TAHSANTE HI CHRISTA LOUPINA CHANKHOMPI DING IHIUVE

 “‘THU’ (Jesu) chu tahsaphe(Mihem) ahungdsoh-in, i-lah-uva ahung chengin, ‘ALOUPINA’, Pa’a kon Chapa chang khatseh ‘LOUPINA’ chu lungset le thutah lhingset’in ka mutauve.” (Joh 1:14)

Hichea ‘LOUPINA’ ati hi, Rome 3:23 muna ‘LOUPINA’ aseihi thakhat ahi. Hichea ‘LOUPINA’ ati hi “Pathen hi’na (amije)’ kiseina ahi. ‘Pathen hi’na chu -  hingjing, tonsot a hingjing’ ahina le Pathen mije jouse kiseina ahi.

Semtila chu, Pathen in mihem chu ‘Ama limloa’ – ‘tonsot hinna nei, thilouding, hingjing dia anasem ahi. Chonset jeh a ‘thina’ umdoh a bou ahi. Chonset jeh a mihem in tahsa thina atoa, tonsot geiya lhagao thina jong chang dinga koi ahitai. Hinla, Jesu Christ vanga, tahsante jouse ‘tonsot a hinna’ chu changkit diu ahi.

Simkhom dia kamudoh chu : Rome 3:23 le John 1:14 hi ahi. Simute :

“…..Ajehchu, mijouse chonsea Pathen ‘LOUPINA’ chu changlel ahitauve.”( Rome 3:23) “‘THU’ (Jesu) chu tahsaphe ahungdsoh-in, i-lah-uva ahung chengin, ‘ALOUPINA’, Pa’a kon Chapa chang khatseh l”LOUPINA’ chu lungset le thutah lhingset’in ka mutauve.” (Joh 1:14)

Seikit’ute :” Adam le Eve apat a mijouse hi chonse ahicheh tah jeh un, Pathen hinna, tonsot-hinna chu changjou talou ahigamtauve. Hinla, keiho Jesu nungjuite vang hin, Pathen thutep Huhhingna chu Pa’akonin Jesu Christa hiin mihem limin ahung in, Aloupina, ‘tonsot-hinna’ chu lungsetna le thutah dimset in kamu, kachang tauve” tina ahi.

Tunia, nang le kei jong, Jesu Christa tahsana anungjui ihitah jeh un, hiche Pathen LOUPINA, Jesus Christa LOUPINa, ‘hingjing, tonsot-hinna’ chu changsa ihitauve. Hiche hi, Solchah Paul in, ‘Christa-to gou loding, gou lokhompi ding’ tia asei hi ahi. Hichu, ‘CHRISTA LOUPINA, TONSOT HINNA chang khom ding ihiuve’ atina ahi.

Nachantah-le, nitinin Pathen thangvah in; athupha hi midang jong achantheina din hilsonin.

Pathen in phattheina kim, ‘tonst-hinna’ chu nachantei tahen.

(From : JOHN A HINNA THU 6na: by LKHengna )