Pathen hi Van le leiset chule asunga um jouse, Sempa ahi. Nang le kei jong eisemu ahi. Pathen hi Hat-chamkim, Ijakai hesoh le musoh, chule munjousea um ahi. Pathen in nagel, nabol le nahindan jouse ahesoh in, amusoh e. Nabolkhel, gelkhel le adeilouva na umdan jouse jong ahesoh e. Mihem in agel, abol le ahindan hoahin Asempa Pathen deilam ajuinom hih beh in, alunghanna joh adimset joi. Hijeh achu Bible in, Mijouse chonsea, Pathen loupina changlel ahitaove” (Romans 3:23) ati ahi.
Hinla, Pathen in ei ngailu teiteiyuve. Ajehchu, Pathen hi NGAILUT ahi.(1 John 4: 8). Eingailut behseh jeh un Achapa Jesu Christa chu eiho chonset thoidamna din ahinpetai. Bible in aseiye,
“Ajeh chu Pathenin hi banga hi vannoi angailut ahin, Koi hijongle atahsan chan chu mangthah louva tonsot hinna anei theina din a-Chapa chang khat chu apetai.”(John 3:16)
“Ahin amina tahsana Ama kisan chengse chu Pathen chate hitheina thu apetai.” (John 1:12)
Bible seibanga hi, Jesu Christa chu tahsana kisan jouse chu Pathen in achonset jouse angaidama, Acha dia akisan ahitai.(John 3:16 le John 1:12 sim kop in)
Pathen in michonset angaidam tengle, asetna chu asuhmila, ageldoh kit tahlou, chonset chu ana bollou banga akoiji ahitai. Bible in aseiye, “Ijeh-inem itile asuh khel nauva jong kahepia (ngaidama), achonset nau jong kageldoh kit lou ding ahitai” (Hebrew 8:12)
Aman eiho eingaidam banguva, eihon jong midang suhkhel i-ngaidam diu Pathen in adei ahi. Aman aseiye, “Ajeh chu mi suhkhel na-ngaidamu leh van a um na-Pauvin jong nasuh khel nau ngaidamin te.” (Matthew 6:14)
“Nang ho khat le khat kihepito cheh-un, lung nemun, Pathenin Christa sunggil‟a na-ngaidam bangun ki-ngaidam‟uvin.” (Ephesians 4:32).
Midang suhkhel ngaidamlou jeh a Kipaman chanda thei ahi in Bible in aseiye, “Mi suh khel na-ngaidam lou vanguleh, na-Pauvin jong nasuh khel‟u ngaidam ponte.” (Matthew 6:15)
“Mi jouse to kichamna ding le thenna ding hadel‟un, hiche tilouva chu koiman Pakai amu louhel ding ahi. Koima Pathen lungsetna changlel aum louna ding le thingkha jung dondoh a tamtah asuhmo banga nasuhboh louna dingin ching theiyun.” (Hebrews 12:14-15)
“Natohsa chu na-ngah louva tohga lhingset‟a nasan na diuvin, nang ho ching theiyun, kivephauvin.” (2 John 1:8).
“Nang ho khat le khat kihepito cheh-un, lung nemun, Pathenin Christa sunggil‟a na-ngaidam bangun ki-ngaidam‟uvin.” (Ephesians 4:32).
Chuti ahijeh in, khaiye, “khat le khat kingaidam tote” chutile Pathen ngaidamna ichan diu ahi. Mi suhkhel i-ngaidam tengule, bolkhel ana neilou bangin gelute. Ijemtia, i-suhmil theilou jengu jongle, i-hindanu hin asuhkhelnau chu i-hettahlou banga koiyin, ichonnauvin phongdohda jengle aphai.
Chule, nangma dinmun jong hejingin. Jesu Christa natahsana, na Huhhingpu le Pakai dia na kisannia pat achu, nasuhkhelna jouse angaidam ahitai. Chule, „geldoh kit taloudia‟ kitep a ahitai. Hijehchun, nahinkholui chu sumilin, kisuhmosah tahih in. Chusangin, lhagaova khantouna ding manojon. Nitinin Bible simjingin, tao jing jengin. Hou-in kaiyin. Houbung mite-to lhakhomin, Pathen thua pankhomna nei jingin.
Pathen in panpi jingtan.
Christa a nasopi @lalkamhengna 15.8.2014
Hinla, Pathen in ei ngailu teiteiyuve. Ajehchu, Pathen hi NGAILUT ahi.(1 John 4: 8). Eingailut behseh jeh un Achapa Jesu Christa chu eiho chonset thoidamna din ahinpetai. Bible in aseiye,
“Ajeh chu Pathenin hi banga hi vannoi angailut ahin, Koi hijongle atahsan chan chu mangthah louva tonsot hinna anei theina din a-Chapa chang khat chu apetai.”(John 3:16)
“Ahin amina tahsana Ama kisan chengse chu Pathen chate hitheina thu apetai.” (John 1:12)
Bible seibanga hi, Jesu Christa chu tahsana kisan jouse chu Pathen in achonset jouse angaidama, Acha dia akisan ahitai.(John 3:16 le John 1:12 sim kop in)
Pathen in michonset angaidam tengle, asetna chu asuhmila, ageldoh kit tahlou, chonset chu ana bollou banga akoiji ahitai. Bible in aseiye, “Ijeh-inem itile asuh khel nauva jong kahepia (ngaidama), achonset nau jong kageldoh kit lou ding ahitai” (Hebrew 8:12)
Aman eiho eingaidam banguva, eihon jong midang suhkhel i-ngaidam diu Pathen in adei ahi. Aman aseiye, “Ajeh chu mi suhkhel na-ngaidamu leh van a um na-Pauvin jong nasuh khel nau ngaidamin te.” (Matthew 6:14)
“Nang ho khat le khat kihepito cheh-un, lung nemun, Pathenin Christa sunggil‟a na-ngaidam bangun ki-ngaidam‟uvin.” (Ephesians 4:32).
Midang suhkhel ngaidamlou jeh a Kipaman chanda thei ahi in Bible in aseiye, “Mi suh khel na-ngaidam lou vanguleh, na-Pauvin jong nasuh khel‟u ngaidam ponte.” (Matthew 6:15)
“Mi jouse to kichamna ding le thenna ding hadel‟un, hiche tilouva chu koiman Pakai amu louhel ding ahi. Koima Pathen lungsetna changlel aum louna ding le thingkha jung dondoh a tamtah asuhmo banga nasuhboh louna dingin ching theiyun.” (Hebrews 12:14-15)
“Natohsa chu na-ngah louva tohga lhingset‟a nasan na diuvin, nang ho ching theiyun, kivephauvin.” (2 John 1:8).
“Nang ho khat le khat kihepito cheh-un, lung nemun, Pathenin Christa sunggil‟a na-ngaidam bangun ki-ngaidam‟uvin.” (Ephesians 4:32).
Chuti ahijeh in, khaiye, “khat le khat kingaidam tote” chutile Pathen ngaidamna ichan diu ahi. Mi suhkhel i-ngaidam tengule, bolkhel ana neilou bangin gelute. Ijemtia, i-suhmil theilou jengu jongle, i-hindanu hin asuhkhelnau chu i-hettahlou banga koiyin, ichonnauvin phongdohda jengle aphai.
Chule, nangma dinmun jong hejingin. Jesu Christa natahsana, na Huhhingpu le Pakai dia na kisannia pat achu, nasuhkhelna jouse angaidam ahitai. Chule, „geldoh kit taloudia‟ kitep a ahitai. Hijehchun, nahinkholui chu sumilin, kisuhmosah tahih in. Chusangin, lhagaova khantouna ding manojon. Nitinin Bible simjingin, tao jing jengin. Hou-in kaiyin. Houbung mite-to lhakhomin, Pathen thua pankhomna nei jingin.
Pathen in panpi jingtan.
Christa a nasopi @lalkamhengna 15.8.2014
No comments:
Post a Comment