Bible Simtei Angaina

Bible hi Pathen Thu-hing ahi. Pathen hi Lei le Van, chule asunga um Sempa ahi. Pathen Acha hidia nasem ahi. Chonset chu vannoiya hunglut a, Pathen-to eikhen’u ahi. Pathen-to kikhen jeh in, leiset hinkho ahin hahsatna tampi i-toh jinguve. Chonset in eikhen jongleur, Pathen in eingailu jinguve.  

Pathen in ama kom a kile kit a, ama phattheiboh i-kisan diu deiye. Ama kom jotkitna din Lampi eisempeh’uve. Hiche Lampi chu hetdoh theina din Bible eipevin ahi. Bible’ahi, Pathen lungdei le thilgon hochu asei ahi.

Bible manlut jedan Labolpan jong aseiye  “Bible’a thu um hi thupha chungnung pen, Athu jouse hinna le sochatna; Mi thisa jong thoukit ding ti’n aseiye, Lhagao mangsa hindoh kitna ahi.” (HBL 160)

Chule,  “Pathen lekha simjinga,asun ajana ngaitoa;Agunchu athanompa’n,Pathen phatthei peh amui.Hijehchun,sun le janin,Lungngaina’n neijing’unlang;Athulu chingjing jeng un,Phat theina hinkemlouna.” (HBLa 185)

Bible in,  “Pathen in hu alhakhum Pathen lekhabu chengse hi - kihilna ding, kiphona ding, kipui jangna ding le adih lam’a kichuhna dinga phatah ahi. Chule, Pathen-mi kitoh chet’a um theiya natoh-pha chengse tohna dia kigosadem’a um ding ahi.” (2 Timothy 3:16-17)

 “Ijeh-inem-itile Pathen thu hi hing jing le natong-hat jing, hemto-chemjam sanga jong hemjo, hin-na Lhagao, gu-kisuhtona le lhin, hicheng geiya sukhen theihel’a sun thei, lunggel le lungthim ngaito hetoh paijen jeng thei ahi.” (Hebrew 4:12)-

Bible hi simin, chutile, Pathen in nagonpeh chu namudoh ding, alungdei chu nabolthei ding ahi. Angailutna, atohgon, nangma ding agon thil jouse namua, nachantheina din, Bible hi nahetchet teina din nitinin, tao-to thon, sim jing jengin.

Pathen in panpi jingtan.

(Akilahna : ‘Bible Thuhil Bulpi Simna’ : BIBLE SIM ANGAIKHOHNA : THUPATNA)