in ahet jeh a, Ama lungdei i-hitheina diuva, Jesu Christa chu vannoiya hinsol ahi. Jesu Christa tahsana sangjouse chu them achana tonsot-hinna apeh ding ahi (John 3;16-17)

“Pathenin Jesu chu athisan jal’a tahsan vanga kithoidamna dia miho chonset chesa asuh bei photchetnaa Ama adihje phondohna dinga atundoh ahin,
tulaiya jong hi Pathen chu adih ahin, Jesu tahsan chan chu them achansah-in, hitobang hin Pathen Amatah adihje avetsah-in ahi.” (Rome 3:25-26)

Angailutna hi hethema, ami huhhingna nachan hi kipah in. Nitinin Pathen thangvah in, Aman ipi naseipeh nom em ti nahetna din taopumin niseh in Bible simin, taojing jengin.

Pathen in panpi jingtan.