Pathen in mihem chu Ama lim in asemin (Genesis 1:27).
Ama lima asem jal in, Aman van le leiset pumpi chung
vai ahop banga, Ama thalhenga thilsem dang ho chunga vaihom dia asem ahi.(Genesis
1:26)
Pathen in mihem asem chun, numei le pasal asemin,
achenkhomsah tai(Genesis 1:27). Hichun, phatthei aboh in “Ga-phan, pungun; leiset
lodimin nathun nunsah un. Tuinoiya nga, vanlaijola vacha le a leiset chunga op
a kithol ganhing jouse chunga vai homun” ati (Genesis 1:28)
Pathen in, numei le pasal kichen hichea hi aphudoh
ahitai. Ama gon chu ‘Pasal khat le Numei khat’ kichenga, cha tampi ahindiu,
leiset alodimuva, ganhing ho le leiset jeng jong athu’va anunsah ding hi ahi.
Hiche bang chun, ipu-ipateuvin “Mitam in ahinpin, Nga
tamin athilo e” akiti. Tukhang hin, solkal kivaipohna hi mipi thaneina ahitai.
Nam tampan vai ahopna ahitai. Eiho, thinglhang mite hila, koi chi koinam ihiuve
apunga umtalou. Hiche nakah achu, koima cha tamneiding nomtalou.
Pathen thilgon juinomlou hohi ipiba ihi diu ham? Itiba
Pathen phattheibohna ichan diu ham? Gela lom nasah em? Leiset thu kiseidale,
Christian kahi kitia, Pathen thilgon juilouva, cha neilhom nadia boltheisun
kibol jeng. Numei sunga kijilsa gei subei jeng Christian hohin, iti Lhagao
phattheibohna ichan diu ham, kinep uma nagel
em?
Pathen phattheibohna sang hidin, Pakaiyin napanpi
tahen.
No comments:
Post a Comment