Wednesday, 15 April 2015

PATHEN LENGGAM MI NAHI NAH EM?


Pathen Lenggam ipi ahi nahen, aumdol jong nahenai. Ahile, nangla, Pathen Lenggam-mi, citizen lhingset nahi nah em? Tu-leiset a nalenlaiya hi hiche Pathen Lenggam-mi chu nahiya, agamsunga nachenpat loulaiya, hiche Lenggam sunga chu NUNNOPNA,HINNOPNA naneitheilou laile, thinunga bou man din kinemval hih in.

 Mihem muding le mihem gelin haovin, chingin, them hih jong lechun Jesuahinna ((John 1:12) ; John 3:5), chu naneile koiman nalahpeh theilou, NUNNOPNA,HINNOPNA chu naneiya (Luke 17:20-21) kipah jing ding nahi. Nabol le nachan jouse Pakaiyin nangdia apha lampen ahi nahetsah a lungmong tah a na umding, imachan nalahpeh theilou – Hemto chemjam; tulaiya dia choibaipena milhamin manchah hoi ahetpen jong AK 47, natna,thina le lhankhuh jengin jong nakhen jou lou ding kipana nanei (Longlougam a um) jing nahiding ahi. Hiche, Lenggama NUNNOPNA,HINNOPNA  lhingset chu leiset pon in kiphetlhah joutengle (Thinungteng) Christa-to tonsot adia Vanthah le Leithah achu bulhingset a namankhom diu ahi.
Pakai Jesu’n leiset a ahunga chu hiche leiset ahi Pathen Lenggam ana tundohsa ahitai. A hettohsah Baptist John in aseiye
 “Lungheiyun,chonset dalhauvin,Pathen Lenggam chun hikom ahinphatai’ atin (Matthew 3:2),
Pakai Jesu, Amatah in jong aseiye “Pathen lenggam chu nasunguva aume” ati. (Luke 17:20-21)
 “Pathen lenggam chu nasunguva aume” ati. (Luke 17:20-21)
Nang sunga um nam? Aum louliaile, Pathen koma taovin, Jesu kouvin. Jesu umna mun chu Pathen Lenggam ahi.
Pathen in panpi jing tan.

No comments:

Post a Comment