Lhagao Theng Chenpi

Johnin ahettohsah-in, “van a kona lhagao vakhu banga hung kumlha’a , achunga aumden chu kamui.” (John 1:32NIV)

Eiho Bible ahi kavetjile, ‘a umden/ aumjing’ kiti hi kamujipon. English a mama kavettengle, kalunga um hi kamuji “I saw the Spirit come down from heaven as a dove and remain on him.” (John 1:32)

Pakai Jesu chu baptize achana chu achunga ‘Lhagao Theng’ thu hung uma, chengdenta chula! Hiche Lhagao theng panpina jala chu chonsetbei hinkho amana; Pathen thu giltahtah aseiya, bolmo kidang abola, eiho jouse chonset akona eilhatdohna diuva thia, thoukit hita chula am!

Aloupi e. Loupina Pakai changing tahen.

Tujingkah in hiche hi kalungsunga aum hung umin, Bible kalan, kasimin ahile! Kathang ase lheh jeng tai. Ka lungin kagel in ‘Lhagao Theng chenpi jouse vang chu chonsetna, lhepna le boina hon sumo taloudiu. Pathen lungdeiya hinkho mangthei diu, Pakai Jesu thupeh ho nitna dia eipanpi jing diu ahi’ tin, kei jong Lhagao Theng chu thum in, ka taotai:

“Pakai, nachunga hung chua Lhagao Theng, na umpi jingpa chu neiteppeh’u chu, keiya jong hin umsah jingjeng’uo, na Lhagao theng chu. Chutile, Nanung kajuina hi lolhing ding bou ahi” katitai.

Hichun, kalung kipanan adimtai! Aloupi e, I-Pakaiyu Jesu Christa hi.

Kagolte, nang ho jong chute chun taoleu chun kipana sangtah nanei diu katah san’e. Hijongle, keima dei hilouvin, nangma le I-Pakaiyu Jesu Christa deijoh hihen kati.

Pathen in na panpi jing tan.