Christa’n atundoh ding ‘Longlou Lenggam’
achu chamna le lungmonna lhingset umnamun hiding ahitai (ven Isaiah 9:7; 11 le
35,chule Daniel 2:44). Mihemte lah-a kidouna umtalou ding, thilsem dang jouse to
jong chamdel’a hinkhomna umding ahi. Mitin’in jalenna aneiya, hesoh gentheina
le kinotthapna umtalou ding. Milhasam panpingai ho le tibukimlou umtalou ding.
Nelgam’a jong tui long ding, nelgolai jong twiveina sohding chule leigolai
munho-a jong twisam putding ahi (35:5-7).
Hiche gam sunga chu lamlen kidangtah “Thenna
lampi” kilhung ding ahi (35:8). Hichu chonsete hon ahotheilou diu, mitheng
honbou aho theidiu ahi. Pakai Amatah in Lengvai apohding ahi. Chule, Aleng
thaneina khangtou jing ding, cham leng jing ding, Thudih le thutah-a vai apoh
ding, Akhonni geiya Ama vaihom’a pang ding, Ama chu koiman gal’a ajojou louhel
ding, Amajoh hin lenggam dang jouse asuhgam hel’a Alenggam chu atonsot’a umden jing ding ahitai.
Hiche Lenggam a
chu cheng dinga, Lenggammi hi’na (citizenship) chu Jesu Christa tahsana,
Huhhingpu le Pakai dia kisan hon bou aneithei ahi.
Nang jong nakisan
tahding kakineme. Achutile, naheng nakom le midang, ahiloulai hon jong ahin
kisan theina diuvin seipeh in. Naseithemlou jongle, midang seiho hi seipeh
jengin. Akiseina muna puilut in. Houin le Houlamkai ho kinbolna muna ouiyin.
Chutile, Pakaiyin kipaman napeh ding ahi.
Ijemtia
kisanloulai/ changloulai nahijengle, tuhin kisanin, changing. Guhthimchan
taovin, Jesu kouvin. Na chonsetna akoma, taonan, phongin lang, ngaidam thumin.
Ami huhhingna, chonset-ngaidamna chu thumin. Chule, nahinkhoa vaihom din
kouvin. Na hinna le nahinkho kimandan jouse Aman adeilama napui din pedoh in.
Nachonset ngaidamna dia Cross a ahungthi chu kipathu phongin. Lhagao Thenga
napanpi jing din temin.
Pathen in napanpi
jing tahen.
No comments:
Post a Comment