CROSS GIMNEI CHU PHATTHEI KONNA AHITAI

‘Cross thu hi’ mangthah jing ho dia ngolthu ahin, huhhing chang ho dia Pathen thahatna ahi. (1 Corinth 1:18-25 chan simin)

Nang le keivang amangthah ding hitalouva, Huhhinga umsa ihitah jal in Pa Pathen thangvah in umhen.

Asepen aphapen sosahthei Pa Pathen chun, michonsepen kikhailihna  “CROSS’ ( India ‘Phasi’) gimneitah chu ‘Pathen Phattheiboh konna’ ahung hitai.

Ahelou hon "Pathen Chapa ahile iti michonse thia thi ham?" atiuve.

1.       Cross achun Jesu chu ana thi hihhenlang, Thuhilkeo hi anabol hihen, mihem ho thi bangin anathi  hitale, Gospel tha-hatna kidang hi tua banga kiphong louding ahi.

2.       "Michonse thia anathilou hitale ipi chu michonseho khela athina hiding ham?"

3. Cross hi nang le kei chonsetjeh a ithidiu khela athina ahin.

4. Cross hi Pakai thohna le chonset galjona ahi.

5. Satan in michonse thia athiding ana nompon, Cross peldohsahna din pan nasatah in analai.

6. Cross chu Jesu’n ana pelmo ahipoi: Satan in jong Pathen thilgon anahet jeh in peldoh sah ding anago e:-

(a) Gamthip laiya ana lhem in, Cross peldohsah teiding anati’

(i) Hinla, O ka Pakai chu anompoi, Cross lam ajonteitei jeng e.

 (ii) Hichu keima eingailutjeh anahi. Satan thu ananit-tala leiset jenga jong loupitah in umintin, thiphan thi intin, kei tonsot a damuna umta dinga.

 (iii) Kei eingailut jalin, Leiset loupina, letna, lalna, houna ho donlouvin, asungola umbangin Cross lam ajonteiteiyin, Kei thiding khel in athitai.

     Iti kavahchoi ding hitam O ka Pakai, neipanpin;

     Kipa jijang jong kahetlouna a nei ngaidamin,

     Kipaje hea, kipana vetsah theidin neipanpin.

7. Cross chu Pakai Jesu'n kinemsahna chungnung avetsahna ahi. Mose Dan som peh mihem koiman anitjoupoi. Thigam sihseh ding ihitaove.

  (a) “Mijouse chonsea pathen loupina changlel ahitaove’. (Rom 3;23)

  (b) Chonset man chu thina ahitai. (Rom 6:23 a)

 8. Ka Jesu (Huhhingpu) Christa (Ka Lengpa) chun honest-neilou hinkho mangin, Dan Thupeh sese anitjouvin, Thusompeh chungvuma Cross chunga thina geiyin jong  Pa thupeh anitsoh helin, melsetah a michonse ho kithana Cross chu Ama thisan in asopthengtai.

9. Vannoimiten achonsepen akhailihnauva Jesu ahungthi chun, Ama thina chu michonsepen jong hinna apeh ahi avetsah tai.

10. “Midang bon Huhhinga ipi dia Ama ki huhhing louham?” atiuve 

 (a) Hichu, Satan O ahi : Gamthip muna alhep achu ipi Satan in asei em?

  (i) “Pathen Chapa nahile hiche song hohi changlhah sonlang nen” ati

 (ii) Cross a athiding kon chun Satan seijui mipi hochun “Pathen Chapa nahile, nangma ki huhhing in Cross chunga kon chun hung khum lhan” atiuve.

(iv) Satan in Cross akicha val jenge. Jesu jong peldohsah teitei anagot ahi. Hinla, NGAILUT PATHEN (1 John 4:8) anompoi. Cross ajonin, Cross chunga athi khoh khoh e. Nang le Kei  eingailut jeh ahi.

10. Satan manchah phapen chu ‘chonset’ ahi. ‘Chonset-ga’ chu ‘thina’ ahi.

a) Satan in Ama le a Vantilte jouse tonsot Damuna aum diu chu, asuhkhelna them achanthu avetsah nomin, ‘Kei lele kahipoi. Mihem hon jong asukhel’uve” tia Pathen avetsah nom jeh a mihohi eilhep jiuva chonset eibolsah nomjiu ahi.

b) Hitia chu, mihem athemmo jouse chu ‘gotna’ mihemte mama jong apehsahji ahi. Ajehchu, ama lele hilouva midang in jong themmona, chonset-ga achan ding chu noma ahi.

c) Satan in Pathen Lim le Melpu mihemte hitia athohsahsahna ‘CHONSET’ chu mihemte mama sapset le nuisat tiding ham ( Mihemte gei in jong CONDEMN abolna dia Pakai Jesu’n Cross ahinlhen ahi.

d) Mijouse chonset po-in, Jesu chun, michonsepen kithana Cross chunga chun apodoh tai. Hia chun Ama Satan manchah ho khuttah in akikhetbehsah in athitai.

e) Hiche Cross chunga athi chun, michonse mihem ho maman Jesu Cross chua thi chu agah-ve jiuvin, achil asset un “Phui !” atiuvin, anelpeh khumun, CONDEMN abol’uve.

  (i) Jesu keu a nelpeh u ahipoi. Chonset le Satan manchah (cross) chu anelpeh’uva CONDEMN abolu, asuh pongdeh’u ahitai

(ii) Satan tha-hatna, Satan Mi-thana, Satan Thutanna Cross chu mijousen chil asetkhumu ahitai.

(ii) Satan tha-hatna akichaitai. Pathen Lim le Mel puho athana CROSS melsetah ‘Thina’ Cross chu, HINNA CROSS ahung hitai

(iii) Christa tahsanlou jousen jong tahsa damna le hinna thei mun LOU-IN (Hospital) le Lou kijohna mun ho jeng jong Melchihna in CROSS atah jing taove.

A Loupi e Pakai hi. Vahchoiyin umjing tahen. Amen.

Athupia ‘CROSS THU’ kiti hi ‘CROSS’a ‘JESU NATOH’ hi kiseina ahi. A melchihna chu ‘CROSS’ ahi.

Pathen in panpi jingtan.

(lkhengna 4/11/2014 1AM Repeat 30.3.2015)