CROSS GIMNEI CHU PHATTHEI KONNA AHITAI

‘Cross thu hi’ mangthah jing ho dia ngolthu ahin, huhhing chang ho dia Pathen thahatna ahi. (1 Corinth 1:18-25 chan simin)

Nang le keivang amangthah ding hitalouva, Huhhinga umsa ihitah jal in Pa Pathen thangvah in umhen.

Asepen aphapen sosahthei Pa Pathen chun, michonsepen kikhailihna  “CROSS’ ( India ‘Phasi’) gimneitah chu ‘Pathen Phattheiboh konna’ ahung hitai.

Ahelou hon "Pathen Chapa ahile iti michonse thia thi ham?" atiuve.

1.       Cross achun Jesu chu ana thi hihhenlang, Thuhilkeo hi anabol hihen, mihem ho thi bangin anathi  hitale, Gospel tha-hatna kidang hi tua banga kiphong louding ahi.

2.       "Michonse thia anathilou hitale ipi chu michonseho khela athina hiding ham?"

3. Cross hi nang le kei chonsetjeh a ithidiu khela athina ahin.

4. Cross hi Pakai thohna le chonset galjona ahi.

Why do so many Christians not have a consistently biblical worldview?

Why do so many Christians not have a consistently biblical worldview?

AJON PET TAH A KIMANNU VANGPHATNA

Athu hi phatecha gelchenin tao pumin simin, Pathen lungsetna changin:
“Danthu them ho le Pharisee hon ajon pettah a kimandoh numei khat ahin kailut’un, Jesu to akah-uva adinsah-un, ajah a, “Houhil hiche nu hi ajon pettah a kimandoh ahi.
Danthua chun Mose’n hitobang numei ho songa selih dinga asei ahi. Nangin iti na-ngaitom?” atiuve.
Ama hetsahna theiya akipalna dia aseiyu ahin, ahinla Jesu abungin akhut jungin tol ajih tai. Amahon adoh tei tei jeng phat’un Jesu ading jangin ajah-uva, “Nalahuva chonsetna neilou pen chun amanu hi songin sep masapen hen,” atin; abungin tol ajih kittai.

Ven, na-Lengpan na hinjon’e!

Loupitah a Jerusalema alut ding chun Jesun aseijui ni asol masan, “Namasang khoa khun lut lhon le chun sa-ngan khat anouto kihen tha mupai lhonin nate; hinsut’in hinkai lhonin. Mi khat touvin i-khat asei leh, ‘Aneipan angaichat ahi,’ ti lhon le chun, aman hinlha peh lhontannate,” ati.

Hiche hi Themgao kama kiseisa: “Zion khopi seipeh-un, Ven, na-Lengpan na hinjon’e! Lung nengtah-in sa-ngan chunga atouvin, Sa-ngan nou chunga atouve,” kiti chu guilhung ahitai. (Mat 21:1-5)

Seijuite ni achen, Jesun ahil bang bangin agabol lhon’e. Sangan le anou ahinkai lhonin, achunga pon aphauvin Jesu atouve. Mitamtah-in lampi dunga pon aphauvin, abangin theoboh alham’un, lam dunga aphauve.Jesu nung le maa kijot mipin,

 “Pakai min a hung pa anun nom’e!  David Chapan huhhing hen!” atiuve.

JESU SILLOU HON PATHEN LENGGAMA MUN ANEIPOUVE

Jesun athiding phat ahunglhun ahetai. I-jakai Pa’n akhut’a apehdoh a, Pa-henga kilekit ding ahi ahetai. Hijehchun, aseijuite, an anehkhompi laitah in akipatdoh-in, seijuite keng asilpeh-in, pon in atheh pehtai.  A Pakaipa tah in ama ho keng asop a, athehpeh jeng chu Peter anom tapoi. Hijehchun,

Peter in, “Pakai, nangin kakeng neisilpeh ding ong?” atileh;

Jesun, “Tupet tah-in kabol hi ipi ahi nahepoi, ajo teng henan nate,” ati.

Peterin, “Nangin a-itih a jong kakeng nasil louhel ding ahi,” ati.

Jesun, “Nang kasil loule Keiya nangin chan naneipoi,” atipeh-e.

Hichun Peterin, “Pakai, kakeng te ni keo hilouvin kakhut te ni le kalu jong ahe,” ati. (Joh 13:3-9)

Hichun avetsah chu, koihile Ama (Jesu)  thisana kisillou chun Pathen Lenggama mun aneilou ding thu aseina ahi.

Hichethu kasima, Pakaiyin, aumdolthu eihetsah chun, ka eodoh jeng in, “O, Peter, Peter, nasei dih val jenge!” katin, chule, kalungin kataaovin :

“Pakai, keijong, kapum in nei silin, kalungthim le ka lhagao jouse jong silin, na thisan thengtah achun!” katitai.

 Hichun, lungmonna le kipanan kahung dimtai.

JESU BOU AHI PATHEN KOM EILHUT THEIYUVA

Jesu Christa bou ahi Pathen-to ki jopmatna, LAMPI, THUTAH le HINNA chu( John 14:6).

Mihem in iti Pathen dei bolding tijongle aboltheipoi, Satan in achonsetsahji ahitai. Hijeh’achu, Satan joupa Jesu Christa hi nei teitei ngaiya ahi.

JESU LUNGDONNA HAPTA

Hiche hapta sunga hi I-Pakaiyu Jesu Christa’n amite chonsetna akona ‘lhatdohna’ dia kiphaltah a Cross ajotjengna phatsung ahijal a  ‘Passion Week’ kiti ahi.

Hiche hapta sunga hin thilsoh tampi aum’e : 

1). Jesu’n avelni channan Hou-in asuthengin (Luke 19:45-46) ahile Pharisees hoto akinellouve, athuneina chungchang in.

2). Olive mola thuhil (Olivet Discourse) aneiyin, phat kichaiding thudol, Ama hungkit ding thu le thudang tampi hilna aneiye.

3) Jesu’n aseijuite-to ‘Jan-an nukhah’ chu Jerusalem indan chungnunga aneuve (Luke 22:7-38).

BIBLE PUMPI SIM HIN CHIHNA MI ANEISAH E:

“Bible pumpi, Genesis apat Revelation gei simchaiya chapang chun, ahinkho malamtah a genthei le hahsatna akona Pakaiyin asohchatsah ding ahi akihet paiding ahi.  

Hitia Bible sim jinga le apumpi kisim chaisah chapang chu, khangthah dang jouse sanga lunggel ngaitona, lhoh suboithei le phatlouna tinchenga kona theng ding; phatna tincheng le  thudih lama hakatna (lunghatna) anei jouding ahi.”

BIBLE SIMJING LECHUN:

1)      Pathen in na ngailut le na khohsah dan nahetthem ding

2)      Pathen tahsanna lama na khantousah jing ding

3)      Pathen to na kijopmatna asemphat ding

4)      Mitamtah lhuhjina chonset hoa kona na sochatsah ding ahi,

5)      midang hon anei joulouvu chihna le hetna napeh ding ahi,

6)       midang hoto kijopmatna pha naneisah ding ahi,

NA NEH LE DON JOUSE PATHEN LOUPINA DIN BOL IN:

Changlhen : “…neuvin don jong leu chun nabol jouseu Pathen loupina din bol’uvin” (1Corinth 10:31)

Mi tamtah in ka thusei chunga kipathu aseinau khat chu :

“kum kihei (season) tinin theiga le anche chomchom kape jinge, necheh-lechun natahsa dia ngaicha (Vitamin, mineral le adang) jouse nanehkhah a nadam ding ahi” tia Pathen in asei kaseidoh chu ahi.

NA HINNA DIA JESU THIA AHI

Pathen Chapa chu vannoi chonset akona nang le kei huhdoh dia leiset a hunga, JESU ( huhhingpu) hung hija ahi. Ama Pathen Chapa ahijeng vangin, Pa lungdei holin, Vanmun nopna le loupina jouse dalhan, Pa thua nungin, leiset a, nang le kei eiyin tonsot-hinna ineitheina diuvin ahunge. Mihem in ahung pengin, mihem tahbeh hung kisoh in, genthei le jum le jachat, lungdon-lungjin thoh in, Cross chunga kikhenbeh in, thina gei atoh tai. Hichu, nang le kei tonsot damuna i-umdiuva kona ei hung huhhing nau ahitai.

CHONSELOU CHONSEA KISIMA CHONSEPA CHONPHA A KISIM AHI:

Vannoimite ngailutna jala Pathen in Achapa Jesu ch ahinsol ahi. Chapa chun Pa – thu jouse nit in, Van-mun loupia vantilte le vanmiten Pakaiya aneiyuva, loupe le ja-uma aumna mun chun hindalhan, nang le keiyin ‘chonset’(Satan) vaihopna noiya leiset hahsatna i-thoh jinguva, tonsot-geiya ithoh diuva kona ei huhdoh diuvin ahung tai.

CHONSE JONGLE CHUN PATHEN IN NA HEPI JINGE

Mihem koimacha apha tahtah aumpoi. Setna le lhinlelna nei cheh ihiuve. Nangma chonset chu alenchom le Pathen in angaidammo hisah hih in. Jesu Christa na tahsana, na Huhhingpu le Pakai dia nakisan poule, Pathen in nachonset jouse angaidam a, Pathen cha phatah naso jeng ding ahi.

TAHSANTE HI CHRISTA LOUPINA CHANKHOMPI DING IHIUVE

 “‘THU’ (Jesu) chu tahsaphe(Mihem) ahungdsoh-in, i-lah-uva ahung chengin, ‘ALOUPINA’, Pa’a kon Chapa chang khatseh ‘LOUPINA’ chu lungset le thutah lhingset’in ka mutauve.” (Joh 1:14)

Hichea ‘LOUPINA’ ati hi, Rome 3:23 muna ‘LOUPINA’ aseihi thakhat ahi. Hichea ‘LOUPINA’ ati hi “Pathen hi’na (amije)’ kiseina ahi. ‘Pathen hi’na chu -  hingjing, tonsot a hingjing’ ahina le Pathen mije jouse kiseina ahi.

Semtila chu, Pathen in mihem chu ‘Ama limloa’ – ‘tonsot hinna nei, thilouding, hingjing dia anasem ahi. Chonset jeh a ‘thina’ umdoh a bou ahi. Chonset jeh a mihem in tahsa thina atoa, tonsot geiya lhagao thina jong chang dinga koi ahitai. Hinla, Jesu Christ vanga, tahsante jouse ‘tonsot a hinna’ chu changkit diu ahi.

TAHSANNA THENGSEL IN HIN JONIN:

“Hungin, Pathen kom hin naiyin, chutile, Ama nakoma hung naiding ahi. Na khut kisopthengun, michonste’n. Chule, nalung kisuhthengun, lungtho neite’n.” (Jacob 4:8)

MIDIH BOU VAN GAM LUT DIU AHI

Midih ho bou van-gama lut diu ahi. “Midihlouvin Pathen leng gam alolou diu nahetlou laiyu ham?  Lhep chatvaiyin um hih un; jonthanhoi bol ho, doi houho, mito jong ho, pasal le pasal- numei le numei jong ho, gucha ho, neipap kilose ho, jukham ho, mi hanse ho, michom hat ho khatcha’n jong Pathen lenggam alo louhel diu ahi.  Nang ho abang bang hitobang chu nahiuvin, hijongle Pakai Jesu Christa min le i-Pathen’u lhagaova kisop ngim’a kithensoa them kichansah nahitauve. (1Corinth 6:9-11)

Pathen lekhabu-a kisun

JESU DIHNA CHANGIN HINNAN NEIYIN

Pathen hi dihchamkim (Righteous) ahin, midihlou chun akom ajontheipoi. Mihem koima adih aumpon, chonse kijen ihiuve. Pathen dihna le loupe le ja-umna chu koima achangthei aumtapoi.

Hinla, Pathen in amihem semsate angailut jal in, atahsan jouse themchanna din Achapa Jesu chu vannoiya ahinsoltai.

Jesu leiset chunga ahungin, chonsetbei hinkho amang lhumkeiye. Chubanin, mihemte chonsetna jouse apon, Cross chunga ahinna toh in athitai. Jesu natohphat chu Pa Pathen akipah lheh jengin, loupitah in akaithou kit in Pa Pathen in jetlama atousah in, lei le van chule asunga umjouse chunga thuneina apetai.

Koihile Chapa Jesu tahsana Huhhingpu le Pakaiya kisan jouse chu Pa Pathen in Jesu kidihchamkima (Righteousness) chu atahsan jalun lungsetna bulhingset neiyin achansah in, themmochanna ding jouse ngaidamin themchang din aphongdoh tai. Hitia Jesu natohpha le phatna chang jouse chu ‘tonsot hinna’ apetai.

HUHHINGNA NGAICHA CHEH IHIUVE

1.      Bible’a kisun thuhohi Pathen in asei, ageldan, ahi-sah thu ho ahi.

Bible in “Mijouse chonse-a Pathen loupina changlel ahitauve” (Romans 3:23) ati.

Nangin “kachonsepoi” natile ‘mi’ (Mihem) nahilou hinte. Ahiloule, Pathen thusei hin nang nahoptha lou hinte.

Pathen hi thiljouse sempa, nang le kei jong eisempau ahi. Natahsa, nahinna, na hinkho, nahinding, nadamding, nathi ding, navom ding nakanding, aboncha Pathen thu thu ahi.

Pathen in mijouse hi achonse-a akoiya, Ama loupina chu achansah tahlou, apehsa alahpeh ahitai.

2.      ‘Pathen loupina’ ati hi ipi ham?

Ngaidam in Geldoh Kit Da Tan

Pathen hi Van le leiset chule asunga um jouse, Sempa ahi. Nang le kei jong eisemu ahi. Pathen hi Hat-chamkim, Ijakai hesoh le musoh, chule munjousea um ahi. Pathen in nagel, nabol le nahindan jouse ahesoh in, amusoh e. Nabolkhel, gelkhel le adeilouva na umdan jouse jong ahesoh e. Mihem in agel, abol le ahindan hoahin Asempa Pathen deilam ajuinom hih beh in, alunghanna joh adimset joi. Hijeh achu Bible in, Mijouse chonsea, Pathen loupina changlel ahitaove” (Romans 3:23) ati ahi.
Hinla, Pathen in ei ngailu teiteiyuve. Ajehchu, Pathen hi NGAILUT ahi.(1 John 4: 8). Eingailut behseh jeh un Achapa Jesu Christa chu eiho chonset thoidamna din ahinpetai. Bible in aseiye,

TAHSAN JAL IJAKAI KITONGDOH AHI

Tahsan kiti hi Pathen thu hihen leiset thila jong natong-hattah ahi. Nanu-napa natahsan jala hichan nahinphah ahi. Tahsan dalechun, nasonjoulou ding, nahin seilet theilou diu ahi.

Themjilna jong nahilpa/nu chu tahsan tahihlechun, hichan chu naphah louding ahi. Hetna, thilboltheina ho jong chu tahsana nahung kichuh jala nachan thei ahi.

Pathen Thu Henlang Hinnan Neiyin :

“Chule, Pakai Pathen in mihempa chu thu apen, “Honsunga thingga jouse hi nadeideiya nanehthei dia phal ahi; hinla, ‘Se le Pha’ hetna thingga vang khu nanehlou hel jeng ding ahi, ajehchu, naneh nini nathi teitei jeng ding ahi” (Genesis 2:16-17).

 “Keima Lampi, chule, Atah chule Hinna chu Kahi. Keiyakon tailouvin, koima Pa koma ahung theipoi” (John 14:6).

  “tonsot a dia mitmo meikong jing diabol (Satan) le ama vantilte ding kisem chu ahi” (Matthew 25:41)

 “ka le ha-gelna mun ahi” (Matthew 8:12).

  “Gucha (Satan) chu agu ding le athatding le asuse dinga bou hunga ahin; Keima amahon (mihemte) Hinna aneina diu, chule, bulhingset a aneina diuva hunga kahi.” (John 10:10).

PATHEN THUTAN PELDOH IN:

Pathen thutan hi gimnei chung nung ahi. A Vantil te jengjong,  chonset abol’uchun, khen beihelin, Damun’a alehlut jengin, hikoma chun Thupi-tan ngah din muthim lah a thih-kaovin ahentai.  ( 2 Peter  2:4)

A-Vantil hobon achuti bol jengle, nang le keiyin in Pathen deilou bola, chonset bola chu donlouvin koiyinate tia nagel em? Chutiponte, achonse, athu-nitlou chu abolchah teiding, achungthu atantei ding ahi.

NITIN BIBLE SIM PHATNA

NBS1. Bible hi Pathen thu ahi’n, Achaten asimuva, Asempau lungdei ahet’uva,hinkho jong lolhing le kipah amantheina diuva Pathen eipeh’u ahi.

Christian khat nahija, lekha simthei nahi nah nah-le Bible hi Genesis 1:1 apat in Revelation (Thuphon) 22:21 gei hi simteiteiyin.

NITIN BIBLE SIM PHATNA

NBS1. Bible hi Pathen thu ahi’n, Achaten asimuva, Asempau lungdei ahet’uva,hinkho jong lolhing le kipah amantheina diuva Pathen eipeh’u ahi.

Christian khat nahija, lekha simthei nahi nah nah-le Bible hi Genesis 1:1 apat in Revelation (Thuphon) 22:21 gei hi simteiteiyin.

PATHEN CHATE HINDOL

“Veuvin, Pathen chate ikisah theina diuva Pan eipeh-u ngailutna hi iti natsat hitam! Chule hichu hijong ihitauve. Hijeh a hi Vannoiyin eihet louvu ahi, ajeh chu Pathen jong ahepouve.” (1John 3:1)

‘Pathen het” kiti hi “taksana, Pakaiya nei, athupeh nit” tina jong ahi. “Athupeh” hi “Achapa Jesu Christa tahsana Huhhingpu a kisana Pakaiya neiya athuhil ho nit le anungjui” tina ahi. Hitobang ho chu “Pathen Chate” kitiuva ahi (John 1:12).

Hitia, Pathen chate ho koma chun, Solchah John i

ALOUPINA DIA PATHEN IN NASEM AHI KIHET IN

Pathen in mihem hi aloupina ding, phongdoh ding, kilahna dia asem ahi. Hinla,leiset a ‘chonset’ ahungum phat in mijouse asuboh gamheltai. Hijehchun, loupisah malah in  Pathen adou jotai. Koima Pathen thu-nit aumtapoi. Athupeh palkeh cheh ihigamtaove.

Pakai vangboh changten gamsung alo diu ahi

Pakai vangboh changten gamsung alo diu, Agaosapte kideldoh diu ahi.

 Mi achena lampia Pakaiyin apuiyin, Alung lhainate ahoidam jinge.

MI NUNNOM HO

Migiloute thumop sang lou, Chonsete umchan jomlou,

 Pathen taitom nomte jop lou chu Mi nun nom tah ahin;

Migiloute jeh-in lungkhamdan, Thil dihlou bolte jong thangset dan, Amaho hampa bangin gop lhan tin, Hamhing banga gop’a thi loi diu ahi.