NA DAMNA DIN VEN

Jesu’n ei hung lhatdoh diu dan chu Pathen anamlhensa Israelte anavetsah tai. Pathen doumah (chonset) abol jeh uva gamthip laiya gulsen abanthauva chun, Mose taona sangin Pathen in, Gul khat thinga akhaisangsah tai. Hiche gul vejouse chu hingdoh jiuva ahi. Hichu, Jesu Cross chunga khaisanga, khepbeh a aum diu chu avetsah ahi. Chule, hiche Cross a kikhenbeh Jesu vea tahsan jouse chu chonset thina akona huhhinga um ding ahi.

Jesu’n athi masanga asei chu hejingin :

 “Gamthip noiya Mose’n gul adop sang banga Mihem Chapa hi kidom sang ding ahin,
atahsan chanin Amaa tonsot hinna anei ding ahi.
Ajeh chu Pathenin hi banga hi vannoi angailut ahin, Koi hijongle atahsan chan chu mangthah louva tonsot hinna anei theina din a-Chapa chang khat chu apetai.
Ijeh-inem itile vannoi themmosah ding hilouvin, Ama jeh a vannoi huhhinga aumtheina dia Pathen Chapa chu vannoiya ahinsol ahbouve.
Ama tahsanna chu themmo chang louva, atahsan lou vang chu Pathen Chapa chang khat min a tahsan loujeh a themmo kichansah ahitai.(John 3:14-18)
.

Cross a Jesu thia ei lhatdoh nau chu chute ahi. Mose gul khaisang chu Israelte jouse damna dia kikhaisang ahi. Hinla, tahsanlou ( hiche gullim kikhai chu ipi hija, ivetmana iti kidam ding ham? Tia gela velou jouse chu thicheh’uva ahitai. Ave jouse vang damdoh a ahiuve.

Gul chu vetding ahin, Jesu hi tahsana kisan ding ahi.

Jesu Cross a kikhaisang vet (‘tahsan’) jeh a hinding, damding, chonset ngaidamna chan ding, tonsot hinna neiding chu na geltheilou ahija navetda (tahsana nakisanlou) ahi jengle, athisa nahitai.

Tahsanin kisan in. Tonsot hinna kisanin.

Pathen in panpi jingtan.