“Chuti ahijeh chun Christa thu bul
kipatna lam chu dalhau hitin, pilhinna ding lamjoh del’u hite; natoh thisa hoa
kona lunghei ding bul phut kit louvin, Pathen tahsan thupou, batize thua
kihilna pou, thenso-khut ngap ham, thinaa kona thokit thu ham, chule tonsot’a
dia thutan thupou velsei daute. Hiche jong chu Pathenin pha asah le ibol diu
ahinai. ‘ (Hebrews 6:1-3)
Hebrew
jihpa hin, Jesu Christa thuhil ama nungjuiho bolding dol hiche ahin aseikhai.
Hin, hiche ho juisahon, hiche hochu achaisau ahitah-le, pilhinna le gasona lam
adeldiu dol asei ahi.
Nang
jong, Christa tahsanna thubul,kibulphuna – ‘Pathen tahsana, baptize’ changsa, huhhingna
changsa, thensosa nahitah’a, thokitna thu tahsana hechen’a tonsot a dia thutanna
thudol jong hechena, ngampel’a, Christa
nungjui nahitah’le, hiche, nakipatna lam chu boipipi talouvin, malamno in
khantou ding le pilhinna, ga sona ding joh on ha-kibolin tan.
Hinla,
hichea kisei, kibulphuna hohi dihtah a bolloulai nahi jengle, hiche hochu, adihtah
kihilna le kibulphuna chu neiyin.
Ajehchu, tahsanna
bulphuna le kihilna dihtah neitei ngaiya ahi. Achutiloule lhagao hinkhoa
khantouna tahbeh le ga-sona umtheilou ahi. Khantou malah a, kihilna dihtah
neilou jeh in mitamtah anungchonji. Chule,konkhat vang, thuhil dihlou lamin
amahthah theiye.
Christian
tahsanna bulpi (doctrine) hi Jesu Christa thuhil Bible a kijih hohi ajengin, hiche
thudol hi, hiche Hebrew lekhathot ahin akimucheh’e, vel sim’ute :
“Chuti ahijeh chun Christa thu bul
kipatna lam chu dalhau hitin, pilhinna ding lamjoh del’u hite; natoh thisa hoa
kona lunghei ding bul phut kit louvin, Pathen tahsan thupou, batize thua
kihilna pou, thenso-khut ngap ham, thinaa kona thokit thu ham, chule tonsot’a
dia thutan thupou velsei daute. Hiche jong chu Pathenin pha asah le ibol diu
ahinai. ‘ (Hebrews 6:1-3)
Itobangin kipana neiyin, Pathen thu hetthemna nei
jong lechun, kihilna dihtah hi juithemna din Bible hi nitinin sim jingin,
taojing jengin.
Chule, hahsa lheh jongle, Pathen in amanchah a,
ahinkho lamjotna a jong podohsa ho thuhilna jong simtha jin.
Hinla, nangma tah a Bible simna hi athupipen ahi,
boljing jengin, taopumin. Chutile, Pathen in hetna pha napeh ding ahi.
Pathen in napanpi jing tahen.
(Aban kisei ding hi sim jom teiyin)
No comments:
Post a Comment