Hetna pha Neinadin Bible Pumpi Simin

Lekhabu ijat kijih hen, kiso jongle, Bible khella ding aumpoi. Chihna le themjilna ijat um jongle, Bible a kihilna khellha ding aumpon, um jong umponte.Bible bou hi chihna le hetna jouse mudohtheina ahi.  Ajeh chu, Bible hi Pathen thu (Matthew 24:35) ahi. Abu semtahbeh chu Lhagao Theng ahi(2 Peter 1:21).

Mihem in ahetnom : Iti lei le van hung uma ham? Mihem iti hung uma ham? Ipidia lei le van sunga thil jouse hi hung uma ham? Ipidia mihem a na hungpen ham? Thina iti uma, hinna iti uma ham? Chule dohna kidang jouse donbutna kimuna dihpen le lhingpen chu Bible ahi.Bible bou hi chihna le hetna jouse mudohtheina ahi.  Ajeh chu, Bible hi Pathen thu (Matthew 24:35) ahi. Abu semtahbeh chu Lhagao Theng ahi(2 Peter 1:21).

Pathen tah khatseh le ahinsol Jesu Christa helou le tahsan hon, iti khol jongleu chunga kisei dohna,

Mihem in ahetnom : Iti lei le van hung uma ham? Mihem iti hung uma ham? Ipidia lei le van sunga thil jouse hi hung uma ham? Ipidia mihem a na hungpen ham? Thina iti uma, hinna iti uma ham? Chule dohna kidang jouse donbutna kimuna dihpen le lhingpen chu Bible ahi.

 hohi adonbut soh helna amudoh pouve. Pathen in aphallou ahi. Hetna dihtah hohi, Ama tahsan hon, Ama thuseina Bible a asimdoh diuva Pathen in agon ahi. Chule, ajoujai jong hi mihem hetdia aphallou ahi. Achutiloule, mihem hi Pathen ki-hisahthei ahi.

Chunga kisei ho hi adihtah nahetna Bible sim jingin. Genesis apat Revelation kichaina-gei hi simtei ding ahi.

Bible pumpi hi vel ijat nasichai tah em? Chihna le hetna jouse umna Bible hi simjoulouvin umhih in. Masanga Bible pumpi ana mulou hochun, hahsatah a holjiuva, amutengule goulupen kimua ageljiuva Pathen athangvah jiu ahi.

Bible bou hi chihna le hetna jouse mudohtheina ahi.  Ajeh chu, Bible hi Pathen thu (Matthew 24:35) ahi. Abu semtahbeh chu Lhagao Theng ahi(2 Peter 1:21).

Lekhabu tampi bon nasima, chihna le hetna kijih ho hetna dia naha kibolle, chihna le hetna jouse, thina le hinna thu gei hetna dihtah kijihna Bible hi apumpia vel tampi simchaiyin. Bible them dia mihon agel’u Theologian tampi jong, Bible hi abulapat achaina-gei simchailou aumjiuve. Midang hon ‘Comment’ abolnau le thudang ahilnauva alahkhom hou keu sima Theologian tampi uma ahi.

Bible bou hi chihna le hetna jouse mudohtheina ahi.  Ajeh chu, Bible hi Pathen thu (Matthew 24:35) ahi. Abu semtahbeh chu Lhagao Theng ahi(2 Peter 1:21).

Itobang Theology degree nei jongle chun, Bible hi taopuma, Genesis apat Revelation kichainagei, miho hilchetna mangchalouva, velni-velthumbeh nasimchai loule, Pakaiyin hetna dih napeh louding ahi. Hitia chu, taopuma, nangma tah in avelvela nasima hetna napeh chu ‘hinna dia hetna’ ahiji. Hinla, nahetchet bea, nahinkhoa najuithemna ding le mid ang hilna ding le manchah themna ding, mihoto nakikal louna din, Pathen in, nangma hetna napeh banga, hetna apeh miho, ahetdan’u achomjepjep ho thusei le kihilna asemhou simin. Chutile, chekhellouva, hetna dih ‘hinna dia hetna’ napeh ding ahi.

Bible bou hi chihna le hetna jouse mudohtheina ahi.  Ajeh chu, Bible hi Pathen thu (Matthew 24:35) ahi. Abu semtahbeh chu Lhagao Theng ahi(2 Peter 1:21).

Mihem in lunggel le tahsan asemna chu thu asimpatna pen le ahetmasahpen ho ahiji. Ajehchu, mihem in amit a amu le nakhanga ajahmasah hoa kona hi amije le atahsanna aphu ahi.

Hijehchun, Theological College hohin Bible hi text a anei masapen diu adol ahi. Mihem in hetna’a aneiyu le agel dan’uva tamtah in apat’u hi chekhel bainapen ahi. Taopuma Bible a kipat ding ahi. Chutile, mihon aseinau, ageldan’u le aseidanu chomjepjep ahinsim tengu jongle, ima hiloupen banga kigel khat jong chu Pathen in ‘Hinna thutah’ Bible a kisun chu hetna apeh a, ahilkhel le lhinglel hojong amatdohsah jengthei ahi.

Bible bou hi chihna le hetna jouse mudohtheina ahi.  Ajeh chu, Bible hi Pathen thu (Matthew 24:35) ahi. Abu semtahbeh chu Lhagao Theng ahi(2 Peter 1:21).

Pathen thusei khat cha’in,” niseh in, Bible Commentary simin”, ” tao-tothon niseh in Theological lekhabu simin” atingampoi.

Chusangin, “Niseh in Bible sim jingin” tia min aseingam bou ahi.

Mihem ngaidan le hetdan hi ‘alhinglousa ahi’ ti het angaiye. Pathen in amanchah Themgao ho jeng jong chihna jouse le hetna jouse apeh kim aumpoi.

Theologian jousen angaisangpen’u Martin Luther jeng jong chu athuhil aphatlheh vangin, Jews ho chu avetda in thadoh ding se asapoi. German Jews tampi kitha chu ama phatsahpi jeh a chutia seina umdohkha ahi. Calvin jeng jeng chu, athuhil aphatlheh vangin, asei konkhat ‘doctrine of election, predestination’ kiti hohi deimona mitampin anei ahi. Aseivaljep a kihe ahi.

Bible bou hi chihna le hetna jouse mudohtheina ahi.  Ajeh chu, Bible hi Pathen thu (Matthew 24:35) ahi. Abu semtahbeh chu Lhagao Theng ahi(2 Peter 1:21).

Pathen thu hilthem, le hetna kidang tamtah ho jong, ahilkhel le panlahdan khel le lhinmona anei teiyuve. Hichu, Pathen in mihem akisonval louna dia abol hithei ahi. Aman adeichan bep bou mikhat apeh ahi. Hijeh achu, Bible vang hi, Pathen in, amanchah mitamtah, khang tampia, Lhagao Theng a ahinseipeh ho thu chu kikoikhom ahin, aseiya le abusemtahbeh (author) chu Lhagao Theng ahi (2 Peter 1:21).

Bible hi Pathen thu-hing, adihmonabei ‘infallible’(Matthew 24:35). ahi. Hijeh achu, Bible, sim hi athupipen ahi.   

Niseh in Bible simin, tao-tothon simjingin. Chule, tao jingjengin.

Pathen in panpi jingtan.

(Akilahna : ‘Bible Thuhil Bulpi Simna’: HETNA PHA NEINA DIN BIBLE PUMPI SIMIN)