‘Pakai Taona’ seingamlou atam e. Amahon ‘Pakai Taona’ hi gimnei asaovin ‘NA LENG GAM HUNG LHUNG HEN’ (Matthew 6:10) tihi, Jesu Christa hungkit ding (Second Coming) kouna in agel’uve. Hiche jong chu ahinai.
Hinla, ‘Kachunga vai homin’ tina ahi. “Ka Huhhingpu le ka Pakai hung hi inlang, ka chunga vai hung homin, na Huhhingna neipen, Nacha din nei semin,Pathen cha nei hisah in, Na vaihopna mi nei hisah in ” tina a Christian jousen isei jing jeng diu ahi. Ei huhhinguva, Pakai Jesu chu i-kou jing jeng diu ahi. Hichu, Pathen koma kipeh lutna le Ama umpi jingna ngehna ahi.
“Pathen Lenggam” chu “Pathen in vai ahopna gam le amun, chule, avaihopna mite” kiseina ahi. Na lungsunga vai homdia nakou ding ahi. Pathen vaihopna lou chu Satan vaihopna ahi.
‘VAH’ a umin, ‘MUTHIM’ aum e. ‘Vah’ hilou ‘Muthim’ jong hilou aumpoi.
‘Pathen Vaihopna’ (Lenggam) aumin, ‘Satan Vaihopna’ (Lenggam) aum e. Khat joh joh hilou aumpoi.
Hoijoh nahi nom em?
Pathen in acha dia nasem ahin, chonset lhepna jeh a Pathen in eidondauva hahsatna, natna, thina gei mihemin atolo ahi. Aman eiho hinkhoa vai ahop tengle, Satan in eitohkhah theilouvu le ei nai ngamlouvu ahi. Nasempa, na ngailupenpa khut a nakipehdoh tengle ‘thing e, hahsatna toh inge’ nati em? Aman nadinga phapen napeh ding ahi.
Eiho boipi ding chu, ‘Pathen Lengam mite’ hiding bou chu ahi. Alenggam chesa le ahunglhungding boipi aphachompoi. “Amasan Alenggam le Achonphatna hol masauvin” (Matthew 6:33) atichu eiho kinpen ahi. Adang chu, Pakai kin ahitai. Na sempa, na Lengpa kin naboipi ding ngai ponte. Angaiteng Aman eisol nauvinte.
“A Lenggam chu lhingset a hunglhung ding imabat’u ahinai. Hiche teng chule, A phattheina lhingset ichan diu ahi. Hinla, tua hi, hichea luttheina dinga chu ‘A Lenggam mite,
A Lenggam lhunna mi’ hi masah ngaiya ahi. Hitei tei jenguo. Leiya chengkhom hih jong leuhen, ALenggam mite jouse, A Lenggam pilhingset mun (Van-gam) achu ichen khom diu ahi.
Hichena ding chun, keima taona bang hin tao jingjeng in :
“Pakai, Na Lenggam chu keiya hin hunglhun sah in. Hunglhungin. Hung vai homin. Ka Huhhingpu le ka Pakai, ka Lengpa nahi. Agiloupa mun kei le kaji, kachate ahin ot hih helin. Ka Pakai Jesu, leiya nalenlai jong chun, minu-mipa le insung miten, aji-acha le insung midia ataopeh-le, nasana, damna napehji chu Bible a neimusah hila em. Kei le neipeh chengse hi Nanga kahiuve. Katahsau, ka lhagaovu, ka hinnau, kadamnau, ka tohgonna jouseu, ka insungu, ka nei jouseu ahin Na Lenggam hunglhun sah in, vai hung homin, thuneina jouse hung neiyin, nathuthun nei umsah un, Na semsa, na lhatsa kahiuve. Kei le Neipeh kaji-kachate jouse jong Nanga kahiuve. Leiya dia apaova neikoi bou ahin, hijong chu kajolou ahi. Neingansena kajoupoi, Pakai, ka Pau tahbeh nangin nei panpiuvin, na deibang le nagonbangin nei koiyun, na loupina chu keiho ahin sodoh in. Nathuthu kahiuve. Nadeideiyin kachunguva vai homin. Ka diuva phapen lama chun nei puiyun, kadiuva phapen neipeuvin. Ka diuva phapen NANG nahi, Na LHAGAO THENG in nei umpiuvin, ka sunguva chengin. Ka insunguva hunglhung in.
MARANATHA, Pakai Jesu hung loiyin.“ .
Hitia chu, natao jing jengle, ana ven! Na hinkhoa aloupina Pakaiyin aphondoh ding ahi.
Pathen in napanpi jing jeng tahen.
Hinla, ‘Kachunga vai homin’ tina ahi. “Ka Huhhingpu le ka Pakai hung hi inlang, ka chunga vai hung homin, na Huhhingna neipen, Nacha din nei semin,Pathen cha nei hisah in, Na vaihopna mi nei hisah in ” tina a Christian jousen isei jing jeng diu ahi. Ei huhhinguva, Pakai Jesu chu i-kou jing jeng diu ahi. Hichu, Pathen koma kipeh lutna le Ama umpi jingna ngehna ahi.
“Pathen Lenggam” chu “Pathen in vai ahopna gam le amun, chule, avaihopna mite” kiseina ahi. Na lungsunga vai homdia nakou ding ahi. Pathen vaihopna lou chu Satan vaihopna ahi.
‘VAH’ a umin, ‘MUTHIM’ aum e. ‘Vah’ hilou ‘Muthim’ jong hilou aumpoi.
‘Pathen Vaihopna’ (Lenggam) aumin, ‘Satan Vaihopna’ (Lenggam) aum e. Khat joh joh hilou aumpoi.
Hoijoh nahi nom em?
Pathen in acha dia nasem ahin, chonset lhepna jeh a Pathen in eidondauva hahsatna, natna, thina gei mihemin atolo ahi. Aman eiho hinkhoa vai ahop tengle, Satan in eitohkhah theilouvu le ei nai ngamlouvu ahi. Nasempa, na ngailupenpa khut a nakipehdoh tengle ‘thing e, hahsatna toh inge’ nati em? Aman nadinga phapen napeh ding ahi.
Eiho boipi ding chu, ‘Pathen Lengam mite’ hiding bou chu ahi. Alenggam chesa le ahunglhungding boipi aphachompoi. “Amasan Alenggam le Achonphatna hol masauvin” (Matthew 6:33) atichu eiho kinpen ahi. Adang chu, Pakai kin ahitai. Na sempa, na Lengpa kin naboipi ding ngai ponte. Angaiteng Aman eisol nauvinte.
“A Lenggam chu lhingset a hunglhung ding imabat’u ahinai. Hiche teng chule, A phattheina lhingset ichan diu ahi. Hinla, tua hi, hichea luttheina dinga chu ‘A Lenggam mite,
A Lenggam lhunna mi’ hi masah ngaiya ahi. Hitei tei jenguo. Leiya chengkhom hih jong leuhen, ALenggam mite jouse, A Lenggam pilhingset mun (Van-gam) achu ichen khom diu ahi.
Hichena ding chun, keima taona bang hin tao jingjeng in :
“Pakai, Na Lenggam chu keiya hin hunglhun sah in. Hunglhungin. Hung vai homin. Ka Huhhingpu le ka Pakai, ka Lengpa nahi. Agiloupa mun kei le kaji, kachate ahin ot hih helin. Ka Pakai Jesu, leiya nalenlai jong chun, minu-mipa le insung miten, aji-acha le insung midia ataopeh-le, nasana, damna napehji chu Bible a neimusah hila em. Kei le neipeh chengse hi Nanga kahiuve. Katahsau, ka lhagaovu, ka hinnau, kadamnau, ka tohgonna jouseu, ka insungu, ka nei jouseu ahin Na Lenggam hunglhun sah in, vai hung homin, thuneina jouse hung neiyin, nathuthun nei umsah un, Na semsa, na lhatsa kahiuve. Kei le Neipeh kaji-kachate jouse jong Nanga kahiuve. Leiya dia apaova neikoi bou ahin, hijong chu kajolou ahi. Neingansena kajoupoi, Pakai, ka Pau tahbeh nangin nei panpiuvin, na deibang le nagonbangin nei koiyun, na loupina chu keiho ahin sodoh in. Nathuthu kahiuve. Nadeideiyin kachunguva vai homin. Ka diuva phapen lama chun nei puiyun, kadiuva phapen neipeuvin. Ka diuva phapen NANG nahi, Na LHAGAO THENG in nei umpiuvin, ka sunguva chengin. Ka insunguva hunglhung in.
MARANATHA, Pakai Jesu hung loiyin.“ .
Hitia chu, natao jing jengle, ana ven! Na hinkhoa aloupina Pakaiyin aphondoh ding ahi.
Pathen in napanpi jing jeng tahen.
No comments:
Post a Comment