Hinkho nom le lolhinga mantheina din kipana le lungmonna angaiye. Hichu, mijouse ngaichat ahi. Mitam tah in haona, nei le gou, sum le pai, chihna le themna, hoina le minthanna’a mudin ahol’un amujoupouve. Konkhat in, khamnathei le kichepna chomchom a mudin jong abolun, amudeh pouve. Chomkhat kipana chu, ajona lamle, kana le lungnatnan aneikit jitauve. Ipi bolin, neiyin, ipi hijong lechun kipana le lungmonna tahbeh muponate. Lamkhatseh bou aume. Hichu, Pathen tahsanna le Ama’a kingaina in bou aume.
Ama tahsanna bela, Ama’a kingaite Pathen in chamna le lungmonna, kipana
kim ateppeh e, “Pakaiyin aseiyin, “Ven,
tonsot’a kahaosah ding nahi; namtin vaipi nei le gou jouse, kangmo luidung
banga nahenga hung long lut ding ahi. Nang vang anun adon jing naosen, a-op’a
ako jing, deitah a ajen jing tobang nahi ding ahi.”
(Isaiah 66:12).
Pathen tahsanin,
Ama’a kingairin, chamna, lungmonna le kipana tahbeh napeh ding ahi.
Leiset chunga hi
boina le hahsatna dimset ahi. Nitin hinkho manna ahi, boina le hahsatna tojing
jengthei ahi. Hijongle, anungjui hochu Pakaiyin, hahsatna jousea konin
ahuhdohji. Aseijuiteto konga akitolpet’un, huise nasatah atoh taove. Seijuite
akicha val jengtaove. Alungjin khontah’un, Pakai konga ihmu chu amudoh’un,
akaithou taove. Chule, huise hattah jeh a athigam diu thu aseipeh taove.
Hichun, Pakai Jesu chun, hui le tui kinong chu thimdia aseipeh-le, athip
deltai. (Matthew 8:26).
Hiche bang chun,
tahsante jouse hi Pakaiyin eiumpi jungu ahi. Hichu, nangman nakouva, napanpi
dia natao ngaiya ahi. Chutengle, Ama chu hunga, nabolgima chu najopeh a, na
huhdoh ding ahi. Seijuite koma Pakai umjing ahi chu hen. Hinla, seijuite jong
chun Pakai chu akaithouvu ngaiya ahi. Hiche ‘kaithouna’ chu tua eiho dia ‘taona’
hi ahi.
Nitinin Bible
simin, hichu, Pakai-to kivopna ahi. Chule, Ama panpi ngehnan tao jing jengin.
Pathen in
phatthei naboh jing tahen.
No comments:
Post a Comment