Pathen in adei chu, “Nangman na Pakai na Pathen chu naluntmi
pumpi, nahinna pumpi le na thaneina apumpia na ngailut ding ahi” (Deuteronomy
6:5).
Hinla, eihon, Pathen thusei donlouvin, Ama ngailutna ineijou
pouve. Eiho dei le ngaichat hojoheisempau Pathen sangin ingailu jouve. Hichu,
michonse ihinau photchetna ahi.
Hijeh achu, Pathen thu Bible in, “Mijouse chonsea, Pathen loupina
changlel ahitaove” (Romans 3:23) ati ahi.
Na insungmi, nagolkhat bon nasuh-lunghan-le nabolpeh ding khat
jong nabolpeh tahlou, nakinahlo jeng theile; Hatchungnung Pathen, nasempa le
thil ijakai napepa lunghanna nabol chu thumaimai dana nagel ham?
Pathen lunghan jeh a, natna, hahsatna, gentheina,
lungdon-lungjinna le thinagei sohdoh ahi. Tujenga jong nadeibang nahitheilou,
nakipa ding banga kipahtheilouva na um, nadei jong nachantheilou chu Pathen
lunghanjeh ahi kihet in, alunglhaina ding hol in.
Ipi nangaichat em? Nangaichat nathuma napeh nadin, alunglhaina
ding bolmasan. Chutile, na ngaichat jouse napethei ahi. Ama thiljouse sempa,
nasempa, na Pathen ahi. Hijeh achu, Pakai Jesu’n, “Amasan ALenggam (Pathen
Lenggam) le Achonphatna hol masauvin, chutile, hicheho hi kipeding nahiuve”
(Matthew 6:33) ati ahi.
ALenggam (Pathen Lenggam) chu Avaihopna, Athupeh kinitna mun chu
ahi. Hiche hi, mihem lungsung le chonna, Ama tahsanna athu nitna hi ahi.
Athupeh nitna dia amasapen chu “Ahinsol Jesu Christa hi tahsana kisan ding ahi”.
Athu hethema le nit nahiya, nangaichat ho mujing nahitheina din,
Pathen in panpi jingtan.
No comments:
Post a Comment