BIBLE PUMPI SIM HIN CHIHNA MI ANEISAH E:

“Bible pumpi, Genesis apat Revelation gei simchaiya chapang chun, ahinkho malamtah a genthei le hahsatna akona Pakaiyin asohchatsah ding ahi akihet paiding ahi.  

Hitia Bible sim jinga le apumpi kisim chaisah chapang chu, khangthah dang jouse sanga lunggel ngaitona, lhoh suboithei le phatlouna tinchenga kona theng ding; phatna tincheng le  thudih lama hakatna (lunghatna) anei jouding ahi.”

Hitia pan lathei ding Pathen in panpi jingtan.

 Chule, 

BIBLE SIMJING LECHUN:

1)      Pathen in na ngailut le na khohsah dan nahetthem ding

2)      Pathen tahsanna lama na khantousah jing ding

3)      Pathen to na kijopmatna asemphat ding

4)      Mitamtah lhuhjina chonset hoa kona na sochatsah ding ahi,

5)      midang hon anei joulouvu chihna le hetna napeh ding ahi,

6)       midang hoto kijopmatna pha naneisah ding ahi,

7)      akhang khanga Pakai lhacha ho kidihje seiphatnatheiya nakhantousah ding ahi,

8)       phat hunglhung dinga olmona le kichatna neilouva;

9)       lunggila kipana, lungmon, lung olna le chamna giltah napeh ding ahi,

10)  Pathen lungthim hetna napeh a, Vana na Pa dihtah na hinkho puijing ding le lamhil nomjing, na chonset jouse suthenga, lhu louhela na lamkai jing ahi nahet ding ahi, chule, kinepna hing napeh a, tahsa thina bana jong hinkho aumin, Jesu Christa tahsana nahinkho Ama khut a napehdoh nia pat in tonsot-hinna chu naneipat ahitai ti nahetsah ding ahi.

Chuti ding chun Pathen in panpi jingtan.

(L.K.Hengna 25.3.2015)