Pathen Thu Henlang Hinnan Neiyin :

“Chule, Pakai Pathen in mihempa chu thu apen, “Honsunga thingga jouse hi nadeideiya nanehthei dia phal ahi; hinla, ‘Se le Pha’ hetna thingga vang khu nanehlou hel jeng ding ahi, ajehchu, naneh nini nathi teitei jeng ding ahi” (Genesis 2:16-17).

 “Keima Lampi, chule, Atah chule Hinna chu Kahi. Keiyakon tailouvin, koima Pa koma ahung theipoi” (John 14:6).

  “tonsot a dia mitmo meikong jing diabol (Satan) le ama vantilte ding kisem chu ahi” (Matthew 25:41)

 “ka le ha-gelna mun ahi” (Matthew 8:12).

  “Gucha (Satan) chu agu ding le athatding le asuse dinga bou hunga ahin; Keima amahon (mihemte) Hinna aneina diu, chule, bulhingset a aneina diuva hunga kahi.” (John 10:10).

 “Mijouse chonse ahitan, Pathen loupina changlel ahitauve” (Romans 3:23).

 “’Chonset’ hi mikhat akona vannoiya hunglut ahin, ‘chonset’ akona ‘thina’ hunglut a, mijouse dia thina hunglut ahitai, ajehchu, mijouse chonse ahitah jeh’u ahi.” (Romans 5:12).

 . “Ajehchu, ‘chonset’ man thina ahi.”(Romans 6:23).

 “Hinla, phat alhinset tah in, Pathen in Achapa chu ahinsoltai. Numeiya kona pengin, Dan noiya um mite lhatdoh din Dan noiyin apengtai. Hichu, ‘Cha’ hitheina-tha chu lhingset a ichantheina diu ahi. (Galatians 4:4 5).

 “Pathen in vannoi(mite) angailut behseh jeh a Achapa changkhatseh (Jesu) chu ahinpeh ahitai. Koi hile Ama (Jesu) tahsan chan chu mangthah talouva, tonsot hinna anei ding ahitai.” (John 3:16).

Jesu Christa chu Pakai le Huhhingpua naksantah-le, ngampel in seiyin tahsan in,

 “Pathen Lhagao chu keiya hin achenge, ajehchu, Aman migentheite kipana ding thupha seipeh dia thao einu ahi. Aman songkul ngahte koma chamlhatna thu, mitchote khomu ding,bolgentheiya umte lha-onga aum diu, le Pakai deichom channa kum hung lhunding thupha phongdoh dia eihinsol ahi.” (Luke 4:18 19).

Pathen in Lhagao Theng in na umpi jing tahen.

 “Pathen in Nazareth Jesu chu Lhagao Theng le tha-hatna’a thao anu ahin …..chule, Pathen chu Ama’a um ahijalia thilpha bola vahlea, Diabol thaneina noiya umjouse aboldam ahi.” (Acts 10:38).

  “Pakai na-Pathen chu nalungthim pumpi, na hinna pumpi, na khohetna(Lhuoh) pumpi, le, na tha-hatna pumpia na ngailut ding ahi.” (Mark 12:30).

 “Nangma nakingailut bangin naheng-nakom mite ngailun.” (Luke 10:27)

“Chonset dalhauvin, Vana Lenggam chu ahung naitai” (Matthew 4:17)

“Mi khat in thupeh anitlou jeh a mijouse chonsea kisim ahibangin, mikhat in thupeh anit jala mijouse chonpha’a sim hidiu ahitai.” (Romans 5:19).

“Christa, chonset neilou chu michonset jouse Pathen kom puilutna din khatveiyin athitai.  Tahsa ahi’na chu tha in ana umin, hinla, Lhagao ahi’na in ahing kittai.” (1 Peter 3:18).

 “ Ajehchu Ama (Pa) chun muthim thaneina hoa kona eilhatdoh’uva, Angailut Achapa Lenggam sunga chu eipuilut’u ahitai. Ama (Chapa) a chu  lhatdamna, chonset jouse ngaidamna ineiyu ahitai.”(Colossians 1:13-14).

Athu hethema, nitthem le mangcha them din Pathen in panpi jingtan.