Ven, na-Lengpan na hinjon’e!

Loupitah a Jerusalema alut ding chun Jesun aseijui ni asol masan, “Namasang khoa khun lut lhon le chun sa-ngan khat anouto kihen tha mupai lhonin nate; hinsut’in hinkai lhonin. Mi khat touvin i-khat asei leh, ‘Aneipan angaichat ahi,’ ti lhon le chun, aman hinlha peh lhontannate,” ati.

Hiche hi Themgao kama kiseisa: “Zion khopi seipeh-un, Ven, na-Lengpan na hinjon’e! Lung nengtah-in sa-ngan chunga atouvin, Sa-ngan nou chunga atouve,” kiti chu guilhung ahitai. (Mat 21:1-5)

Seijuite ni achen, Jesun ahil bang bangin agabol lhon’e. Sangan le anou ahinkai lhonin, achunga pon aphauvin Jesu atouve. Mitamtah-in lampi dunga pon aphauvin, abangin theoboh alham’un, lam dunga aphauve.Jesu nung le maa kijot mipin,

 “Pakai min a hung pa anun nom’e!  David Chapan huhhing hen!” atiuve.

Jesu Jerusalem khopi sung alut phat’in,

 “Hiche Pa hi hoi, koi hitam!” atiuvin, khopi sung akiloh soh jengui.
Japin, “Galilee gam Nazareth khoa hung kon Themgao Jesu ahi,” atiuve. (Matthew 21:1-11)

Tun jong, nang koma Jesu ahung e. Na Lenga dia nakisan hinam?

Nakisan loulai-le tuhin kisanin. Taovin, “Pakai, ka Huhhingpu le ka Pakai hung hin, ka Lengpa hinlang kahinkhoa vai homin, nathun nei nunsah in” tin taovin.

Chutile, Aman nachonset le nadihmona jouse na ngaidama na suhtheng ding ahi. Sangan-nou koima mankhahlou lai banga gollhang thengsel, nungah thengsel, milungtheng le nunchanpha naso ding ahi. Chule, Aman naman ding, alhacha dia na pansah ding ahi.

Chutengle, min naseiphat diu, nangma jala Pakai avahchoi diu ahi,

Pathen in panpi jing tan.