NBS1. Bible hi Pathen thu ahi’n, Achaten asimuva, Asempau
lungdei ahet’uva,hinkho jong lolhing le kipah amantheina diuva Pathen eipeh’u
ahi.
Christian khat nahija, lekha simthei nahi nah nah-le Bible
hi Genesis 1:1 apat in Revelation (Thuphon) 22:21 gei hi simteiteiyin.
Bible nasimtengle, moh maimaiya sim hilouvin, taopumin
simin. Athu nasimtengle, nalungin taovin Pathen dongin, “Pakai, hiche thua hi
ipi neihil nom em? Ipi kahetdohna dia nei simsah ham? Nathu kasimna ahin, nei
houvin, nalungdei chu nei hetsah in” tin taovin.
Chutengle, miho seikhahlou le hichelai muna thu kisei keuseh
hilouva, athu umdol le nahetdia pha tampi jong nahin hetsah ding ahi.
Taopuma Bible kasimna hoa konin, thildang tampi eihetsahji.
‘MOSE MOL’ tia kanaseiji jong chu chutobang ahi. Chule, Jesu
pen thu kasimna a Ahsi Lekhathem ho thudol kaseina jong chutobangma ahi. Ahisi
lekhathem hon Jesu amuva, chibai aboh jouvu chun, amangun Pakaiyin, ahungna lamuva
kilekit-talouva lamchom jot dia aseipeh bangun, lamchom ajot taove. Hichethu
chu taopuma kasimle pakaiyin eihetsah in “Koihile Jesu kimupi hon lamlui ajotji
tapouve (nunlui hinkho amangji tapouve) , lamthah ajot un, hinkhothah, Pakaiya
kipana hinkho amangji taove” ti thu eihile.
Nang jong, chute bollechun hetna phatah le kipana thah napeh
ding, alhachaa napaansaah ding ahi. Chule, athu hi naseithei, nanitthei le
namanchahtheina ding, chule, Ama a hinna naneina dia Pakaiyin napanpiding ahi.
Pakaiyin panpi jingtan.
No comments:
Post a Comment