NAZARETH A JESU THUSEI (Nazareth Menifesto)
Luk 4:14 Jesu Lhagao thahat kengin Galilee lama ahung kile kittai. Chuin Ama thudol gamsunga akithangsoh tai. 5 Houthua kikhopna in tin’a miho ahil len, mihon Ama aseipha soh keiyui. 16 Ahung seiletna Nazareth khoa Jesu ahungin, achon na ngai bangin Choldo nin houthua kikhopna in’a achen, Pathen lekhabu sim dingin adingdoh tai.17 Hichun Isaiah Themgao lekhajol apeuvin, lekhajol alhap lhah a amudohna laiya chun,
18 “Pakaiya kon Lhagao kachunga aumin, Tahlelte henga Kipana Thupha seipeh ding, Sohchangte lhadohna thu seipeh a, Mitcho ho khomuna ding seipeh ding, Nehchintoa um ho lha-ong ding seipeh a, 19 Pakai deilhen kum seipeh dinga thao einu ahitai,” tin akisun’e.
20 Jesun lekhajol chu ajeldoh-in lhachapa apen atoutai. Hichun houthua kikhopna insunga um mi jousen Ama avesoh keiyui. 21 Jesun ajah-uva, “Hiche najah-u Pathen lekhabua thu hi tunia guilhung ahitai,” tin aseipantai.(Luke 4:14-20)
Jesun atohding kin jouse achaiyin, athi in athoukit tai. Ama natohga ‘Chonset le atha-hatna’ akona huhhinga na um tah em?
Ole chonset in najoa, chonphatna neitheilouva, na hetlou kah’a chonset nabolji nah lai em? Achutile, Jesu ‘gal-jona’ chu nachanloulai hinte. Achutile, tuhin taovin, Jesu kouvin. Chonse nahi chu phongdoh in, ngaidam thumin. Chonset najopeh’a, na Huhhingpu le Pakai hung hidin kouvin. Na hinkho Adeilama napui jing din akhut a pedoh in.Hichu, Pathen lungdei pen ahi. Chutile, Aman nachonset jouse angaidama, tua pat a chonset najopeh jing ding, Lhagao Theng a naumpi jing ding. Hinkhothah, nunchanpha napeh ding, natahsa le na lhagao adamsah ding, nitina kipana nakimu jing ding ahitai. Christa-to hinkhomna hinkho nopna nanei ding ahi.
Pathen in panpi jing tan.
No comments:
Post a Comment