“Nahinkho umdan (nun le khan) le na-thuhil
(doctrine) chu phatechan vechil in; Chingtup in. Ajehchu, nachutibolle, nangma
le nathusei ngaiho na-huhhing ding ahi” (1 Timothy 4:16 NIV)
‘Thuhil’, ‘Kihilna’ (Doctrine) kiti hi ‘kihilna
khat’ thudol Bible pumpi ahi iti kiseiyem ti hetna ahi. Vetsahnan, ‘Themchanna’
thu hi Bible munkhat a aseina keu hilouva, Bible pumpia aseidan ho lahkhoma
hetdoh ding, hichu ‘Kihilna’ na a manchah ding tina ahi.
Mihem nun le khan,
chondan ho hi, min ‘Kihilna’ anei banga uma ahi. Mihem hinkho man hi kihilna anei
na in asemdoh ahi. Nang in, itobang kihilna nanei em? Hichun, na nun le khan
asemdoh ding ahi.
Nitin hinkho manna
ahin chingtheiyin um’ute. Tahsanna chomchom le chondan chomchom muna hinkho
imannauva hin Bible a kihilna dih le kicheh inei hou hi tuhchah in, jui
jingute. Achutiloule, tulai, chihna-themna gam ahitan; adeh a khangthah-te hi tahsanna
jatchom chom muna leng i-hitauve. Chingtheiya umnau chu mahthah jengthei i-hi
gamtaove.
Thuhil in jong
Bible thuhil dihtah hil chu eima le i-sei jaho huhhinga umna ahi. Ajui hon jong
kihilna dih le kichehtah bou juiding ahi.
Thuhil dihlou,
lungthenglou le doi chomkhat neiya hil ho chu, Pakai Jesu’n Matthew 23:15 muna
asei bang hi ahin. Ahilpa le ahil-ho thakhat a mahthah diu ahi.
“Ada nahiuve, Danthu them le Pharisee, mipha lhem ho! Tahsanlou miho
tahsasah din, lei le tuipi chunga navahleuvin; mikhattouvin ahintahsan khah-le,
nang ho sanga phamo cheh, Damun- meidil chate nasoji taove.” (Matthew 23:15)
Thuhil dihtah
neiya juitheina din, nitinin, Bible sim in, tao jing jengin.
Pathen in napanpi
jingtan.
No comments:
Post a Comment